r/SawalfMaTengal

يالربع بقولكم سالفة صدقية ما اطقطق فيها والصدق اني احتاج ناس اسولفهم معهم عن ذا الموضوع (انا ولد)

انا انتيرن في مستشفى (امتياز)

كنت في قسم وجلست فيه تقريبا اسبوع واساسا المدة كاملة بشتغل فيه في ذا القسم شهر

اول اسبوع كان الوضع تمام مافيه شي وكانت فيه ممرضه فلبينيه مابيني وبينها شي اللهم ان فيه مره جت وحدة كبيرة بالسن والممرضة كانت تحاول تتواصل معها بس ماعرفت فجيت وترجمت فيما بينهم يعني

خلصت اول اسبوع بعدها رحت لمبنى ثاني بس نفس القسم وكنت في وسط فحص جالس اتفرج .. فجأة دخلت واخذت شي بعدين يوم جت تطلع لمحتها وشفتها تطالع فيني .. يوم قربت من عند الباب قالت my love is here !!!

انلخمت بالبداية بعدين سكت قلت شكلها مضيعة او تطقطق او ممكن تقصد واحد ثاني لان مستحيل احد يخق علي

المهم ماعليكم من الطويلة .. داومت يوم وكنت قاعد اجهز اعدادات الجهاز حالي حال نفسي لقيتها متكيه تسولف مع ممرض هندي وممرضة فلبينية .. بعدها سمعتها تقول tall dark handsome ياجماعة اول وصفين الي هي tall dark هذي فيني بس الاخيرة ما اتوقع !!! المشكلة ماكان فيه احد خير شر بالقسم فيه ذي المواصفات الا انا !!!!

سولفت لواحد من اخوياي وقال يرجاال عادي الفلبن دايم كذا يفكون ميانة ابد مو يمك والصدق اني للحين مستغرب

عطونا رايكم عن الموضوع ؟

رحت موعد طبيبة اسرة بمستشفى حكومي ولما دخلت على الطبيبة ونتكلم عن حالتي وكذا إلا كل شوي وهي تكلمني تقلي بابا! انا انلخمت ماني عارف ايش السالفة هي تحسبني طفل؟ عمري قريب الثلاثين طيب! ولا تحسبني شايب؟ معقولة شكلي يعطي خمسيني :( ولا هي بس متعودة يجونها اطفال كثير ونسيت؟ مدري الصراحة بس ما كانت تقولها بطريقة معينة ولا بنظرة لا تقولها كأنه شي عادي مرة كأن الكل ينادي بعض بابا هههههههه

كان فيه مورد زعلان جاي ومعه مستشارة قانونية جالسة تشرب موية طول الوقت ماعطتنا معلومات ولا شي عنها اول مابدا الاجتماع دخل موظف من جنوب اسيا تعودنا على ريحته اول ما دخل قامت من الكرسي وما امداها تروح للحمام او الزبالة الا وقامت تطرش شلالات اقسم بالله وكأنها ماصورة موية مكسورة قوة الدفع كانت غير طبيعية حتى الصوت يطلع من خشمها من كثر وسرعة الكمية. يوم خلصت قالت بكل بساطة سوري انا حامل فيه غرفة اجتماعات ثانية؟

صراحة احيي البنات على قوتهم ماتوقعت عندهم كل القوية البدنية لو انا مت

كنت في الصيفيه اشتغل مطعم بسيط جداً إلا واحد من الي يشتغلون عندي يسوي حركات مب كويسه وانا حاقد عليه حقد اول مره احقد كذا ومابي أقول مشكله لاهلي بعدين بيمنعوني من الشغل ماسكت مره أدافع بس مو على قد الحركات الزبده على آخر ايام في الشغل كان جبنا فندق وفيه سكيورتي إلا اقله كذا كذا وقله تكفى خذ حقي الي ياخذه مكان بعدين واضربه والله ماقصر ضربه وصوره لي ورسلي يا الفرحه الي في قلبي وقته وبس سلامتكم خذو حقكم او اي مايكون

سويت فوتشوب مره يفشل عشان كانت الصوره مثالية لكن فيه غلطة وحده والصدق اني شخص يسعى للمثالية بجميع جوانبها مو بشكل مرضي لكن هالمره حسيت اني مجنون مو هنا يعني الناس تسوي فوتشوب تنحيف تكبير ترتيب شيء واضح بالصوره بس انا؟؟؟؟ انا غير سويت فوتشوب لأصابع رجلي…… مو فوتشوب تجميل بس شفت المساحه جدًا كبيره وفيه وسع بالشبشب فارحت وقربتها❤️❤️❤️
اتمنى هالمكان we listen and we don’t judge

لو السجن قدملك اي وجبة اخيرة تبيها قبل تنفيذ حكم الإعدام فيك

وش بتختار

مره طلعت انا وخويي نتمشى الا ونمر على محل بسس وفيه بسس تبني ومن يوم نمسك في ذي البسس ولعب وفجأه تجي بنت معها العاب للبسس وتعطينا نلعبها وهي بعيد شوي تلعب بعد الزبده شويات وتجي وتقول تبي بسه? قلت ايه بس مقدر قالت انا عندي بسه معها اغراضها اذا تبي قلت انا عزوبي مقدر اخاف اضلمها قالت عادي خذ رقمي متى ما غيرت رايك قلي قات لها اسف ما ارقم بنات💀💀💀

قاعد اتمشى بالمول لحالي و اشطف حقين العطور و دايم يعرضون عليك عينات فا قلت لا شكرا و كملت طريقي الا نفسها تجي وتمشي ولاصقه فيني قلت نعم؟ قالت اعرف حركاتك ذي ومدت يدها تعطيني العينه ذي، قمت خذيتها و في الزباله اللي جنبها رميت العينه. يعني مافهمت المقصد الا اخذ العينه غصب ولا شلون

قبل ٣ ايام ركبت تقويم ومن وقتها ماقدر امضغ الاكل زين ف كل اللي اكله اشياء لينة وحتى الصامولي اغمسه بحليب لين يلين واكله، امس صحيت سويت لي بيضتين وقلت باكلها بالملعقه وباخذ صامولي اغمسه بالحليب ويوم جهزت كل شي جاتني فكرة ان ممكن الالم خف واقدر امضغ الحين ف خليني اكل البيض بالصامولي -BAD IDEA- يوم حطيت اللقمه بفمي ماقدرت امضغها زين مضغتها شوي وقلت ببلعها خلاص -again BAD IDEA- المهم مامداني ابلع اللقمه الا نشبت بحلقي جلست شوي احاول امررها واشرب موية ماقدرت ابد قمت دخلت على ابوي وخالي المجلس وانا اختنق وطقوا ظهري اكثر من مره ابدا مافي فايده حاولت اشرب موية بعد لين وصلت مرحلة اذا قربت الموية من فمي احس بستفرغ الله يكرمكم كذا مر تقريبا ٣ دقايق وانا ناشبة بذي اللقمة واهلي خلاص كانوا بيودوني المستشفى اخر شي قررت اللقمة تنزل وتكمل طريقها للمعده الحمدلله والله كتب لي عمر جديد

عندي دكتوره تتتتتتتتقهر لا تعرف تشرح زي الناس ولا تعرف توزع درجات ولا تعرف تصحح ولا هي ادميه تقدرين تتناقشين معها😡
المهم انها لعبت بدرجاتنا بسبب توزيعها الغبي للدرجات ف رحت اليوم كلمتها تعدل الموضوع وتشوف لنا حل واعطتني نظرتها اللي تقهر وقالت خلاص ما اقدر اسوي شي ركزي في الجاي واللي جاي حرفيا الفاينل وخلاص
المهم ف قررت اصعد الموضوع واروح عند وكيلة الكليه وقالت لي الوكيله اعبي نموذج عند مكتب سكرتيرتها
وانا جالسه اعبي الا تدخل الدكتوره🤯
واسوي نفسي ما اشووووفها
بس اكتشفت اصلا ان فيه ثلاث بنات مدري ثنتين حتى هم مشتكين عليها