u/_person-_

؟

كان ليا صحاب كتير جدا لحد الثانويه يعني كتير اوي اتوح فيهم كده وانا بعدهم والله. جت فتره عملت عمليه محدش فيهم سأل علي الاقل برساله. بعدت جامد عنهم والحمد لله اني بعدت وفي جامعه وكليه بعاد عن اي حد فيهم وفيهم اللي معرفش راح فين.

دخلت جامعه عرفت ٣ صحاب ولدين وبنت الولدين بتوع مصلحتهم جدا ومش بفتكروني الا اما يعوزو حاجه معرفش ده الطبيعي او لا بس انا ده مش عاجبني فبعدت عنهم اما البنت مكنش فيها غلط بمعني الكلمه كل حاجه تلاقي الا انها اوفر اوفر اجتماعيه تعرف ده ودي وكلو كلو والشخص اللي من النوع ده بكره من غير سبب خصوصا لو بنت

فااااا معدش في حد والوضع الحالي حرفيا تروما من انو اتعرف علي حد والله ومش عايز اتعرف على حد

كانو ٣ سنين كفيله تشقلب ده كلو بس زي الفل والله مفيش غير حبه فراغ كده اخر كل يوم

بقيت مخرجش نهائي ممكن افضل شهور في البيت عادي او من الجامعه للبيت والعكس وبس

انا بدات في التيك من شهر ١٠ سنه ٢٠٢٤. وده اللي خلصته:

• Structure programming

• OOP

• DB

• DSA

• HTML

• CSS

• Bootstrap

• Flask

• API requests

• GPA: 3.6 out of 4

• +200 solved problems on codeforces

وان شاء الله ناوي علي تراك ال ai

بالنسبه للماث سبتها للكليه اما اللي كتبته فوق ده كلو Slef study:

تنصحني بايه؟

انا بكتبهم كأنهم اسماء variabls بالظبط محبش اكتبهم عادي وبضايق جدا اما حد يكتبهم عادي وفيهم مسافات ومش مهتم ب الحروف. عشان حرفيا مش بتعمل معاهم غير من ال terminal

هل ده تمام ولا انا اللي مأفور عشان ممكن أشد مع التيم عشان حاجه زي كده!

بتعلم ايه اما يكون خلاص كل حاجه ضد و مفيش حاجه مظبوطه وكل حاجه بتبدأ تخرب كده وحده ورا التانبه.

عن نفسي مش بقدر فممكن اقفل علي نفسي وأفضل اعيط فتره كويسه لحد ما اروق. واه الراجل بيعيط عادي جدا بس يفضل مش قدام حد

بتعملو ايه

اول ما دخلت الجامعه معرفتش يبقي عندي صحاب خالص لحد اخر اول ترم كده. وحده كلمتني انو هي عايزه نبقي سوي في المشروع وهي مش حاطه صوره ومعرفتش من الاسم مين هي. فقلت تمام موافق عشان انا كده كده مش في تيم ومعرفش حد المهم اتعرفت عليها والوضع اطور من بس عشان مشروع بقينا بنتكلم بعد المشروع و بعد فتره نتكلم في حوارات بره الكليه اصلا ووصلنا لمرحله انو زي ما نكون بنتكلم ولا كلنا اعز صحاب. المهم الموضوع لو كان فضل كده انا متاكد انو كان هيطور سواء مني او منها او احنا الاتنين زي ما هو ماشي كده لان في ارتياح رهيب. استوعبت كده وقلت لازم ابعد لان صراحه انا مش عايز ادخل فعلاقه لا مستعد ماديا اتقدم ولا السنتين الجايين حتي ولا الوقت يسمح اني اهتم بحد او اخليه من مسئولياتي. الواحد في حاجات كتير واخد الوقت والطاقه كلها. ده غير انو مش محتاج اقول حرام طبعا. فبعدت وقلت مش هبعد مره وحده عشان الموضوع مش يبان لان عدي سنيتن مش شويه بردو. فالأول اي مشروع مرضاش نبقي سوي فيه حبه كده معنتش ببعت و مبصش ليها خالص ده كدا علي مدار شهر مثلا او شهر وشويه وحاليا معنتش برد. وده بقي واضح جدا

معرفش اعمل ايه؟

مع العلم دي اول بنت اكلمها في حياتي

الترم ده عندي مشروعين هي معايا في واحد منهم والتاني لا. المهم واحنا شغالين اللي احنا فيه سوي جابت سيره المشروع التاني وانو هي لوحدها في التيم اللي شغاله بس ومش عارفه تعمل ايه وفويسين والله كل واحد دقيقه وشويه صياح وفي الاخر قالت ممكن تساعدني قلت تمام مفيش مشكله. بعت ليها الاول الحاجه اللي هتسطبها عشان تشتغل عليها زي برامج وكده وقلت معلش ادني (مده كذا) وهنكمل حرفيا هي مردتش الا بعديييييين. ده مش مهم عندي ان الحمد لله لا معجب ولا حاجه خالص والله الحمد لله. بس استغربت شويه المهم بعد ما ردت قالت تمام هسطبه اهو فقلت طيب ما تيجي معايا في التيم وخلاص. ردت قالت اه خلاص صحيح ما انا دخلت تيم تاني من زمان وخلصنا اساسا ومعلش بقي شكرا جدا.

طيب ايه لزمه الهبل ده 🫤 هي مش فارقه معايا بس ليه الصياح او ليه الكذب ولا كانت عايزه تختبر ايه؟

هبل وقرف والله

لو عايز اغير رقمي بس مش اجيب جديد اللي هوا اغير الرقم نفسه بحيث الرقم القديم اللي مع الناس يكون خلاص معدش شغال و انا معايا واحد جديد. معرفش وصلت االي عايزه صح ولا لا

بس ممكن لو رحت الفرع يعملو كده من غير ما اجيب واحد جديد؟

☆ خطي eSIM

اعرف تقريبا ٤ صحاب في الجامعه. ٩٩ في الميه من كلامنا شاتات بس وده بسبب انو الدفعه كبيره والايام اللي بننزل فيها مختلفه. وانا الحمد لله مش تكبر ولا حاجه بس انا شغال علي نفسي ومن سنه اولي وانا بعمل كل حاجه لوحدي و مش بطلب حاجه من حد بس هما بطلبو دايما كل حاجه ابسط حاجه بردو بطلبوها شرح بقي حل اي حاجه. ومش بفتكروني الا اما يعوزو حاجه من الاخر معامله شات جي بي تي والله 😂🤦‍♂️

فانا تعتب للامانه تبعت والله فعلا فضلت أسبوعين منزلش. دلوقتي الحمد لله جمعت نفسي تاني اهو ومعنتش برد خالص وشلت السين. كده واضح انو في حاجه غلط التغير ده اكيد في حاجه عندي صح؟ ايوه انا عايز اقطع ام العلاقات دي انهيها خالص. دلوقتي كل واحد فيهم باعت بيقول عيب اللي انت بتعمله دا عشان معنتش برد. ويقولو لو في حاجه عرفنا وقلت ليهم كذا مره الاعتماد ده كلو من رصيد مين اجيب انا طاقه ورصيد منين

معرفش اقطع ازاي في الحقيقه بقي ولا اتجنبهم ازاي بعد ما جمعت نفسي وهرجع انزل تاني عشان العملي

غلطان؟

معلش عايز اشوف آراء علي طبع بنت معايا محدش يقول تطفل او كده انا براقب من بعيد بس

هي اجتماعيه اوي اوي يعني بتحب تتعرف علي ده وده والبنت دي والولد ده وتعرف مين كويس وتطلع منه بمصحلتها وحبه تتكلم بشكل شخصي و حبه تتكلم في حدود الحاجه وخلاص. بحس انو هي عايزه تسيطر علي كل حاجه يعني وبتبان مستغله.

عايز اعرف رايك في انو البنت تكون اجتماعيه بزياده خصوصا مع الولاد بحس دي بتنزل صورتها جامد. وبردو فكره انو هي بتعتمد علي انو تاخد حاجتها من غيرها وبس؟

انا مش ضد انا بس عايز اعرف آراء واناقش بس

وبردو علي حسب احتياجها ليك بتغير مودها ممكن تسلم عليك ممكن لا

• بتعملو ايه؟

هروب من اللي حوليكم خصوصا لو في دوشه او مش عارف تتحرك ازاي بتعزل الصوت؟ او بتعمل ايه عشان دماغك تهدي؟

طبيعي انو بقيت بكلم نفسي كتير بالذات لو انا لوحدي. بتكلم في حاجات عليا وشغلاني مش بهبل يعني 😂 بس ده تمام؟ في حد كده؟

ممكن مش يكون الصب الصح بس معرفش اسال فين.

وقتي ضيق اوي علي انو انزل جيم وبقالي حوالي ٦ سنين ملعبتش اي رياضه حتي كوره بطلت. وخسيت جامد وضعفت.

ممكن لو جريت الصبح بدري نص ساعه ٣ - ٤ ايام كفايه؟ او بمعني تاني تنصحوني بايه؟

عايز بس جسمي صحي وقوه مش Shape خالص

انا بسافر في باص للجامعه من ساعتين ونص ل تلاته وده بسبب زحمه الطريق مش المسافة. مش ده المهم بس عايز اوضح الوقت اللي بناخده بس. فالمهم الشركه بتاعت الباص بتقعد الشباب كلهم ورا و البنات قدام. وانا بقعد دايما آخر واحد خالص كل اما ابقي في الاخر ده احسن لي عشان بيحصل مشاكل كتير اوي في النص 🤦‍♂️ من عيال مراهقه ومش مراهقه والله كلام بقي علي ضحك (ده غير اني بحب انام اصلا الفتره دي) فالمهم وصلت الباص متاخر ومكنش في مكان غير في النص و فاضل كرسين وهوا الباص 🚌 ده اللي هوا سوبر جت يعني الكراسي فيه تقسيمتهم اتنين اتين كده عشان لو محدش يعرف اوي. فا قعدت علي واحد منهم جمب الشباك وقلت ي رب ولد يجي عشان نفسي اقعد مرتاح عشان انام. المهم جت بنت 🥲 المهم الواحد عندو تروما من اللي بيشوفه علي النت 😂 رحت انا لابس شنطتي بالعكس وانا قاعد اللي هوا قدامي كده كاني شايل بيبي 🥲😂 (ومش بحطها فوق في الباص عشان بعوزها في مايه مثلا، اكل ، سماعه كده) وحطيت رجل فوق رجل حرفيا مش رجل علي رجل ولزقت في الشباك 😂 بس اما قعدت هي قلت اكيد هتلم وضعها زي كده شوي. لا خالص خالص خالص واخده راحتها علي الاخر ولا بيتهم 😂 ومفيش ٥ دقايق نامت علي نفسها 🫠😂 وانا اللي عايز انام 😂 دا كلو من اللي بشوفه واسمعه والله من كوارث. فاما نامت راسها مالت الناحيه التانيه برا قلت كويس الحمد لله بعيد مفيش دقيقه قلبت عندي و نامت علي كتفي تماما وانا مش مرتاح خالص والله. المهم رفعت كتفي كده اللي هوا صباح الفل اصحي مصحيتش بردو 🤦‍♂️ وفضلت نايمه علي دراعي لحد اما بنت قدامي لاحظت اني مش مرتاح راحت صحتها وبردو دقيقه نامت تاني 😂 المهم مع الطريق تعبت من القعده دي وانا تعبان جامد والله عايز اريح فجسمي ريح حبه وهي في سابع نومه فمخبيش والله جالي شعور حلو كده (مش جنسي لا اللي هوا عايز احتويها كده عشان الناس الزباله اللي هنا) اللي هوا حاسس اني عايز اخدها في حضني كده تنام. بس الحمد لله يعني ماسك نفسي وبس كنت عايز افضفض

ايه رايكم ولا كنت اعمل ايه؟

ده كلو والله من اللي المصايب اللي بتحصل علي النت دي

معلش ممكن تكون قلبت معايا بتنميه بشريه شويه 🥲😂

السؤال اللي هوا بتاع "لو رجع بيا الزمن وانا معرفش ايه" عايز اتكلم عليه عشان حد كبير لسه مكلمني فيه المهم انا سمعت ليه وخلاص. وحاسس انو كل زمن وليه ناسه مش شرط اعمل اللي راجل في الخمسين و لا الستين او اكتر عمله خالص ولا حتي هيظبط معايا. انا معاك ان اغلب الكلام صح ومظبوط او علي الاقل هوا في نيتو يفيدني. نرجع للسؤال: بردو المفروض الواحد ميفضلش يندم علي حاجه فاتت ده القدر واللي مكتوب لينا. بس بجد لو فكرت اللي هوا انا فعلا لو رجع بيا الزمن قبل سنتين اول ما دخلت الجامعه باللي عندي دلوقتي هكون احسن وهظبط كل حاجه. طيب ما الواحد يعمل ايه بدل ما يقول لو رجعت لورا يقول ازاي يستعد للي جاي؟

انا بكره الجروبات جدا اللي بتتعمل عشان بقي جروب دفعه ولا غيره... بحس كفايه جروب اللي هوا بتاع الدكاتره ويكون مقفول محدش يبعت الا الدكتور او المعيد بالمهم وخلاص. عشان بيحصل كم خناقات وسوء زفت فهم عليها 🤦‍♂️ و بتكون باب كبير اوي للتواصل علي الخاص وتجميع الارقام سوي

ايه رايكم؟

الحوار ده عامل ضغجه كبيره ومكنتش مهتم بيه ولسه مش عايز صراحه. لان مش شايف حاجه اسمها كده بعني ايه اسلوب اتعامل بيه مع البنات مش شايف فرق بينا وبينهم في (التعاملات) (واكيد مقصدش انو اهزر زي ما بهزر ما صاحبي زي اخبطه مثلا او استيكر في الشات او حاجه بنا وكده لاه اكيد مقصدش كده) بمعني اللي هوا اتعامل عادي!!! اللي هوا اعمل حساب ايه زياده وليه اشغل بالي بالبنات انو مثلا بيحبو كذا فلازم اقولهم الكلام ده بالطريقه الفلانيه ليه؟! 😂 واتكلمت مع صاحبي بعد الموقف اللي هحكيه ده قال كده مش هتتحوز قلت ليه مش عايز اتجوز اصلا دلوقتي وده لأسباب كتير (سني تحت العشرين وماديا مش مستقر وعايز اخلص جامعتي وفي غيرهم) فااا اللي هوا مش مستعجل مش دلوقتي بس جت كذا موقف بسبب مشاريع الكليه وسمعت نفس الكلمتين من بنتين مختلفين "انت اسلوبك وحش في التعامل" وده عشان الاولي مش بتشتغل معانا ولا بترد حتي علي الرسايل فجروب التيم رحت طاردها 🙂 كل الفكره انا كليدر في التيم شايف انو عايز منك التاسك ده وسلام انا مالي بيكي! انت مالك باسلوبي! ايه اللي اخرك عن التسليم؟ ترد تقول مختش بالي من الرسايل والمفروض انت تبعت تاني واكتر من مره! ده اللي هوا ازاي يعني؟ رحت قلت ليها مع السلامه وطردتها الاقي علي الخاص الرساله اللي قلتها دي! ماله اسلوبي؟! والتانيه موقف زيه تقريبا!

حد يفهمني؟

محدش يقول ده بقي تعامل اجتماعي عموما. لا لاني كويس اوي مع زميلي عادي وانا مش طردتها الا بعد غلب والله من عدم رد ومش سلمت و تناكه في الكلام!

بس اللي لفت انتباهي رد فعلهم. انا مش عايز اعجب حد ولا العكس (مش عشان جامد وبطير ولا عشان هما وحشين)

امتي بدات تعرف اهميه النوم مش انك نايم كده طول اليوم مش وراك حاجه لا اقصد انت خلاص بقيت مضغوط لدرجه عرفت اهميه النوم فعلا ولو ريحت في اي مكان حتي لو قاعد هتنام علي نفسك او بردو عادي لو مضغوط بس منظم نومك صح قول تجربتك عملتها ازاي عشان اقسم بالله عنت بنام علي نفسي في اي حته من التعب 🥲😂