u/cowboy_bebop26

ذا الشركة احبها مره بكل نكهاتها الصدق و اليوم جيت اسوي شاهي بالفراوله لكن لقيته مخلص ، فا وش سويت؟ جبت شاهي ساده و حطيت ملعقة مربى فراوله و قسس وتتت؟؟! طلعت نفس نكهة شاهي احمد الي بالفراوله والله اني فنانه استاهل براءة اختراع 🤯

توني راجعه و جيت انسدح في المقلط بس اريح عيني و ظهري شوي مارح انام و اختي دخلت و بيدها بخور و الهطفه ما شغلت اللمبه فا ما شافت الاسلاك تحتها و شفت مشهد سلوموشن حرفيا لأختي و البخور و هم جايين عندي و اثنينهم بيطيحون على بطني او وجهي وحده من الثنتين بس ربي ستر من الخرشه هي الي صارخت مو انا . و يوم استوعبت المصيبه الي كانت بتصيرلي قلبي طاح بسروالي و صارخت و رحت غرفتي والله ما انام بالمقلط مره ثانيه لو ايش و اختي ذي يا ويلها تسوي سنعه مره ثانيه و تبخر البيت !

رايحه الجامعه و بركب المترو و كان زحممه مره مره و اول ما قعدت بالكرسي فاضي جا رجال طول بعرض بعز شبابه و اصلا داخلين مع بعض بنفس الوقت بس انا كنت سابقته قدامه وقف قدامي قال : قومي تراني حاجز هالمكان قبلك.... وت؟ اهبل انت ؟ . سويت نفسي ما سمعته رجع عاد كلامه بس هالمره نافخ علي و الي حولي بدو يلاحظون رديت قلتله لو سمحت وخر شوي ( لأنه كان قريب مره شوي و يلصق خرا عليه ) . جا شايب من بعيد شوي و قال له وش عندك انت؟ تدرون وش رد عليه الورع؟ قاله ذي ماخذه مكاني يا عالم !!!

اي مكان يا مريض؟ كرسي ابوك هو؟؟ الشايب و وحده ثانيه قاعده نادو الامن و طلعوه . خرا عليه تدرون المشكله وين؟ انه تراه عاقل ماهو خبل ابدا ابدا واحد صاحي بس كيف يقول هالكلام قسم بالله جنووون! جعلك ما تلقى اي مكان تقعد عليه ثاني مره يا مريض

امس كنت في السينما اتابع فيلم مايكل جاكسون ( ترا عجبني مره اقيمه 10/10 ) المهم اول ما دخلت قلت للي يشتغل هناك اذا يقدر يقصر المكيف شوي لأنها بارده قالي اوكيه قصرتها ، شوي الا احس اني بتجمد من البرد اطالع يمين يسار اشوف اذا فيه احد من الي يشتغلون واقف اقوله و لقيت نفس الرجال قاعد ورا شوي و يتابع معنا و ممررررره مررررهه متحمسسسسس مبسوطط قوووة . يوم شفته كذا هونت اني اخرب جوه علزق علي اذا ابي الجو يكون ادفى ما يستاهل اني اقومه و ابعص عليه و هو مبسوط عشاني بس .

بس والله اكثر من كذا رياء ما شفت بس لا والله صدق كان ودي اقول انه كان موقف كيوتتتت يوم كان مبسوط حسيت انه حتى هو من حقه يتابع الفلم و ينبسط زيه زي الي قاعدين لا اكثر ولا اقل و انجوي يعني للي بيشوفونه قريب

كنت بالمول جالسه اتقضى اغراض لي و مطنشه انه عندي لسه كلاس بس سحبت عليه المهم فكرت قلت هممممم وش اضيع فلوسي علييه؟؟؟ تذكرت انه ما عندي كاب لونه ابيض ( عندي الوان ثانيه بس كذا فسقه ) قعدت افرفر بالمحلات مالقيت اي كابات لقيت بنتين بوجهي سألتهم اذا يعرفون محل يبيع كابات ، وحده قالت لا و الثانيه قعدت تفكر ثم عطتني اسم محل بعدين سكتت و طالعت قالتيلي : بس ليش ترا شعرك حلو . قلتلها هههه شكرا . طالعت بعدين رقعتها و قالت توقعتك تبين تشترين كاب عشان تحسبين شعرك خايس ........

ليش كذا يا اختي ؟ الحين بلبس الكاب و برفع شعري و معد بفكه ثانكس الوت ايديت كنت احسبني طالعه جلجلينه جولي طيب💔💔!!