هل هذا الاختلاف مع خطيبتي عادي ولا مؤشر لمشكلة اكبر؟
عندي موضوع محتاج آخذ فيه آراءكم بصراحة. أنا خليجي خاطب بنت من الاردن، وفتحنا موضوع المبيت خارج البيت. هي قالتلي إنها متعودة تطلع تبات عند ربيعاتها، أو أحياناً يسافرون مدينة ثانية ويباتون في فندق.
أنا بصراحة ما ارتحت لهالشي، وخبرتها بهدوء. هي ردت علي إنه هذا شي عادي بالنسبة لها، وما تشوف فيه مشكلة. أنا وضحت لها إنه الموضوع بالنسبة لي مبدأ، و مو بس عليها حتى علي أنا نفس الشي، يعني ما أشوفه مناسب للطرفين.
المشكلة إنها مصرة على رأيها، وتقول إني جي قاعد أتحكم فيها وإنه مو من حقي أقول لها شو تسوي بهالأمور. ومع النقاش، بديت أحس إنه ممكن مستقبلاً ما يكون فيه توافق بينا، أو إنها ما بتحترم وجهة نظري في هالأشياء.
الحين أنا محتار… هل فعلاً الموضوع عادي وأنا مكبره؟ ولا هذا اختلاف جوهري ممكن يسبب مشاكل بعد الزواج؟ وهل تشوفون إنه سبب كافي
إني أعيد التفكير بالخطوبة من الأساس؟
هل اغلب الاردنيين عادي عندهم هالسوالف؟
أبغي أسمع آراءكم، خصوصاً من اردنيين (و النعم فيكم) مروا بتجارب مشابهة.
مشكورين مقدماً 🙏