r/SaudiProfessionals

بقول شيء عن فكرك معارض التوظيف عندنا

معارض التوظيف ليش كذا!! مجرد بس شكليات للتصوير والشوو الاعلامي!!

وين الفايده بالموضوع اذا انا بآخذ الباركود!! اسويه ببيتنا افضل و اوفر

حرتن الي قاعد يصير شباب طموح ما تفتح له ابواب وفرص حقيقية!!!

المستفز كل جهة يجيك. ٤ كاشخين وحاطينها بريك من العمل

الو صحصحوا شوي!! وخلوا عندكم امانه ورساله حقيقيه وهدف واضح!

reddit.com
u/Aggressive_Sir_2266 — 1 hour ago

بكرة أول يوم - شعور أول يوم مدرسة

السلام

خايفة

بكرة أول يوم ، ما اعرف ايش ينتظرني هيهيهيهي ، ماشاءالله بس أنا شخصية ما تتوتر و دايم تعرف تتكلم ، بتدريبي التعاوني ابدا ما كنت متوترة و من أول يوم كنت كويسة لككككننننننن

الحين ؟ مدري ليش بموت من التوتر

أسمع نبضات قلبي كل ما فكرت بالموضوع🤣

الله ييسر ، ما تعودت علي كذا

reddit.com
u/F_3f — 2 hours ago

ليه ثقافة القوستنق مب موجودة الا عندنا؟

قدمت على اماكن كثير وسبحان الله ما فيه الا اللي عندنا مستكثرين يعطونك خبر انه شفنا غيرك أو ما تم اختيارك

زي اللحجية اللي عندي اسألها وتسفهني

reddit.com
u/spanish_air — 12 hours ago

انقبلت ببرنامج تطوير خريجين بس انا بدفع كل شي

انقبلت ببرنامج تطوير خريجين من جهة حكومية وجزء من هالبرنامج بيودوني لندن اتدرب هناك لمدة شهرين

لكن غير شامل الاقامة، المصاريف اليومية والسفر

اجل انت وش عليك يالجهة؟ الماء؟

شرايكم وش اسوي؟ اكلمهم يستوعبون اني توني تخرجت ما عندي راتب ولا اسحب عليهم

reddit.com
u/Critical_Page_4571 — 9 hours ago

كيف اخلي الدوام يسون ماتش للعرض بدون مايقلعوني

السلام عليكم، جاني اوفر زياده ٦ الاف عن راتبي الحالي وهو هذا الشيء الوحيد الزين بالعرض. الاجازه اقل والبوزشن اقل والجهه اصغر نسبيا من الجهه الحاليه وفيها كرف اكثر لانها تعتبر ستارت اب. دوامي الحالي احسهم يستلطفوني ومديري قبل سنه بالضبط كنا نسولف عن الجهات ورواتبهم وقالي بالحرف روحي جيبي عرض وتعالي اسويلك ماتش من باب الضحك . انا جاني اكثر من عرض ودايما الراتب اعلى وارفض لكن هالمره ابغى اتكلم بس خايفه يقولون لي مرح نسويلك ماتش وبعدين يطلع شكلي غبي بالدوام لو مااستقلت . خصوصا ان الاوفر وقعته حضوري ولا ارسلوا لي نسخه وخايفه حتى لو واجهت دوامي الحالي يقولون ورينا العرض وانا مو عندي. اللي مر بشيء مشابه يفيديني لاني حرفيا احس الناس ماشاءالله تواجه وتتطور وانا بس ساكته.

*قبل شهر بالضبط واحد معنا بالفريق استقال ولا سووله ماتش وهو جاهم على بلاطه تسوون لي ماتش ولا اطلع بس كان اسلوبه فيها لوي ذراع على قولتهم وقالوا له الباب مفتوح، خايفه يصير لي نفس الشيء بس بنفس الوقت احسه الوقت المناسب لان شخص طلع ولا يقدرون يضحون بشخص ثاني.

كيف اجيهم من اي باب وانا ماابي الشركه الثانيه بس ابغى ماتش

reddit.com
u/Arabian_ghada — 5 hours ago

هل أقدر أحول نزول الراتب إلى بنك جديد وأنا علي التزامات؟

عندي وظيفة جديدة وأفكر أخلي الراتب ينزل على بنك مختلف عن البنك الحالي.

علي التزامات/تمويل قائم في البنك الحالي، والأقساط تُسدد شهريًا.

هل هذا يسبب مشكلة مع البنك أو مع جهة العمل؟ وهل أقدر أعطي الموارد البشرية آيبان البنك الجديد مباشرة؟

أفيدوني من تجربة أو معرفة.

reddit.com
u/shsmd — 1 hour ago

ابي استقيل بس اخاف اندم

انا بوظيفه زي الزفت من الاخر كذا

اخصائية مختبر بمجمع صحي، اغلب الوقت يخلوني امسك استقبال وطبعا واكيد مافيه جدول واضح للمهام وتقسيمها، زملائي اذا مسكو الاستقبال يحوسون فيه اخر مصايبهم دخلو مريضه بدون باركود وضاع دمها واضطرو يسحبون ثاني واشتكتهم ، محد مجتهد غيري والله العظيم ومعتمدين علي كثير ، نفسيتي تعبت مو من المسؤولية بل من مقابلة المرضى سمعت شتى الالفاظ و اليوم هو القشة اللي قسمت ظهر البعير واحد بالانتظار عصب علي من الزحمة ومافيه الا وحده تسحب دم وقامو البقية كلهم يصرخون علي وانادي اللي داخل المختبر ولا احد جاء فزع علي بالعكس يقولون الزبون دائما على حق، هذا كله كوم و مديري المصري كوم ثاني، كل مشكله يسوونها يلصقها فيني لاني الوحيده اللي تحترم شيبته وما تصرخ عليه، شهر يونيو تخلص فتره التجربه وبتنزل نتايج الابتعاث وودي اجمع مبلغ قبل اطلع للبعثه بس من الحين مره مالي نفس اكمل

reddit.com
u/Old_Resolution6276 — 11 hours ago

ينفع اسحب على لينكدان؟

ما ابالغ لما اقول اني بكل مره ادخله احس بشعور كتمه ولا احس ان الموضوع worth it ليه فجاه صار شي الزامي

انا لسى بتخرج هذي السنه وبديت حوسه تدوير التدريب بس مو قادره اتحمل لينكدان

reddit.com
u/Maybedede — 20 hours ago

خطوات الشراكه

السلام عليكم مقبل على دخول شراكة في شركة قائمة وش الترتيب الصحيح للخطوات؟ هل أبدأ بمكتب تقييم، أم فحص مالي ومحاسبي او محامي لصياغة العقود وصلاحيات الإدارة؟ ومن ترشحون لي جهات مختصة بالرياض؟

reddit.com
u/Last-Train5793 — 5 hours ago

اغرب مقابله وظيفيه

خلصت مقابله قبل فتره كان تجهيزي لها جدا قوي بس اول ما دخلت ماكان في ولا سوال تقني كانه الcv حقي هو الي دخلني لاني عندي كلمات مفتاحيه للمسمى الوظيفي حرفيا المقابله كانت سوالف عن ايش يبون هم وانا اقول لهم اي اقدر عليها، خلص كلامه وقال لي شكرا لك. الحين افهم ان المقابله كانر جيده ولا سيئه اشلون ؟ هل مفروض اعمل follow up للHR حقهم ولا اصبر بس

reddit.com
u/jone_2bjk — 10 hours ago

برامج الـGPD او تطوير الخريجين، مساعدة!

أنا تخرجت شهر ٦ العام الماضي ٢٠٢٥ ، وخبرتي تمهير ٤ أشهر + احتمال أتوظف.

هل خبرتي إذا صارت سنة او زادت هذا يستبعدني عن القبول بالبرامج ؟؟؟

+ ايش البرامج المفتوحة حاليًا وأفضلها ؟

reddit.com
u/Fun-Raspberry5843 — 8 hours ago

عمل جزئي مع دوام كامل

السلام عليكم

انا موظف في بنك.. وشارطين علينا عدم العمل مع اي جهة أخرى

لو عملت بدوام جزئي في جهة أخرى هل ممكن يعرفون ؟ + وش اللي ممكن يترتب على معرفتهم واكتشافهم ؟

وهل طبيعي وعادي اني اعطيهم خبر اني ابي اشتغل بدوام ثاني جزئي وممكن يقبلونه ؟

reddit.com
u/Reasonable-Day40 — 17 hours ago

التطور في العمل

انا قريت كذا بوست لاشخاص يعانو من نفس مشكلتي انجزت الحمدالله وبنيت سيرة ذاتيه تشرف بفضل الله، الان في وظيفتي جدا كويسه لكن احس مهاراتي قاعده تضمر خصوصا المجال الي انا فيه لازم اطبق لكن التطبيق قليل مرة عكس الدراسه وحالتي قبل. احيانا افكر لو جاتني فرصة اطور من نفسي باخذ اجازه بدون راتب عشان اطور من نفسي

reddit.com
u/Justt_browsing — 10 hours ago

عندي موعد ومابي اداوم

عندي موعد بالمرور تقييم رخصه المشكله ما اعرف هو بياخذ وقت او لا ناويه اطلع الرخصه بنفس اليوم صراحه ومابي اداوم ل هالسبب اخاف اذا قلت للمدير يقولي اذا خلصتي ارجعي هل ممكن اقدر اسوي تقييم واخلص الامور الثانيه بنفس اليوم؟ ع الاقل ما اكون خلصت الا الساعه ٣ بروح اسوي فحص كمان عشان يطول الوقت

reddit.com
u/aranieam — 11 hours ago
▲ 3 r/saudiarabia+1 crossposts

Claude أو Chat GPT تجربة شخصية

السلام عليكم

لوسمحتو أنا ابغى استخدم واحد من من ذولا AI و اشترك فيهم لشغل و لتطويري من الناحية المهنية بشكل عام مين الأفضل ؟ و ايش مميزات كل واحد منهم عن الأخر ؟ مجالي ( محاسبة / مالية )

reddit.com
u/F_3f — 22 hours ago

مكافأة نهاية الخدمة

هل مكافأة نهاية الخدمة تحسب على اجمالي الراتب ولا الاساسي فقط ؟

او يختلف الموضوع حسب العقد والشركة

reddit.com
u/max-101 — 11 hours ago
▲ 2 r/saudiarabia+1 crossposts

Inquiry about payment gateways in Saudi

I'm a solo founder in Saudi Arabia building a digital product on my own website. I have a freelance certificate (وثيقة العمل الحر) but no CR. What payment gateway can I use to accept Mada, Apple Pay, and STC Pay?

Moyasar says on their FAQ that a freelance license is accepted as an alternative to CR — but their actual onboarding flow only asks for a CR number with no alternative path.

Has anyone successfully onboarded with a freelance certificate only? Or is there another gateway that works for solo founders without a CR?

reddit.com
u/Prize_Air5477 — 21 hours ago

موظفين ناقصين عقل

سلام عليكم انا في فتره تدريب تعاوني والاحظ الموظفين اللي معي يضايقوني احيانا ويقللون مني بشكل غير مباشر للأسف ما أفهمها إلا يوم ارجع البيت ولكن هل اللي قاعده اسويه صح

اني اسكت وما اعطيهم وجه واتجنبهم؟

reddit.com
u/Sea-Map6901 — 22 hours ago

مكافأة تدريب مخفية

انا طالب اخر سنة، جاني عرض تدريب (مب تعاوني باقي)، وكاتبين انه فيه مكافأة تعطى حسب تقييم الشركة للمتدرب، هل اسألهم عنها ولا اسكت ؟

reddit.com
u/nawa22681 — 23 hours ago
Week