أنواع السوريين حسب رد الفعل على اعتقال أمجد يوسف
1- السوري العادي اللي مبسوط بالاعتقال وعم يحتفل فيه بدون اي استغلال للاعتقال لتمرير اي فكرة او قضية تانية او رأي سياسي.
2- السوري العبقري قناص المؤامرات اللي عم يدور على مؤامرة بالاعتقال ويحط نظريات عن أسباب الاعتقال ومشان الحوالات ومشان يغطوا عالغنية تبع الفيحاء ونظريات تانية المهم مو لأنو عامل مجزرة.
3- السوري الاتنشن اللي عم يحكي بالاعتقال بس ليلفت النظر على موضوعو الأساسي على نمط (اي اعتقلوا مجرم بس ايمتى بدن يعتقلوا فلان اللي عمل كذا)
4- السوري المعارض بحقد وبيلاقي طريقة يحول اي حدث لهجوم عالحكومة ومستحيل يعترف انو صار شي منيح حتى لو اعتقال مجرم وبيقلك: اي مجرمين اعتقلوا مجرم عشو فرحانين مبسوطين بالجولاني.
5- السوري المطبل اللي بيستعمل الاعتقال ليهلل ويمجد بعظمة القائد الفاتح ابو محمد الجولاني واديش نحنا لازم نبوس ايديه وش وقفا
6- السوري الأسدي اللي بيتدايق اذا شاف الناس معتبرة النظام هو الشيطان الأكبر وبيقعد يلفت النظر على جرائم المعارضة كل ما شاف خبر جديد عن شي مقبرة جماعية او اعتقال مجرم ويحاول يعمل انطباع (اي التنين كانوا أسوأ من بعض). بيبذل جهدو لحتى ما يشوف النظام بقمة هرم الشيطنة.