u/Wonderful-List393

شخصيا: ما اهتم بنظرة الناس، مدري متى صار او كيف، افتكر يوم عمري ١٨ كان يأثر فيني ان حخيب توقعات المجتمع وما حدخل جامعة بالسن المحدد. حاليا عمري ٢٥ ووظيفيا مني في مكان يوافق التوقعات بس حرفيا الكلام علي يدخل من اذن ويخرج من الثانية (الان فهمت معنى هذا التعبير، حرفيا كاني ماسمعت) الله لايغير علي بخير وعافية، سبب من الاسباب اتوقع هو اني استوعبت اكثر قيمي ورغباتي وانا ايش ابغى وكيف احب اسوي الامور لأحس بالمعنى والرضا، مو دايما توقعات المجتمع حتى لو حققناها ووصلناها بمعاييرهم تكون تسعدنا فعلا. عامل ثاني ان والدَيّ اثنينهم محد فيهم مهتم ان يبهر احد (يعني مو بس هما ماضغطوني الحمدلله بس كمان جانب من الامر في الجينات وتعلم اجتماعي بالمشاهدة والتقليد فأنا كوني ما اكتسبت منهم التركيز على كلام الناس فلما كبرت وواجهت المجتمع صار سهل اتحرر من توقعاته).