r/SaudiForSaudis

السلام عليكم ورحمة الله وبركاته. للاسف انا حمار. خويي طلبني حسابي في هنقر ستيشن عشان عنده طريقة يطلب ببلاش.... وانا احسب انه يقصد طريقه زي تجميع قسائم وكذا........ بعد ما طلب قال لي لا ترد على المندوب ....... انا مشيت مع الوضع شوي الا والمندوب يدق اكثر من مره وقررت احمل هنقر واخش حسابي عشان اشوف الفاتوره الا ويطلع الحساب 243 ريال وكاش وبعدها والله توترت وما دريت وش اسوي تجمدت والحين خلاص خلص الطلب بدون ما يدفع ريال

وحذفت حسابي في هنقر

ويعلم الله اني ندمان وضميري يانبني انا عمري 17 اقسم بالله ماقد سويت شيء سيء زي كذا

تكفون ياجماعة الخير والله اني زعلان من نفسي والله اني هطف المفروض ما اعطيه حسابي

اللي عنده حل لا يقصر ضميري ذابحنيييي

قال النبي ﷺ:
«مَن قال: بسمِ اللهِ الذي لا يَضُرُّ مع اسمِهِ شيءٌ في الأرضِ ولا في السماءِ، وهو السميعُ العليمُ، ثلاثَ مراتٍ، لم تُصِبْهُ فجأةُ بلاءٍ حتى يُصبِح، ومَن قالها حين يُصبِحُ ثلاثَ مراتٍ لم تُصِبْهُ فجأةُ بلاءٍ حتى يُمسِي»

شخصيا: ما اهتم بنظرة الناس، مدري متى صار او كيف، افتكر يوم عمري ١٨ كان يأثر فيني ان حخيب توقعات المجتمع وما حدخل جامعة بالسن المحدد. حاليا عمري ٢٥ ووظيفيا مني في مكان يوافق التوقعات بس حرفيا الكلام علي يدخل من اذن ويخرج من الثانية (الان فهمت معنى هذا التعبير، حرفيا كاني ماسمعت) الله لايغير علي بخير وعافية، سبب من الاسباب اتوقع هو اني استوعبت اكثر قيمي ورغباتي وانا ايش ابغى وكيف احب اسوي الامور لأحس بالمعنى والرضا، مو دايما توقعات المجتمع حتى لو حققناها ووصلناها بمعاييرهم تكون تسعدنا فعلا. عامل ثاني ان والدَيّ اثنينهم محد فيهم مهتم ان يبهر احد (يعني مو بس هما ماضغطوني الحمدلله بس كمان جانب من الامر في الجينات وتعلم اجتماعي بالمشاهدة والتقليد فأنا كوني ما اكتسبت منهم التركيز على كلام الناس فلما كبرت وواجهت المجتمع صار سهل اتحرر من توقعاته).

قبل كم ساعه وصلتني هديه من سواروفسكي من صديقتي

واخذوها الجيران يحسبونها لهم والمندوب اعطاهم😬

واكلم المندوب ان ماوصلني شيء قال انه اعطا عيال صغار طيب مو عيالنا؟ وجلس يدق الباب عليهم المندوب ومحد يفتح قلت بتجيبها يعني بتجيبها وجلس يدق حول ساعه لين فتحو ورجعوه قالو يحسبونه لهم** **

رجع لي الكرتون متقطع والسلسال متبدل انهبلت حسبي الله لو انه المحل مبدلين اقلها بتجي اشعارهم لكن السلسال من ابو ريالين مع انهم ناس راقيين وسياراتهم من نوع ممتاز مادري وش الي دفعهم يسوون كذا وذيك المده مدري كيف طلعو سلسال جديد من تحت الارض وطبعا بلغنا عاد وجاء البنت تعويض الحمدلله وخلاص ماعاد ابي ولا هديه بعد هالموقف المحرج

بالكلام العادي نفس لهجتي اللي متعوده عليها لكن اذا جيت اقرا كلام كاتبته ولا اذا نزلت بوست مررره لهجتي غير واكتب كلمات ماذكر قد قلتها بلساني مره غريب الموضوع وش التفسير؟

اذا قلتم لاحد عن مكان متحمسين تروحون له مع بعض وجا اليوم الي بعده والشخص نفسه طلع مع اخوياه لذا المكان ولا اعطاك خبر ولا كلمك تطلع معاهم تزعل ولا لا ؟

قبل شهر وشوي رحت مع امي لعزيمة عائلية وما كنت ابي اروح الصدق بس رحت مجاملة وجلسنا هناك شوي ثم رجعنا عادي

وبعدها اول ما رجعنا البيت جلست على سريري وحسيت بإحساس غريب اني بموت ويوقف قلبي وما قدرت اتنفس وجاتني نوبة هلع قوية ومن بعدها الوقت كله صار فيني نوبات هلع واكتئااااب شديد وقلق ووسواس وبطني صار يوجعني دايم واحس بخنننقة اناظر السقف وانتظره ينهار علي واحس خلاص مابي اعيش وراحت شهيتي للطعام تماماًاا لدرجة نقصت ٧ كيلو كذا حرفياً اتغصب الطعام وبالكاد آكل صحن واحد باليوم وباليالله حتى اتروش وذا مو طبعي

الوالد لما عرف قال لي انه ممكن يكون عين او حسد شي كذا بس ماعرف بذي الاشياء

حرفياً انقلبت حياتي فوق تحت وماني فاهمة وش جاني واذا كان ذا كله فعلاً من العين! 🥲

اي احد يعرف يقول لي بالله ووش الحل مع ذا كله لاني خريجة واخر سنة جامعة بس حرفياً احس بصعوبة اني اسوي اشياء واهتم بدراستي، واذا ما تعرفون ادعوا لي دعوة صادقة بالغيب وشكراً…

اف اهلي جالسين يسولفون عن واحد اليوم بالمتوسط كان يلعب كوره و طاح عليهم فجاءه و قام يطلع اصوات بعدها توفى

قسم بالله هالسوالف توترني وتدخلي برعب لفتره طووويله خصوصا اني دايم عندي خفقان واتوتر كثير اخاف اموت فجاءه بسكته😢

السلام عليكم

هذي الكم يوم مضطرة أسوق كثير اقل شي ساعتين باليوم والموضوع مرهقني ومتعبني مرة، اليوم حسيت بضغط على ظهري(قريب من رقبتي) مع اني كنت احاول طول الوقت اعدل جلستي بطريقة كويسة

المختصر: كيف تتفادون الالام الناتجة عن السواقة؟

مثل ماهو مذكور بالعنوان

هل فيه احد جرب يعتزل الجوال نهائيا وحول على النوكيا ؟

انا قد جربت اعتزل وبعت جوالي وبقيت مع النوكيا ٧ شهور

لين توهقت بالنفاذ ومواقع الجامعه وتوكلنا ورجعت شريته

بس كانت تجربه ممتازه ومميزه وراحه لاتوصف

السبب كان ادماني المستمر

حاليا متوسط عدد ساعات استخدامي للجوال ماتتعدى ٤ ساعات يوميا

بس برضو احس للان مرتفعه

طبعا معي لابتوب فاخلص اشغالي عليه

لكن هل فيه احد اعتزل نهائيا وقرر يبقى بجوال كشاف + كمبيوتر مثلا ؟

ولا انا مجنون

مكلمني واحد من نفس مجال عملي برقم بزنس بدون اسم ويحاول يسولف معي؟

ما اعرف من وين جاب رقمي و إذا كنا بنفس مقر العمل او لا

سلام عليكم انا عندي ارتجاع مريء صامت من ٤ سنوات وماحسيت بالخفه والحياه الا لما اخذت دواء حموضه معين مو نكسيوم

ولما جربت هالنوع من الراحه قلت انا ويني عايشه بالجحيم ليه محد علمني

واكبر ألم مسببه لي هالشي هو حشرجة الصوت والبحه المبالغ فيها لدرجه فقدت ثقتي بنفسي ما اكلم احد ما اشارك ما اتعرف عالناس حتى ببيئة العمل انحررررج

جربت كل شي ممكن تتخيلونه قاطعت جميع الاشياء المسببه ماينفع ما احس بنفس الخفه اللي يعطينياها دواء الحموضه ذاك

للاسف اني ادمنت عليه وامي تحذرني والدكتور يحذرني لا اكثر منه لان مشاكله تبين بعد ١٠،١٥ سنوات وانا اقول كل شي بأمر الله واكلها لكن مشكلتها اكون زينه وانا اكلها شهر بعد ماتخلص يمر اسبوعين وترجعلي حالتي شسوي

فيه متاجر تشحن ستيك مجمد؟ تعبت وانا ادور تحديدًا ل وادي الدواسر لقيت كثير يشحنون بس مو لوادي الدواسر

يعض لو حاولت تمسكه

يتظاهر بالموت لو انحشر ومافيه مهرب يعني لو شفته ميت احتمال 50 بالمئة انه يلعب عليك

سهل ترويضه حسب كلام احد علماء الحيوان

يطلع صوت بين الظهر والعصر

مقاوم للريد بس يمنعه يلتصق بالجدار من الرطوبه او مدري ممكن لانه اضعفه

لونه ينتغير حسب حالته او اذا بيموت

سهل ينحاش لذا لاتستخف فيه

تخيلو ماقد زرت الرياض بحياتي واحسس مدري ودي ازورها واركب المترو واشوف ابراج المالية واشوف المولات الضخمة واشوف حارة النظيم واشوف العليا والدرعية واشوف موسم الرياض والفعاليات هفف🤕💔