انا برابع شهر من الوظيفه وباقي بفتره التجربه، تجيني انذارات من التأمينات ان صاحب العمل ما يسدد لهم ، علما انه ينزل راتبي بزياده بسيطه عن المفروض ينزل بعد خصم التأمينات
هل ممكن هذا يضرني باي شكل بعدين؟ خصوصا اني ناويه اتركهم بفتره التجربه؟
انا بوظيفه زي الزفت من الاخر كذا
اخصائية مختبر بمجمع صحي، اغلب الوقت يخلوني امسك استقبال وطبعا واكيد مافيه جدول واضح للمهام وتقسيمها، زملائي اذا مسكو الاستقبال يحوسون فيه اخر مصايبهم دخلو مريضه بدون باركود وضاع دمها واضطرو يسحبون ثاني واشتكتهم ، محد مجتهد غيري والله العظيم ومعتمدين علي كثير ، نفسيتي تعبت مو من المسؤولية بل من مقابلة المرضى سمعت شتى الالفاظ و اليوم هو القشة اللي قسمت ظهر البعير واحد بالانتظار عصب علي من الزحمة ومافيه الا وحده تسحب دم وقامو البقية كلهم يصرخون علي وانادي اللي داخل المختبر ولا احد جاء فزع علي بالعكس يقولون الزبون دائما على حق، هذا كله كوم و مديري المصري كوم ثاني، كل مشكله يسوونها يلصقها فيني لاني الوحيده اللي تحترم شيبته وما تصرخ عليه، شهر يونيو تخلص فتره التجربه وبتنزل نتايج الابتعاث وودي اجمع مبلغ قبل اطلع للبعثه بس من الحين مره مالي نفس اكمل