u/New-Pop-8704

هل طبيعي انه مديرتي الاجنبية ماتحبني احتك مع باقي المدراء؟ واي شي ابا اقوله لهم واطرشلهم ايميل ترفض وتتضاايق وتقول انا بطرش لهم.

سبحان الله فدوامي القبلي كنت اتمنىى اشتغل ويا مواطنات هذي كانت امنيتيي عقب انتقلت شركة ثانية وبكمل سنة فالدوام وللحين مش قادرة اتأقلم ويا زميلاتي الثنتين المواطنات فالتيم.

من البداية اصلا الاتش ار قعدوني فمكتب بعيد عنهم بسبب انهم "مايشتغلون" وهذي بداية عدم تقبلهم لي. بعد كم من شهر نقلت عندهم.

وحدة منهم تشوفني جدار تسلم عالكل بوسات واحضان الا انا بنت تيمها حتى ماسمع السلام عليكم، وهي مكتبها عمكتبي. وعادي فجأة تسولف وياي كأنه ماتسوي شيء غلط بحقي. ما اذكر حرفيا اني اسأت معاملتهم في شيء وبالعكس متعاونة جدا لكن مش لدرجة انه يستغلوني (هاذي كذا مرة حاولت تستغل لانها مالها خلق تشتغل).

احيانا نسولف بس شخصياتنا متضاربة حتى السوالف ماعرف اسولف وياهم، سلبيين بشكل فضيع يمشون ويتحلطمون ويحشون وانا اكره هالنوعية ماتحمل اقعد وياهم اقول كيف يت فبالهم هالافكار؟ ومتأكدة مليون بالمية يحشون عني. احيانا من كثر ما اني ماتحمل ألبس سماعتي واسمع اغاني بصوت عالي.

مديري يفضلني عنهم بسبب شغلي واجتهادي واحيانا يبين هالشيء .. وطبعا تبدا نار الغيرة في عيونهم.

مابا انقل تيم ثاني احب شغلي بس هم كرهووني فالدواام سببولي ضغط نفسي اكثر من الشغل نفسه بس ما ابين لهم ولا شيء.

بتقولولي لا تهتمين، كيف ماهتم وانا اقابلهم اكثر من اهلي؟