بدي آراء
كيفكن
انا شب بعمر 20 بدرس سياحة سنة تانية و الصراحة مو مرتاح بالتخصص، بحس فيني شي مو رضيان، مالي قدران اكون نفسي او اابدع، مافي شغف
فكرت السنة الماضية اغير التخصص و كنت بدي اغير للادب الانجليزي بس علامة التخصص عندي ماكانت 100٪، و حتى مابعرف شو هل قرار الغبي، بس ما علينا
قلت رح انقل علم النفس و هاد التخصص كتير بحبو، كتير بحب علم النفس، بس يلي حوليي خوفوني حسسوني انو حياتي رح تنتهي اذا تخرجت و مالقيت شغل، انا اؤمن انو الواحد يعمل الشي يلي بحبو و الزرقة على الله، يعني مو معقول الله يعطيك شي بتحبو و بجيب مصاري و غيرك كمان عطاه شي حلو بي ما بجيب وارد، و الواحد اكيد ما بيقدر يشتغل بشي ما بحبو، اذا قدر يتخرج طبعا.
المهم انو اخر دقيقة قبل ما اكمل اجراءات النقل، قلت خليني اضل بالسياحة و اسجل ترجمة بالتعليم المفتوح،طبعا هون عملت مناقشة مع احد اصدقائي المهم ضليت و سجلت تعليم مفتوح بس ما طلعلي الترجمة، بدهن معدل 89.88 يمكن مدري هيك شي، هي اول سنة بيرتفع المعدل لهلدرجة.
طبعا كان ماشي الحال خلص وقت التغيير، فبقيت بالسياحة، قلت يلا يمكن يكون الي شي حلو بالتخصص، بس هلئ عم فكر، ولله مو عاجبني و ما عم بحس انو هاد الشي يلي خلقت مشانو، بحس اني عم اظلم نفسي ببعدي عن علم النفس.
مابعرف، اضل بالسياحة ولا انقل لعلم النفس و لا شو!!
هل عنجد مافي شي الواحد ممكن يشتغل فيو اذا درس علم نفس؟ انو ابداا؟؟
طبعا انا ببالي اكمل حياتي برا البلاد، بس انو الواحد يحكي هون
الرزقة على الله اكيد، بس كلام يلي حوليي عم يضوجني، انا الوحيد يلي عم يدرس بالعيلة، فكمية الضغط مو طبيعية، انو حاج اضيع سنين من عمري بالنقل، و لازم يكون تخصص واااو.
هل بتنصحوني اغير لعلم النفس ؟
شكرا ل يلي وصل لهون 🤍