كيف اخلي الدوام يسون ماتش للعرض بدون مايقلعوني
السلام عليكم، جاني اوفر زياده ٦ الاف عن راتبي الحالي وهو هذا الشيء الوحيد الزين بالعرض. الاجازه اقل والبوزشن اقل والجهه اصغر نسبيا من الجهه الحاليه وفيها كرف اكثر لانها تعتبر ستارت اب. دوامي الحالي احسهم يستلطفوني ومديري قبل سنه بالضبط كنا نسولف عن الجهات ورواتبهم وقالي بالحرف روحي جيبي عرض وتعالي اسويلك ماتش من باب الضحك . انا جاني اكثر من عرض ودايما الراتب اعلى وارفض لكن هالمره ابغى اتكلم بس خايفه يقولون لي مرح نسويلك ماتش وبعدين يطلع شكلي غبي بالدوام لو مااستقلت . خصوصا ان الاوفر وقعته حضوري ولا ارسلوا لي نسخه وخايفه حتى لو واجهت دوامي الحالي يقولون ورينا العرض وانا مو عندي. اللي مر بشيء مشابه يفيديني لاني حرفيا احس الناس ماشاءالله تواجه وتتطور وانا بس ساكته.
*قبل شهر بالضبط واحد معنا بالفريق استقال ولا سووله ماتش وهو جاهم على بلاطه تسوون لي ماتش ولا اطلع بس كان اسلوبه فيها لوي ذراع على قولتهم وقالوا له الباب مفتوح، خايفه يصير لي نفس الشيء بس بنفس الوقت احسه الوقت المناسب لان شخص طلع ولا يقدرون يضحون بشخص ثاني.
كيف اجيهم من اي باب وانا ماابي الشركه الثانيه بس ابغى ماتش