r/egyoffmychest

اكتشفت اني معنديش تقبل ل مشاعر الحب ومش قادره احدد السبب حتي بس كل ما بصادف راجل بيحبني وببقي منجذبه ناحيته مش بعرف ابادله نفس مشاعر الحب الموضوع حقيقي خانقني اوي

روحت النهارده اول حصه في الدار لتحفيظ القرآن، و المعلمه كانت زي ماانا عايزه ماشاءالله فرحانه اوووي بنفسي

نفسي افهم دماغي بجد

ليه ممكن موقف صغير يعدي عادي عند أي حد وأنا أفضل مكبراه جوايا كده؟ يعني أقعد أعيد نفس الموقف كذا مره وأفكر أنا كان المفروض أقول ايه وأعمل ايه وليه اتصرفت كده وأفضل أضايق نفسي على حاجه عدت وخلاص ومحدش غالبًا واخد باله منها غيري وأحس إني غلطانه حتى لو الموضوع بسيط هو أنا كده طبيعيه؟ ولا ده عادي وفي طريقه أوقف ده

انا حاسه دماغي بتسيح 🫠

لو حد حابب يدخل كول نتكلم ونسمع بعض وبعدها نجوست،بغرض الفضفضه الموضوع انا جربته وبيجيب معايا ، اوقات كل البنكون محتاجينه اننا نتكلم مع حد منعرفوش

​

أنا في أغلب الوقت يعتبر هاديه وبسمع كلام اهلي علي طول وبعمل كل حاجه وهما بيبقوا زي الفل معايا بس دايما لما احس اني مخنوقه في يوم او متعصبه اللي هو يعتبر مره كل شهرين واقولهم سيبوني لوحدي أو صوتي يعلي شويه دايما بيغلطوني واني وحشه وان أنا بزعق ليه وبيتخانقوا معايا وبيطلعوني غلطانه في الاخر.

مع أن لو في يوم اخويا هو اللي متعصب أو بيزعق البيت كله بيسيبه براحته وكله بيعتذرله وبيقولوا اه عادي حقه ده تعبان ومحتاج يستريح.

عايزه حل .أنا اسفه الموضوع طويل ويعتبر هايف بس كنت محتاجه اتكلم

انا ولد

وصل عمري ٢٢ سنة وما دخلت في اي علاقة وحاس اني في كبت جبار، مش قادر اركز في دراستي ولا حياتي

عيد ميلادى 26 النهاردة مفيش غير امى الى قالتلى كل سنة وانت طيب ربنا يخليها ليا . لسه شايف فديو لاتنين كتبوا كتابهم وما شاء الله ربنا يباركلهم . حاسس بشعور ضياع مش عارف انا بعمل ايه ممكن اختيارتى كانت غلط محاربتش بما فيه الكفاية بس الوحدة صعبة والله

اولا انا بفكر في الحاجات بعمق شديد لدرجة اني ممكن اقعد افكر نفس الحاجة لمدة يوم كامل واقعد ادرس جوانب الموضوع ولو عملت كذا هيحصل كذا واقعد احط الف إحتمال لتوقع ردات الفعل.

ثانيا انا بركز في ادق التفاصيل لما بنزل واحتك بالناس، تون الصوت ونظرة العين وحركة الايد والغرض من الكلام اصلا وبمشي اراقب الناس في الشارع.

الموضوع دا ممتع بس مؤذي لان دايما لازم يكون فيه وقت افصل فيه دماغي عن الكلام دا كله وإلا دماغي هتسخن وهصدع وهبقي فاقد الشغف وعقلي مشلول.

هل دا طبيعي ولا هتجنن بجد

.

حاليا انا بحاول الاقي بنت الحلال بس للاسف عندي حتة انسكيور ان مفيش بنت تعجبني و ممكن توافق عليا في نفس الوقت فكنت حابب اسال الناس هنا و تقولي رايها بصراحه خصوصا البنات

انا حاليا 25 سنة معيش غير الثانوية العامة و ده لاسباب كتير جت ورا بعض منها اني كنت محتاج انزل اشتغل

معايا انجلش و بدرس حاليا اسباني غير مهاراتي في الكومبيوتر و المعلومات في ال tech في المطلق

وزني مليان و ده بسبب اني عاوز اخد اعفا من الجيش

مرتبي حاليا 15 الف جنيه و عندي هدف ان السنه دي متخلصش قبل مكون بقبض 30 الف جنيه او اكتر

فتحت مشروع و فشل و ناوي احاول في مشاريع تاني ف المستقبل

عندي شقة

السؤال للبنات لو حد اتقدملك بالمواصفات و الظروف دي توافقي عليه ولا لا

للشباب لو واحد زيي اتقدم لاختك توافق عليه ولا لا

ارجوكم ممكن حد يقولي اي معلومات مفيدة عارفها عشان أنا ثانوية عامة و امتحاني كمان ٣شهور و مقسمة السنة ف بجد مستحيل أعيدها تاني، صباعي اتكسر (البنصر) في أيدي اليمين و روحت الطوارئ و لزقولي اللي اتكسر في الصباع اللي جنبه قالوا عشان يثبت أو حاجة كدة و قالولي كمان ٣ ايام روحي ل دكتور معين و اني هروحله مرة في الأسبوع أو مرة كل أسبوعين و كتبولي على دوايين و حرفيا مقالوش اي حاجة تاني غير اني اتابع الدورة الدموية، اه و لما قولتله يعني ممكن ياخد اكتر من ٣ شهور قالي لا و متقلقيش هو شهر ونص و مشي و واحد من اللي كان واقف مش متأكدة حتى لو هو دكتور قالي طلاما لازقو الصباع مع اللي جنبه يببقى مش هيبقى فيه عملية أو حاجة كبيرة، أنا بجد خايفة اوي معرفش امسك القلم قبل الامتحانات و مش عارفه المفروض اعمل اية التلات ايام الجايين لحد ما اروح للدكتور خايفة أقل حركة تأثر على حاجة و خايفة انام و موجوعة بس مش اللي هو صريخ وجع لا يعني لغية دلوقتى ٦/١٠ مثلا، هزاكر ازاي و علم كل المتراكم عليا دة ازاي من غير ما اكتب

دلوقتي كان عندي اكونت هنا قبل ده و كان فيه حد اتكلمنا حاجة بسيطة و مش فاكرة انا عملتهل بلوك و لا بطلنا نتكلم و لا اي ف كنا اتكلمنا تنا و تليجرام و كان عاوز يعرف شكلي و اعرف شطله ف بعتله صورة عادية فشخ انا حطاها بروفايل انستا و فيسبوك و واتساب قوم الاستاذ بعد شهور الاقيه لقى اكونتي ده و داخل يكلمني و يقولي دي انتي عشان نفس الصورة دي انا نزلتها عل. صب الاوتفيت و قولتله انت بتقول اي كلام لان انا شايفة مستحيل تكون معاه صورتي لأنها فيو وانس قوم الاستاذ اللي عنده فراغ بعتهالي طلع اخدها سكرين بموبايل تاني انا مش دي مشكلتي الصورة نفسها خالص لأنها صورة عادية موت لولا اني حابة اكون مجهولة هما كنت حكتهالكم ف البوست المهم يعين ليه كتفم الفراغ اللي تو فيه ده و اي كم العبث اللي هو فيه انه بجيب موبايل تاني و ياخدها سكرين و هي اصلا صورة عادية لا و محتفظ بيها بقاله شهور نع اني مش نانسي عجرم يعني ،،يعني من الاخر هو اخدها سكرين بغرض ابتزاز مثلا بس كتفم الضحك ما هي صورة عادية فشخ دلوقتي الهدف من البوست ي جماعة مش عاوزاكم يحصل فيكم زيي ختبعتوش صورتكم لأي حد حتى لو فيو وانس طالما شخص من ريديت لان من خبرتي هنا ٦سنين من مذا اكونت الناس اللي من ردييت معاقة ذهنيا فشخ

قصتي باختصار لاني علي وشك الانهيار النفسي اللي بعده هبقي مجنون حارتكم

انا بعاني من كره الذات

باختصار انا بيتم مواساتي بشفقة من اهلي قصاد عيني انه معلش هيا قدراتها ومستواها كده معلش هيا مبتعرفش تتكلم ودبش شويه معلش هيا مبتعرفش تتعامل اوي. واهلي مبيعتمدوش عليا فاي حاجه بيعتبروني دايما عبيطه مش هعرف اتعامل مش لماحه ولا مدردحه

مش بس اهلي تؤ تؤ صحابي كمان مره صحبتي "قالتلي اي يا حمار"بدون اي وجه حق وواحده مره قالتلي انت دماغك فاضيه

دا ببساطه جزء من الالم اللي بعيشه طب انا بقا

من جوايا ومن زمان حاسه بالخلل وحاسه بالنقص والتاخير والسذاجه عن صحابي ايوه فعلا انا كدا بس كنت دايما بحاول اطور من نفسي وكنت بتشهتف علي كلمه اي كلمه تحسسني اني اتقدمت خطوه اشوف دا فنظر حد اشوف حد جاي يطلب رايي حد يناقشني فقرار حد يجادلني ففكرة .انما بتصدم ومبفهمش ليه حتي لو حد فتح معايا نقاش الاقيه بعد رسالتين بدأ ي امممم واه والردود دي ويقفل الكلام

طب ليه

انا قلت اي غلط او غبي

طب فهمني

انا فقمه الياس والانعزال والاكتئاب والخوف والفشل ومكسوره جدا من اني مش الشخص اللي اهله وصحابه يفتخرو بيه وبقيت بشفق علي نفسي اني عمري ما هلاقي الشخص اللي يحبني ويشوفني مميزه ولا اني الشخص اللي اتمنيت اكونه حاولت اغير الظروف وحاولت اتعايش معاها وفالحالتين نفسيتي متحطمه

حاجه الانسان للتقدير والاحترام من نفسه ومن الناس مش رفاهيه وممكن انعدام دا يقتله بالبطئ حاجه الانسان لثقته وتقديره لنفسه يمكن اكتر سبب هيخليه عايش وقوي

انا كل ثانيه ببقي نفسي اختفي نفسي كنت اتحب واتقدر واتفهم وافهم وابقي حد احسن بس اللي بلاقيه اخر كل طريق هو سراب

نفسي اهلي يحبوني وانا احب نفسي

اسفه اني طولت بس كان لازم اطلع اصرخ او اموت دلوقتي

وشكرا لاي حد رحيم بغيره وبيعرف يرشد من غير ما يجرح اللي قدامه ولا بيسيبه غرقان ويقول مليش دعوه

معلش لو هطول بس ممكن تسمعوني عشان محتاج اخرج الي جوايا
دلوقتي انا فعلاقه مع بنت بقالي سنه بظبط والبنت دي عرفتها صدفا ف الجامعه وهي الي كانت بتفتح معايا كلام وكدا انا بس كنت مهتم بشغلي سكه البنات دي انا كنت مقتنع انها غلط وحرام غير اما ربنا يكرمني وحتي كان في بنت حاطت عيني عليها فعلا بس مكنتش بكلمها ولا اي حاجه وعاوز يبقا في جس نبض بس انها متقبلاني واخد خطوة
المهم البنت دي انا قبل ما نتكلم كنت عارف انها فعلاقه برضو مع حد قبلي وكانت بتنزل صورها معاه وكنت بشوفهم يعني يبان انهم بيحبوا بعض جدا جدا ومن بوستاتها و استوريهاتها معاه
فجأه كنا سوا ف جروب اسايمنت بقت تكلمني وهو معاها وفحياتها بس غالبا كان في مشاكل يعني وفمره كدا بعتلها ريل عالانستا هزار علي الاسايمنت الي بنعمله لقيتها فتخت معايا كلام واتكلمت عالشخص الي فحياتها ده وقالتلي كل حاجه عنه وانو شخص مش كويس وكدا و عاوزه تخلص منوا وبالفعل هي شبه بتخلص منوا والواد بس اهطل شوية وبيحاول يشتري رضاها هي حرفيا كانت بتوريني اسكرينات وهي بتقوله انا مش عاوزاك وشكرا وهو يقولها ونبي ويعيطلها فريكورد ويقولها انت عمرك ما قولتيلي بحبك ..
كلام جميل لحد كدا
المهم ان البنت دي كان فيه قبلي شخصين فحياتها الولد الي قولت عليه ده وشخص تاني قبله علي طول قعد بقا تحكيلي عنه قد كدا وده هي معترفه بيه فعلا انو ده كانت علاقه عشان الي قبلي ده هي مش معترفه بيه انو علاقه بتقولي كنا صحاب
الي قبله ده بقا حكيتله عنه بجد حاجات وحشه اوي اوي لدرجه اني بستغرب ليه الشخص ده اصلا هي مكمله معاه وقت ما بتحكيلي وايه الي مصبرها عليه
بسم الله كدا بيشرب وبيروح بارات و بيكلم بنات وخانها كذا مره و مره قفشت لي صورة مش كويسه ومره انا اسف جاب بنت البيت عنده وعرفت وفالاخر بتقولي انهم سابوا بعض عشان هو تعب وكدا وهي مسألتش عليه وقبلها كان في مشاكل طبيعي مالقرف الي هو بيعمله
انا بقا عقلي كان فيين وهي بتحكيلي ده كله ومقتنع ان الشخصيه دي كويسه بس بجد من الي بشوفه منها هي كويسه جدا ومحترمه
المهم احنا قعدنا نتكلم 4 شهور كاملين بدون ما حد يعترف بمشاعرحب نهائي كلام بس صحاب
لحد ما انا قولتلها ف مره اني عاوز يبقا في حاجه بس انا مشكلتي فالسوشيال ميديا بتاعتها عشان هي كله ببلك وكدا و قالتلي بعد الخطوبة ده كله هيتصلح
المهم بعد ما بقينا فعلاقه مع بعض وكدا احنا سيبنا بعض بعدها بشهر عشان هي عمري ما حسستني انها بتحبني بجد مشاعرها ميته متلجه و بعد ما سيبتها اصلا اكتشفت ان في شخص تالت معانا فالحامعه كان فحياتها قبلي برضو بس رجعنا لبعض بعدها باسبوع وقعدنا شهرمع بعض الشهر ده حسستني انها بتحبني جدا جدا و مجرد ما اتشغلت ف حاجه عشان هي فاضيه مش وراها حاجه اتشغلت ف خوار كدا ركنتني خالص وفمره فعلا كنت هموت بحكيلها اتعاملت ببرود ومردتش عالماسدج سيبتها بعدها و بلكتها من كل حته بس هي قعدت تكلمني من مكان و رجعنا لبعض بعدها باسبوعين بس المره دي احنا مع بعض لحد دلوقتي وهي فاضيه بس فعلا المره دي انا متأكد انا مشاعرها ناحيتي بتحبني بس هي فاضيه اوي بجد مش بتعمل حاجه يعني هي لواحنامتكلمناش كول كل يوم تزعل وتتقمص هي بنسبالها اهم حاجه اننا نتكلم كل يوم وتحكيلي واحكيلها وحاجه خرا يعني اناعندي شغل ودنيا
المهم حصل شوية احداث مش كويسه بقا الفتره الي فاتت دي خالص
والله انا ما طلبت منها اي حاجه هي الي كانت بتحاول توريني وانا قولتلها تمام بقت تبعتلي صورها بشعرها و شوفتها بشعرها يعني و كمان حاجات تانيه مش كويسه وصلنا ليها
امي بقا من اول العلاقه بتقولي من اول ما عرفتها انا مش مرتاحه للبنت دي وانا احاول اقنعها انها كويسه
هي فعلا اهلها صعبين شوية
امي بتقولي انت من ساعه ما عرفتها اتغيرت مبقتش تصلي واتغيرت عموما وانا فعلا بعدت عن ربنا شوية كنت منتظم فالصلاه وحصلي دروبات كبيرة فالشغل انا الحمدلله شاطر جدا ف شغل وشغال فشركه بقبض قبض كويس بالنسبه لسني
امي امبارح لقيتها بتعيط مالصبح رجعت مالشغل بشوفها لقيتها بتقولي انا بقالي عشرين يوم بحلم احلام مش حلوة ليك وانهاردة حلمت انك انت والي معايا دي فوضع مش حلو مع بعض وبستغرب جدا امي بتقولي حاجات هي فعلا حقيقيه يعني تقولي حلمت ابوها بيضرب اخوك وابوها راجل غبي شوية فعلا
فالاخر قالتلي انا يا هي واول مره تقولي كدا وفعلا مخنوق مش عارف اخرج مالعلاقه دي ازاي فنفس الوقت مش عاوز اجرح مشاعرها يعني مفيش اي بوادر تقول اننا نسيب بعض للمره التالته اقولها ايه ولا انهي معاها ازاي انا فعلا لوحدي احسن وهركز فالشغل اكتر معنديش وقت للكلام ده
للعلم انا دبلرت سنه من وقت ما عرفتها فالكليه
المشكله ف يوم حصل مابينا حاجه بوستها وكدا و كنت ماسك كل حاجه فيها ده من اسبوعين بدأنا نكسر شوية حدود
حرفيا اليوم ده امي لما رجعت البيت لقيتها بتقولي انها كانت هتتسرق واختي كانت هتقع علي وشها من اول سلم المترو لتحت ف كل الاشارات بتقولي اني غلط ومكمل نفسي اخلص مالي بعمله ده الي انا فيه ده غلط عاوز ارجع زي زمان لوحدي مش ملزم اكلم حد كل يوم عشان يرضي عني ويحبني و اقرب من ربنا واصلي واصحي اشتغل بس وانام واقعد مع صحابي انا في كام حد من صحابي مبقتش اعرف اقعد نعاهم بسببها
المشكله هيبقا وحش اوي انو ابقا واعدها وخلاص هي مش عاوزه غيري فعلا واسيبها بس اهلي فعلا محدش فيهم بيحبها لله كدا ولا امي ولا اختي ولا حتي اخويا

احكي تجربتك وشعورك الي حسيته نتيجه احتواء حد بيحبك ليك نفسيا او عاطفيا

.

عايزة حد يهتم بيا و يحبني بس حتى لو فا في الاخر هنتجوز ونتخطب وانا مش مستعده للحِمل ده نفسيا مش هقدر لسة محتاجه ارتب حالي ، بس أنا مش عارفه اطلع الفكرة من دماغي