r/Libya

فصل : فلسفة الاتكال والانهيار البطيء .

هذي الصورة من أمام مصرف الجمهورية "صـبـراتـه"

في البداية يمكن يترجمها البعض على أنها «مأساة شعب مظلوم» أو «نتيجة فساد حكومي» الخ ... لكن الحقيقة هي العكس تمامًا.

هذي الصورة نتيجة عقلية التخلف والجهل حتى مع وجود بدائل واضحة زي «الدفع الإلكتروني» والخدمات الحديثة.

هذي الصورة نتيجة عقلية شعب يبي المرتب قبل العمل، والراحة قبل الإنتاج، ويبي من الدولة أن تصرف عليه إلى الأبد، بدون أن يبني أو يطور أو يضيف شيء

سنوات والناس تستنى «التعيين الحكومي» وكأنه حق مقدس، لا كوظيفة مرتبطة بالكفاءة أو الإنتاج.

شعب كامل يبي يعيش من خزينة الدولة… لكن السؤال الحقيقي:

من يصنع هذه الثروة أصلًا؟

مافيش اي دولة يمكن أن تنهض أو تتطور بعقلية تقول:

«الدولة توظفنا، الدولة تصرف علينا، الدولة تحل لنا كل شيء»،

بينما المجتمع نفسه مايبيش العمل الحقيقي.

الكل يبو مكاتب، ومكيفات، ومرتبات مضمونه، وأقل جهد ممكن.

مافيش حد يبي مصنع، أو ورشة، أو مشروع، أو مخاطرة، أو إنتاجيه فعليه…

بعدها يبدأ البكاء والشكوى من “العمالة الأجنبية” لأنها أخذت الأعمال التي يرفض هو انه يشتغل فيها.

هذي الطوابير مش فقط نتيجة فساد حكومي.

سببها الأول والرئيسي شعب تعود أن يستهلك أكثر مما ينتج، وينتظر الحل دائمًا من فوق.

والحقيقة اللي لازم نتقبلها:

الدولة مش اب يصرف على شعبه للأبد.

وأي شعب يقدس المرتب السهل، ويهرب من العمل الحقيقي…

حـ يقعد واقف في طوابير لا تنتهي.

STOP.

مع الاسف يعني فكرة الامر بالمعروف و النهي عن المنكر في ليبيا مشوهه بشكل مرعب بدي مجرد عنوان لي اخطر نوع من انواع القمع و السيطره الجماعيه و الفكريه لي عرفتها البشريه خلونا نكونو واقعين في وقتنا هذا معاش صارت دعوة للاخلاق بلعكس صارت ترخيص لكل جاهل متعصب يبي يدخل في حياة الاخرين يحاسبهم و يؤذيهم و يقولك هذا الدين(لا يقلبي هذا انت مش الدين) موضوع الامر بالمعروف في مجتمعنا مش موضوع ثابت يعني على حسب مثلا لو كان ذكر او انثى صاحب الذنب او ملتحي او لا الخ تبي نثبتلكم.؟ نطلعو للشارع 10 دقايق بزبط ونشوفو قداش واحد يسب و يقذف و يكفر و قداش واحد لابس فوق الركبه و قداش واحد مشغل اغاني وقداش واحد يدخن، تبي نزيدك؟ بعد رمضان تعال شوف قداش واحد يجاهر ب الـ.ـزنـ.ـئ تبي نزيدك ؟ قداش واحد يلود ب مصفحه ف الشارع قداش واحد مليشياوي قداش قداش ... المهم شفت هذم كلهم ؟ جيبلي واحد بس واااحد يوقف عليهم ولا يؤمرهم بالمعروف ترا مافيشش مع الاسف (الا قله وفقهم الله ثابتين على مبدئهم) وحتى ولو اول كلمه تسمعها (راجل مايعيبه شي) لكن ترا شوف مرا طالعه تشكي من مضايقات لي تصيرلها ف الشارع حتى بكامل حشمتها شوف التعليقات شن بتقول ترا بنت طالعه بلا حجاب شوف القذف و السب و الثوره لي بتصير ع خاطرها بحجة الامر ب المعروف

STOP الخلاصه الامر بالمعروف يكون بالين و الحكمه و الاسلوب الحسن مش بتجبر و التناقض و السب و القذف قال تعالى: ﴿ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ﴾

عنوان الدرس : الغايه لا تبرر الوسيله

المده الماضيه كلنااا شفنا مقطع المدرسه الدوليه وشفنا كمية الهجوم لي صار عليهم و السب و القذف وصارت قضية رأي عام مع إن المقطع مكانش فيه اي شي غلط حرفياا لكن ماعلينااااا

الاسبوع هذا تاني مقطع ينتشر على موضوع تهريب الافارقه في وسط العائلات

هل في من تكلم ؟ لا، هل في من نزل قرار ؟ لا، هل في من طلع هوا و دفالته و تكلم ؟لا، هل صارت نصف ضجة المدرسه؟ لا ، توا اني هذا كله مش هامني تمام

ننصدم تواااا بأنه شخص منزل منشور طويل عريض يبرر ف الشي لي مدايرينه لاااا المشكله وين ينتقد ف الامن على موضوع نشر الفيديو و عاطي الف عذر للبغل لي يسوق ومرته وماشفتش حد قال عليهم ديـ.ـوث و لا انتقده ولا شي سبحان الله في بغل كان مقايل (اليوم تركضلي وغدوا ترقدلي) مشفتاش تكلم

هل يمكن انه الشعب ماشافش الفيديو لي توا ؟ او انه اللحيه و العبايه تعطيك حصانه 😉🤭 ؟

.STOP

المظهر يبرر الوسيله

خليني نكلم صاحب التعليق بي التخاطر"امسح تعليقك بلا عار خير ماامك تشوفة"

Hey guys, there’s this video going viral of a Libyan guy eating فصوليه with an African guy, and they’re literally just having a normal, chill conversation. But the comments are acting like the African guy did something wrong???

Like… nothing in the video was even negative, but people are still accusing him of humiliating the Libyan guy or whatever. It honestly doesn’t make sense to me.

What do you think—is this reaction justified, or are people just being biased/overreacting?

انا طالب في كلية الهندسة وتخرجي السم الجاي بعد مشقة 5 سنوات

انا كنت ناوي نخطب ونكمل شقتي ونستقر ونتجوز لاكن وضع لبلاد مش عاجبني ليبيا دولة فاشلة وكل مالها تفشل اكثر والانسان يعيش مرة واحدة فقط ومزلت بصحتي نستحق حياة كريمة نبي نهاجر حالياً نتعلم في لغة انجليزية وقاطع شوط جيد بجانب دراستي في الكلية حتى البنت الي نبيها فركشت معاها لأنها تعطلني في موضوع الهجرة هل تصرفي صحيح والاهل غير موافقين على الموضوع

انصحوني كيف نهاجر او نطلع من البلاد المظلمة هذي بطريقة رسمية ومش مهم المبلغ المادي اهم شي بشكل رسمي وشن المهارات الي لازم نكتسبهن توا عمري 23؟

Found this on twitter I just wanna know what’s going on .The original post didn’t have much info.

في ليبيا سوء جودة الحياة مش ديمة سببها الحكام و الساسة و فشل مؤسسات الدولة و الانهيار السياسي

جودة الحياة السيئة في حالات واجد سببها الشعب نفسه (عممت عالشعب لان الغالبية هكي)

خلينا من ان الجيش ملش علاقة بالأسعار و خلينا من ان رفاهية دولة المؤسسات و كل مؤسسة و مهامها (اي حد فاهم الوضع عارف ان البلاد هربكانة).

(و ان مفهوم دولة المؤسسات اساسا معدوم )

عقلية جزء كبير من الشعب تفرض ان جودة الحياة في ليبيا حتكون سيئة ذلك بأنهم مش متقبلين ان القطاع الخدمي يستهدف فئات مختلفة و تحكمه معادلة الجودة و السعر

بحيث ان مش كل منتج مصمم لإحتياجك و قدرتك

يعني انا مثلا لو فاتح عليا ربي و عندي فلوس

انا نبي مدرسة ممتازة نقري فيها عيالي و مستعد ندفع سعر عالي

انت ما تقدرش امشي لمدرسة نص نص و ادفع فيها القسط النص نص

و لو كنت راقد ريح و ما تقدرش عالخاص هنا مشكلتك مع الحكومة نفسها توفر لك قطاع عام كويس و قريب منك

لكن و في ظل انهيار القطاع العام يفترض الخاص يسيبوه في حاله بحيث ان كل مستثمر يستهدف الفئة متاعه

فئة الجودة العالية الغالية

و فئة الجودة المتوسطة اللي في المتناول

و فئة الجودة التعبانة الرخيصة

لكن لا

خوتك الليبين يبوا حتى الخاص يخرب(بدون وعي منهم) عشان هم يبوا يفرضوا عليه تسعيرة

الية تخريب الخاص من خلال التسعيرة

هي ان القطاع الخاص حيقلل الرواتب و حيقلل العاملين و حيقلل النشاطات و مش حيقدر يحافظ على العاملين ذوي الكفاءة او حيفقد ذوي الكفاءة الحافز انهم يعطوا كل ما عندهم و يطوروا انفسهم

ليبيا معبية مدارس خاصة زبالة مدارس تعطي في مدرساتها رواتب هزيلة و اقل من الهزيلة ولذلك ديمة عندهم نقص في المدرسات ولو عندهم حيكون تعليم زبالة و ضعيف

و اخر العام ينجحوا العويل و العويل مش فاهمين حاجة

ف ك ولي امر يهمك جودة تعليم عيالك مش حيقعد قدامك الا القطاع العام المنهار اللي كله فوضى و تنمر

او حيقعد قدامك قطاع خاصة ذو جودة صفرية و في الحالتين حتدفع حق الكورسات الصيفية و التقويات و فوق كل ما سبق حتقريهم فالحوش(غالبا الأم حتقعد مدرسة منزلية)

ه الفشل مش بس واقف على المدارس و لكن حتى المصحات و العيادات الخاصة

و بدرجة اقل المطاعم و شركات الطيران

المواطن عندنا يبي سعر رخييص و في نفس الوقت يبي جودة ممتازة (كيف ما تعرفش)

وهذا طبعا جزء من انهيار الصحة و التعليم الخاص عندنا

ان البزنس مودل اللي يشجع عليه المستهلك

هو مودل النصب و الاحتيال (واجهة جميلة و لسان سمح و جودة اقل من المقبول)

لأنك ك مستثمر اذا التسعيرة تظلمك

اكيد حتنقص من الجودة بيش تحافظ على ربحك

و مع الوقت و رغم ان سوق القطاع الخدمي في المدن الكبيرة(بنغازي/طرابلس) ممكن له ان يكون قوي و ينافس في العالم الاخر

تلقى روحك في حاجات واجد مظطر تمشي لتونس او مصر او تركيا عشان تتلقى خدمة كويسة

خاصة لو حكينا على قطاع الصحة او السياحة .