خلال سنين دراستي الطويلة بالجامعة كنت معجبة بدكتورة من عائلة كبيرة و اهلها كلهم بمناصب ماشاء الله و ممتازة في الشرح وحسابها بلينكد ان مليان خبرات وشهادات لذلك كنت أشوفها الشخصية اللي اتمنى أصير عليها بالمستقبل .
وتلاشى الإعجاب اللي كنت أكنّه لها ثلاث سنوات لما كانت تتكلم عن العوامل المؤثرة بالطلب، واعطت مثال شخصي وقالت بالحرف " أنا احب مشروب معيّن من ستاربكس،و عليه طلب عالي لذلك مرات ابغى اشتري وما الاقي، لما بدأت المقاطعة كنت اكثر وحده مبسوطة لأن الفرع صار فاضي معظم الوقت و اقدر اخذ مشروبي بسرعة، لكن مؤخرًا لما صارت الهدنه رجعوا الناس يشتروا و رجعت أعاني عشان اخذ مشروبي " وقالتها وهي تضحك .
طول كلامها وانا ابتسامتي تتلاشى تدريجيًا، الين صارت تقليب شفاه بإشمئزاز، أنصدمت كيف انها ما تفكّر إلا بمشروبها الخايس و ما فكّرت بآلاف الناس اللي ماتوا وهجّروا و فقدوا اهلهم وأحبابهم.
موضوع انها تقرر إذا حابه تقاطع او لأ شيء راجع لها، بس ما يبرر لها تتكلم بهذا الأسلوب .