r/Emiratis

هل طبيعي انه مديرتي الاجنبية ماتحبني احتك مع باقي المدراء؟ واي شي ابا اقوله لهم واطرشلهم ايميل ترفض وتتضاايق وتقول انا بطرش لهم.

السلام عليكم و رحمة الله وبركاته

في شاغرين في ابوظبي في شركة خاصة معروفة عالمياً في مجال الغذاء

Position: Assistant Manager, Medical Representative

يفضل بس مب شرط

And preferably: Bachelor of pharmaceutical science / medicine / nutrition / Biology

Position: Assistant Manager, Sales

Full time

Requirements: Bachelors

اذا حد يدور طرشولي السي في على الخاص

شكراً 🫶🏻

يا جماعة الخير، أبي آخذ رأيكم بصراحة 🙏

أنا شاب أدور بنت الحلال، وكل ما أتعرف على بنت ونجلس نتكلم فالشوفة، يتكرر معي نفس الشي.

أحس إن كثير منهم من البداية يقولون كلام يعطي انطباع إن تفكيرهم نسوي، وإن النساء مظلومات، وإن الطبخ للزوج مو واجب هذا بس "كرم" منها، وإنهم ضد الـ gender roles بشكل عام.

ترى أنا مو قاعد أنكر إن في ظلم يصير للبنات في عالمنا العربي، وأدري إن وايد منهم فعلاً مرّوا بتجارب صعبة، وهذا شي ما أختلف عليه. بس بنفس الوقت، أحس مو مناسب ينفتح هالموضوع من أول جلسة تعارف بهالطريقة.

يعني أنا داخل بنية طيبة، وأبي أتعرف بشكل إيجابي، بالعكس والله كريال أفرح إني أدلع زوجتي وأهتم فيها وأسعدها، وأشوف العلاقة مودة ورحمة وتفاهم. فليش من البداية يكون التركيز على هالأمور السلبية؟

وبصراحة، بديت أحس إن البنت اللي تطرح هالأفكار من أول جلسة ممكن ما تكون مناسبة لي أنا شخصيًا، لأن واضح إن في اختلاف كبير بطريقة التفكير من البداية.

هل أنا غلط بهالتفكير؟

وهل تشوفون طبيعي البنت تطرح هالمواضيع من أول جلسة؟

ولا المفروض البداية تكون أخف وأبسط وبشكل إيجابي أكثر؟

لأن الموضوع صراحة قاعد يتكرر معي، وبدأت أشك هل هذا صار التفكير الغالب فعلًا، ولا أنا بس صادفت نفس النوعية أكثر من مرة؟

Our school currently has 8 open Teaching Assistant positions for Emiratis who can start immediately.

If you can recommend anyone or share any profiles to me, it would be greatly appreciated.

Please message me directly.

Location Dubai.

Requirements: Education Certificate ( MOFA Attested if you studied overseas), Family Book, 2 available references)

. . . .

تتوفر في مدرستنا حاليًا ٨ وظائف شاغرة لمساعدي تدريس من المواطنين الإماراتيين، ويمكنهم البدء فورًا.

أرجو منكم ترشيح أي شخص أو مشاركة أي ملفات تعريفية، وسأكون ممتنًا جدًا لذلك.

يرجى التواصل معي مباشرةً.

الموقع: دبي.

المتطلبات: شهادة دراسية (مصدقة من وزارة الخارجية إذا كانت الدراسة في الخارج)، دفتر العائلة، مرجعان متاحان.

بدون ذكر تفاصيل تعرضت لايذاء جنسي (غير كامل- عن طريق اللمس في مناطق حساسه) وهذا الشخص أنا كنت رايحه له عشان خدمه معينه- بدون ذكر تفاصيل عشان ما ينفضح الموضوع.

أنا لحد الآن ما قلت حق حد عن اللي صار، وصراحه أنا خايفة وايد. في ناس من عائلتي يشتغلون في الشرطة، وخايفة يعرفون، لأني ما أبغي الموضوع يسبب إحراج أو عار لعائلتي.

أنا ما عندي ثقة في نظام العدالة. آخر مرة حاولت أبلغ عن إساءة وضرب داخل العائلة، الشرطة قالوا لأقاربي اللي يشتغلون في الشرطة، مع إني طلبت منهم بوضوح يحافظون على السرية. هالتجربة كسرت ثقتي تمامًا، وخلت فكرة إني أتكلم أو أبلغ الحين أصعب بكثير علي.

شو تنصحوني اسوي؟

السلام عليكم ، الحمدلله الدولة ماقصرت بخصوص الزواج و بالاخص مبادرة مديم اللي حتى شملت القسط الميسر … و هذا الشيء ساهم وايد في زواج الافراد و تسهيل العبء … و سكن سنتين و و مع زيادة الاطفال يقل الدين و الخ … يعني فعلياً** اعقلها و توك**ل

لكن للأسف في بعض الاهالي مالهم رغبة في زواج مديم ؛ ان كانوا اهل الزوج او اهل الزوجة و هذا الشيء مؤسف…

من وجهة نظركم شو سبب ان الاهالي يرفضون زواج مديم ؟ شي مقنع ابداً

السلام عليكم السموحة اذا بطول عليكم بس احس بشعور غريب انا معرسة من ثلاث سنين و ريلي كان اول ما عرسنا ماشي احسن عنه طبعاً بتغييرات طبيعية يعني عادي بس من عقب ما استوت حرب اكتوبر استوا واحد ثاني بحكم دوامه يسفرونه و تم هناك تقريباً سنه كاملة.

طبعاً رد الدار اسبوع و خلال هالاسبوع انا ربيت و ثاني يوم رد سافر تم لين ما خلصت الاربعين مافيها شي يا حلاوة كنا نمر بارمة مالية و بالعكس كنت اساعده و احاول اني اكون ايده اليمين بس اللي استوا عقبها خلاني اشك بنفسي

تخيلو انه استوت علاقتنا فاتره بشكل يروع لدرجة انه عادي ما يمسك ايدي او يقول كلام حلو و يفر علي بنته يتحجج بسير اصلي و هو ما اذن حتى

عقب الصبر كم شهر هو محد الحين دوامه يسفرونه كل فترة و يوم يسافر يكون معاي عسل بس عندي جنه انا جنية

الموضوع وصل لاهماله لبنته و يبا يعيش جنه عزوبي يسير الدوام متاخر و يرد متاخر ولا كنه نحن فالبيت و البنت تسال عنه احترت شو اقول يخليني اسير اوجب اهله و اهلي و هو يتهرب بحجة دوام

طبعاً الطرف المادي الحمدلله تحسن بس بعد لو شي لي يحقق معاي بس ماشي اي مشكلة بصبر

التعامل استوا بيننا كنه متزوجين من دهر و انا ما دخلت الثلاثين حتى حاولت و كلمته كذا مره بخصوص الموضوع و تعرفون اللي ما يهمه شو يعني لدرجة انا حامل و بربي من قريب اسبوع تقريباً فالمستشفى تخيلو انه زارني مرتين بس و كان مستعيل حتى يطلع و يسير عني امه و اميه يلسوا عندي اكثر منه و اليوم تخيلو بسير المستشفى تعبانه و امه عندنا فالبيت اترجاه يرقد البنت ماروم اتحمل الويع اونه شو لا اميه ترقدها حرام عليك امك كبيرة ييت انا برقدها ما اهتم و عقب سرت باوبر و بعد ما همه

وصلت وياي اني اتحمل عيالي و اربيهم ولا اهتم له

السلام عليكم..

أعاني من مشكلة في الدوام وابغي أعرف اذا في حد يمر بنفس الشي. أنا توه بادية شغل يديد في شركة خاصة، ومن أول ما بديت كنت أداوم كل يوم بدري وحاطة ميك أب. كنت أقوم أبكر عن العادة عشان أجهز عمري وأحط ميك أب

بس من بدا رمضان وقفت ميك أب، وكان الموضوع مريح وااااايد. صرت أقدر اتوضى براحتي، وحتى كنت ارقد زيادة لاني موب لازم أقوم بدري عشان الميك أب

وكملت بعد رمضان بدون ميك أب، بس لاحظت ان زميلاتي في الدوام بدوا يعلقون إني مبينة تعبانة (انا بطبيعتي عندي هالات تحت عيوني). الموضوع مضايقني شوي، بس في نفس الوقت ما أبغي أرد أحط ميك أب

في حد مثلي قد مر بهالشي؟ وكيف تتغلبون هالشي؟

أنا دوم جي ما عرف البس غتره او العقال وابا اعرف كيف اتغتر عدل ، مع اني أضيع ٢-٣ ساعات وانا اتغتر او البس عقال وشكلي كاني اجنبي الي يطلع في الإعلانات 😅

أعرف إن في هالوقت بالذات، في ناس يالسة تتذكر أشخاص أو تدمع عينها على مواقف عورت قلبها، أو تتمنى شي من خاطرها وللحين ما استوى.

حبيت بس أقول لكم من كل قلبي الله يسعدكم، ويمسح على قلوبكم، ويحقق لكم كل أمنياتكم، ويعوضكم خير عن كل لحظة حزن عشتوها.

هونوا على عماركم.. وتصبحون على راحة بال 🤍.

كنا نتكلم عادي وفجاءة دخلنا بنقاش عن المطاعم وكانت تقول بيتزاهت احلا عن بابا جونز جان أنا اقول لا بابا جونز احلا والخ. يعني جي استهبال وانا قلت بابا جونز حلو حتى ابوي يحب يأكل منه جان هي تقول ب استهبال طبعاّ "أبوج loser"

أنا ما مشيت الموضوع ياخي ادري ما تقصدها بطريقه حرفيه بس إلا ابوي خط احمر وما أرضى عليه نهائياّ

عاد أنا عصبت وقلت قسم بالله لا العن شكلج لا تغلطين على ابوي وهي على طول اعتذرت بس أنا كنت مصعبه جد.

المهم عقب هدينا وحسيت اني قسيت عليها مادري احس كان على نياتها 🥲 وانا عصبت

ياخي مادري

أنا ما قدرت اني اتكلم بالهداوه واشرح لها انه هالموضوع يضايق بس لان الكلمه جد زعلتني أنا عصبت وصرت ماصخه شوي

تعرفون كيف ما أداني أكون مصدر خوف او اني انشر السلبيه والخ بالعكس أنا وايد احب اني أكون a comforting person واصلا مول ما اعصب حتى لو تضايقت ما استخدم ها الأسلوب لكن هالمره جي بالغلط واحس مادري

بنات وشباب تعرفون مطعم يسوي الاكل بالسلمون البري؟ مو مال الجمعيات؟ واذا عندكم خبره على السلمون نوروني بالذات مال الجمعيات لان احسه مضر من الي اقراه

يعني يايين هم من جامعات و اكيد غير عن الpractical application, فكونوا صبورين و خلو كل شي واضح. بعد لا تحطمونهم و اوزنوا كلامكم صح. كافيهم الي هم فيه ضايعين و مب فاهمين شي و بروحهم يحسون انهم هم عليكم. فسوا خير و خلوا حد ثاني مسؤول عنهم.

بعد هل يعتبر غيبه و نميمه لو تكلمتوا عن حد يغلط عليكم خصوصا فالتدريب، الشخص المسؤول عني مثلا اسلوبها مب حلو فنحن الطلبه نشتكي لبعض و بعد لدكاترتنا و يكون echo chamber.

انا بنت كله بالبيت ووصلت الثلاثين تقريبا 33 والله كل شي محرومه منه اهل وزواج وعمل واصدقاء كل شي ماعندي بس بين اربع جدران

وصراحه مليت من الوحده والله كل اخواني متزوجين غيري انا ابكي كل يوم بعد منتصف الليل تجيني وحشه وضيقه واقعد ابكي بروحي واصيح واقول متى راح يكون عندي زوج وطفل احضنه متى؟ يعني حتى ما انخطبت ولا صار شي بحياتي ماعرف ليه

احس قلبي يوجعني من كثر الوحده

ادعولي اتزوج لان فقدت الامل

وشكرا على القراءه احس ودي افضفض شوي بس

السموحه منكم 😔

أنا إنسانة حساسة الصراحة يعني أي تصرف من شخص ألاحظه وانتبه لكن هذا الشي مو اوفرة مني ، خلوني أوضح لكم مرات اكون أفضفض حق ربيعتي بس من اكون أسولف عن نفسي تقلب الموضوع تتكلم عن نفسها . أنا منصتة عشان كذا خلاص لو تكلمت بخليها تخلص واتكلم لكن انا تقاطعني وتبدا تتكلم عن نفسها ، او مرات اسولف الا هي ما تهتم لسالفتي تقول امم امم وخلاص ، الامر بدأ يزعجني ، أنا ولا أحد يعرف انه هذا الشي يضوجني عشان الطبيعي الانسان يعاملك بأخلاقه .

اتمنى تقولون الامر طبيعي؟ ولا انا أوفر ؟ لانه الامر متعب نفسيا اكون متحمسة او زعلانة ما تلاقين احد تسولفين له ؟

اذا ممكن خبرونا كل التفاصيل اذا في تصريح او شي طلعتوه لاني اقرا معلومات متضاربة، مشكورين يزاكم الله خير

المود الله يطول باعماركم لا تحذفون بوستي اترجاكم

السلام عليكم, من حوالي 3 شهور سجلت في كذا موقع وتطبيق للزواج على أمل العثور على شريكة حياة مناسبة. حاب اشارك تجربتي الكاملة حتى اللحظة ونوعية الناس اللي شفتهم هناك. وحاب اسمع منكم اذا عندكم تعقيب معين او توجيه.

لين الحين تحادثت مع 24 بنت وامرأة ولا زلت بدون تقدم يذكر. كتبت سطرين ملخص عن عن كل ها ال 24 حالة. اللي بس مهتم بملخص التجربة يقدر سوي سكيب من هني لين آخر فقرة (الملخص).

توضيح:

كلمة "فاول" = حاولت اخذ واعطي بس الطرف الثاني اكتفى بالقراءة وعدم الرد لمدة طويلة (ايام مب ساعات). من كثر ما تكرر الشي بغيت اختصر التعبير بكلمة وحدة.

-1-

اول تواصل بادرت انا مع البنت وسألتها اذا حابة تتكلم عن نفسها وحياتها, قالت ها مب برنامج حق ضحك ومصخرة, قلت لها البروفايل مالج فاضي و بس كاتبة "اثناء التواصل", قالت انت شكلك تبا تستكشف البرنامج كمل استكشاف. من اولها لا اسلوب ولا حسن ظن, ما كملت.

-2-

ثاني تواصل البنت بادرت, اسلوبها راقي وتفاءلت بس اليوم اللي عقبه اختفت وما رجعت, يمكن نست الموضوع ولا كانت

تجرب بس.

-3-

ثالث تواصل بنت عربية ابدت اهتمامها, اعتذرت منها لانها مب في الامارات, لو هي هني ممكن اعطي الموضوع فرصة.

-4-

رابع تواصل انا بادرت, سألتني شو برجك؟ قلت كذا, قالت ما بيننا توافق.

-5-

خامس تواصل هي سوتلي لايك بس انا بادرت بالتواصل, قلت السلام عليكم وشكرا على الاهتمام, بندت حسابها.

-6-

البنت بادرت, بداية جيدة وتعارفنا بشكل جيد مقارنة بما سبق وقالت لي عندنا وايد امور مشتركة, بس الحوار معظمه كان أسئلة منها وأجوبة مني, يوم بديت انا أسألتها قامت تردت علي بتنكيت, مثل يوم تسأل حد: وين ساكن؟ يقول لك ساكن في البيت (مشيتها قلت يمكن هي تحب تنكت ولا مالها بارض اليوم, بسألها باجر), اليوم اللي عقبه محادثتها اختفت.

-7-

البنت بادرت, سألتني شو التطبيق وياك؟ انا احسه جنه Tinder نسخة اسلامية يضحك الشي, وكملت طريقها. حديث عابر لكني غير مستاء, الناس بطبيعتها عندها فضول عن الاشياء وتحب تشارك انطباعاتها.

-8-

البنت بادرت بس كانت منفصلة ومعاها طفلين, اعتذرت.

-9-

عيبني بروفايلها وبادرت وياها, بعد فترة بسيطة عطتني حسابها الشخصي في السوشال ميديا لأن المحادثة في البرنامج يبالها اشتراك, تواصلت وياها هناك, ردت علي اول يوم ومن بعدها فاول.

-10-

بادرت مع بنت فيها كثير أشياء عجبتني ما عدى الجنسية, جوازها من دولة غير مستقرة لكن مولودة ورابية ومستقرة في الامارات وتكتب بلهجة اماراتية, شفافيتها بحد ذاتها شي يرفع له القبعة. كنت متردد في البداية بس بعد تفكير قررت اعطي الموضوع فرصة. انسانة محترمة ولبقة جدا في الحديث بس للأسف بندت حسابها.

-11-

بادرت مع بنت بعد اعجاب متبادل, لا زلت على تواصل خفيف معاها بس التواصل وايد بارد, رسايلها معظمها كلمة كلمتين وغالبا انا اللي ابادر و اكتب واسأل. ما اتوقع اني بكمل.

-12-

البنت بادرت وقالت عيبها شي كاتبنه في البروفايل مالي, شكرتها وعطيتها تفاصيل شوي عن الشي اللي طرته, فاول. طرشتلها اسلم واتخبر عقب كم يوم, فاول.

-13-

بادرت مع بنت واخيرا حسيت انه فيه مجهود وقبول متبادل بعد كم يوم من المحادثات, بس للأسف ما كملنا. واحد من شروطي هي التواصل مع البنت والالتقاء بها قبل لا اتقدم لها (للي يعاني من سوء الظن: مب للتغزل و الوقوع في الحب, الهدف تكوين معرفة وصورة مسبقة عن الطرف ثاني وفهمه بشكل أعمق واتاحة الفرصة له كذلك لنفس الشي, فيه امور النظرة الشرعية التقليدية ما تلبي لي اياها). اعتذرت البنت وقالت ان هذا الشي ما يتقبلونه, احترمت قرارها وتمنيت لها الخير. قالت لو وضحت لي ها الشي من البداية كان افضل وبيختصر علينا, معاها حق واعتذرت لها. عقبها عدلت بروفايلي ووضحت ها النقطة.

-14-

بادرت بنت, وضحت لها شرطي من البداية, اعتذرت مني.

-15-

بادرت مع بنت ووضحت لها الشرط, قالت اول تكلم عن تفسك شوي عسب نشوف, كتبت لها فقرة عن نفسي, فاول. بعد كم يوم فاول ثاني.

-16-

بادرت بنت وأبدت اهتمام, قالت لفتني ملفك وما ابغي منك شي بس ابغي اساعدك بالكلام, مافهمت عليها قالت حابة نتكلم بس ما ابغيك تفهمني غلط, قلت تفضلي, قالت شو رايك في بروفايلي؟ قلت جيد وفيه نقاط ملفتة وكذا وكذا, عقب ما قرت سوتلي بلوك.

-17-

بادرت بنت وتعارفنا بشكل خفيف والامور مشت بشكل جيد, عقب يومين القيت نظرة على بروفايلها مرة ثانية وانتبهت لشي ما ركزت عليه قبل, في خانة التدخين كاتبة "ڤيب". سألتها عنه قالت هيه للأسف تڤيب, شكرتها على شفافيتها

واعتذرت منها.

-18-

بنت بادرت وكملت معاها شوي لين ما قالتلي انها من جنسية عربية (في البروفايل إماراتية), اعتذرت منها (لأني حسيت اني انخدعت مب لأنها مب إماراتية).

-19-

بادرت مع بنت بعد اعجاب متبادل. مسلمة غير عربية, اصولها مختلطة, اكبر مني ب 3 سنين. البايو مالها شدني ومكتوب باسلوب جميلا جدا. تعرفنا بشكل خفيف وكانت تاخذ وتعطي اول يومين بس عقبها فاول. سألتها اتطمن على صحتها (هي كانت طالعة من المستشفى من كم يوم) قالت انها بخير, وعقبها فاول, وفاول ثاني, اعتذرت وقلتها لها ما راح اكمل, طبعا فاول.

-20-

بادرت بنت بعد اعجاب متبادل, تحادثنا بشكل خفيف وعقب سألتني عن شي في مجال تخصصي وقالت لي مشكور ما تقصر كنت ابغي رايك بس.

-21-

بادرت بنت و بدأت بطريقة غريبة جدا: انت عندك امل تحصل بنت محترمة وانت ثلاثيني مب متزوج؟ لا تتحرونا غبيات ترا كلنا نعرف سوالفكم.. سويت بلوك وريبورت, ما رديت عليها, اي سوالف واي غبيات شو السالفة.. جيكت عبروفايلها لقيتها كاتبة كلام رخيص جدا في البايو ما اقدر اكتبه هني.

-22-

بادرت انا بعد اعجاب متبادل, فاول.

-23-

اعجاب متبادل, من دولة عربية**,** محادثات** **خفيفة على مدى كم يوم, خذت انطباع جيد عنها بس يوم جيكت على بروفايلها مرة ثانية لاحظت انها أم (اول مرة ما انتبهت), سألتها بشكل خفيف عن عيالها قالت عندها ولد عمره سنة, عقب كم ساعة سوت الغاء اهتمام. مادري يمكن انزعجت من السؤال, عموما هي كانت محترمة وياي والله يكتب لها التوفيق في مسعاها

ويحفظ لها ولدها.

-24-

بادرت معاي واعتذرت منها (اكبر مني ب 12 سنة وعندها عيال).

الملخص:

24 محادثة ولا وحدة منهم اثمرت: 12 لعدم جدية او التجاهل, 6 لعدم التوافق من طرفي, 4 لعدم التوافق من طرفها, 2 لأسلوب سيء وقلة اجترام.

. النتيجة ما تشجع وايد بس بالي طويل, بستمر شهر شهرين لعل وعسى نتوفق.

عندي شوية ملاحظات لأخواتنا:

وايد بروفايلات مخلين مكان البايو/النبذة فاضي, ولا تحصلهم حاطين ايموجي قلب. الزواج والعلاقات تقوم على مجهود, لما اشوف صاحب البروفايل ما بذل مجهود بسيط يكتب عن نفسه حتى لو سطر انا ما آخذ انطباع انه راح يبذل مجهود في العلاقة بعدين.

انا مب ضد ان الوحدة تكتفي ب عبارات عامة مثل "ريال يخاف الله فيني", "رجل بمعنى الكلمة", "يحترم المرأة", كل حد يعبر باللي يرتاح له. مشكلة ها العبارات انا شخصيا ما تفيديني لأنها متكررة ومستهلكة وما اعرف بالضبط شو المقصود منها, لو تسأل 10 اشخاص شو معنى "يحترم المرأة" بتحصل 10 اجابات. استبدال ها العبارة ب "يدعم طموحاتي ويشاركني اهتماماتي ويسمعني" مثلا يفرق وايد, سمت احتياجاتها او توقعاتها.

يعطيكم العافية.

في موظفه تتعمد ماترد على رسايلي في التيمز. المهم قبل اسبوع طلبت مني تاسك وخلصته ورسلت على التيمز ان لو سمحتي شيكي عليه. مر اسبوع وماردت علي (ونا كنت اترياها ترد وما اتصلت عليها لان التاسك مب وايد مهم). و اليوم مطرشه ايميل طويل والزبده تقول ان وين الشغل وليش التأخير ومسويه cc للمانجر مالي؟؟؟. ابي ارد عليها بطريقه توضح للمدير ان هي الغلطانه مب انا، لكن ما ابي كلام درامي ابا رد محترم. للمعلوميه الفريق كله وافدين ونا المواطنه الوحيده.

انقبلت في برنامج ماستر في جامعة من أفضل ٢٠ جامعة في العالم بجهدي. المنحة غطت وايد من التكاليف. اللي باقي هو التفريغ من جهتي الحكومية

ما ظنيت انه الفرصه اللي اكتسبتها بجدارة راح يحتاج كل هذا الجهد دقيت على اغلب الابواب، جهات بحثية، جهات تمويل، جهات حكومية اخرى

البرنامج متخصص ف ذكاء اصطناعي وانا عندي خبرة فيه منزمان بس اللهم خذيت بريك سنتين وداومت ف قطاع التكنولوجيا ، اللي مر بتجربة مشابهة ولا يقدر يدلني ع بقعة؟ حد تعامل مع هالشي؟ والله ابي اطلب العلم واجاهد فالتخصص بس بنفس الوقت ابا اصرف ع عايلتي وبعدني بستمر اجاهد ولكن خلصت حلولي الظاهر