.

طبيعي احب واحد اكبر مني بعشرين سنة ؟

ياخي بزعنا اني كل يوم العصر تطلعلي بثوث عالتيك ناس طالعين بره العراق ويمشون بالشوارع شوارعهم وعصريتهم تخبل و واسعه جدا حتى سيارات ماكو والأجواء تخبل وحتى فعاليات عدهم احنا كلشي معدنا وانوب الأهل المعقديين گلت لأمي بشقه شنو رأيج ادرس بالخارج شو گبت عليه يعني الى متى هاي القيود على ايدينا؟ ونعيش معاها ونموت معاها؟ وخوب اذا صار عمر الأنسان العراقي 12 وفوگ هاي هيه ينقري عليه السلام لأن حيشوف ويسمع اشياء وقوانين مسامعها من قبل 😮‍💨+ الي مسافريين للخارج سواء سياحه او سكن احچولنا تجربتكم وشلون الأجواء والجماليه هناك؟

اني اصلي صلاتي كاملههه من الظهر الى الفجر وعندي مخافه الله مرات صح عندي اخطاء بس مو معصومه ومعتزله عن الناس يعني ماعندي نميمه وما كالت، امي تتهمني ملحده تخيلوو تگلي انتي مستحيل بكلبج اكو ذره ايمان تدرون علمود شنوو؟ بس علمود مالابسه حجاب يعني هيه كفرتني وطلعني من ديني علمود حجاب؟؟ صح هوه غلط بس مو لدرجه تطلعني من ديني باجر ربي يوگفها يكللها شنو دليلج تكفريها؟ وتگلي انتي ماكو بكلبج ذره ايمان يعني والله ما ادري 🤷🏻‍♀️

اريد الكه شغل اونلاين طبيعة الشغل رد على صفحات مواقع التواصل الاجتماعي منوين ممكن الكه هيج فرصه ؟

​

شلون ابلغ عن شخص مؤذي بعائلتي ؟المشكلة هوه يعرف هالامور اكثر مني ﻻنو دارس قانون بس احتاج اتخلص منه احتاج يبعدوه عني بأقرب وقت بس ماعندي دليل عليه فكرت اتصل على 911 وابلغ عليه بس مااحس رح تفيد..

انو مرة جنت احتاج اروح للطوارئ واتصلت بيهم ماقبلو الا ولي الامر .. ماعندي احد اثق بيه يساعدني وماعندي وظيفه حاليا حتى اوكل محامي او شي..احس بخطر منه وهوه شخص يعرف يتلاعب ويغير الحقائق...وهوه مو وحده يكدرون يتعاونون بينهم عليه سوو هيج بكل مرة حاولت افضحهم واتخلص منهم حاولت اهرب وحاولت احجي ومافاد عندهم سلطة و كأنو عصابه بينهم واحد يتستر على الثاني ومحد بيهم شريف احتاج انقذ نفسي مااعرف شسوي

دا اتعلم شطرنج والصراحه جدا حلوه وسهله هل تفيدني للذكاء والعقل او لمهاره؟

للمعلوميه: اني اعرف العب دومنه بس ما اعرف اسمائها واعرف العب ورق 51 ومحترفه جدا جدا بيها صارلي سنين العبها واعرف العب اونو وهسه دا اتعلم شطرنج

اي مثل متشوفون كلنه جربنه نستعمل الذكاء الاصطناعي علمود نصمم منشورات وهل حبشكلات

بس اكثر مشكلة نواجهه اذا صممنا اكثر من شي لازم نرجع ونشرح لو نروح للشات سشن نفسهه ...الخ وكل هاي الهوسة
فسويت منصة تختصر هاي السوالف الك
حتشرح مشروعك وحيصمملك هوية بصرية كاملة
وتكدر تصمم لوغو او ترفع اللوغو الخاص بيك
وراهه كلما تريد تسوي منشور بس تكتب شتريد يظهر بالتصميم
وحينتجلك بوستات احترافية تتبع نفس الهوية البصرية تلقائيا.
وبعد ميحتاج تحير لان كل مشروع معزول ومحفوظ فكلما يعجبك تسوي منشور تطب وتسوي
بالبداية سويتهه اليه بس كلت انشرهه واكلبهه منصة لعل وعسى تفيدكم. للي يريد يفتح مشروع شي.
ومبدئيا استعملت كلود حتى يسرعلي بناء الفرونت خاف الديزاين معجبكم مشوهه...

اسعار الكريدتز وهل حبشكلات خليتهه ارخص شي شكد ما اكدر على كد تدفع فلوس الهوستنك والتوكينز مال الapi.
والداتابيس.
وخصوصا ايضا عمولات wayl
تعرفون ياخذون عمولة عالية وما عدا الotp.
فاذا شفتوهه شويه غالية بالنسبة الكم اعذروني.

اني استعمل الاداة شخصيا لنفسي وكلت افيدكم بيهه لعل وعسى تكون سبب برزق احد.
هذا الرابط مالتهه:

design.oudarty.com

شباب انا قريبا رح انتقل من لبنان الى بغداد، فتحت أشوف السيارات بالفيسبوك ماركت ما فهمت شي. 🙂 رحت غوغل كمان انتو تقولون ١٥٠ ورقة ٩٠ ورقة شو تفسير ورقة ؟ كيف نفهم الدينار بمقارنة مع الدولار الأمريكي.

امي صارت تشوف ماكو غير حل زوجها يرفض يطلگها ويرفض يعترف ويحل الامور البارحة المشاكل وصلت للستار جانت رح تموت بيده صرت ماافرق بين اللي يسوي صدك وزين ويخبل وبين حقيقته البارحة وصلت المشكلة لأهل امي جدي تدخل وخالي ...جدي ماسوه شي بقى يس يلومها ويسكتها خالي كال تعالي ويانا بس امي ماتكدر تعوفنا يمه ﻻن تدري شنو ممكن يسوي ... حاولت تحل الموضوع بالطلاگ مثل ما هوه جان يهددها الا اطلگج وعادي اخذي كل شي تريدي وكلشي الج بس من صارت صدك غير كلامه وصار يجذي ويطلع نفسه زين كدام جدي النذل وكعد يعدد الاشياء اللي سواهن وطلعنا مقصرين وظالمين وهوه بريء جنت مصدومة منه لحد ما ضحكت بلغلط وراد يشمر عليه غراض وهيج عصب من شافني اني واخواني ضده وتبره مني ههه كيفت مااريده اصلا بس اخواني ماتدخلو وهم خلاهم بالنص وطلعم شياطين وصار هوه مظلوم واحلى شي يكولهم مايسوولي اكل وعايفيني مثل الحلب وهوه اصلا اللي ميقبل ياكل وضعه مريب صرت ماافهم اذا جاي يجذب لو هوه خبل وجاي يتخيل وميدري بروحه؟سجلت كل كلامه ومحادثته وياهم بس ماتفيد احس ...جاي اتعامل ويه شيطان يعرف يكسب الناس ويقلب الطاولة لصالحه دائما... اخر شي فضح أفعال اهله وكال لاهل امي عن كل شي تقريبا مافهمت ليش بس بعدين لكيت جاي يتهم امي ويتهمني حتى يطلع هوه زين وماعنده هالامور واني اللي رضيت وردت...وﻻ كأنو جانو يسكتونا بالضرب والتهديدات..امي من البارحة تحضر وتكتي الاشياء اللي ناخذها من نهج صارت ماتهتم حتى بالحقوق ﻻنو مستحيل يطلگ ومستحيل يتغير بعد ... تريد تاخذنا ونطلع بدون علمه ونروح غير مكان نعيش بيه بس ما اعتقد هلفكرة امنه انو ممكن يلحگنا؟او تصير الامور اسوء احسها متهورة وما مسؤوله خطتها حتى لو رحنا غير محافظه وكعدنا ايجار واستقرينا فترة مااحس رح يخلينا بحالنا خاف يأذي اخواني طلبت من امي تستعين بمنظمه او اي احد حتى على الاقل واحد يساعدنا مو نروح هيج...اللي يعرف او اذا ماره عليكم هيج شي شلون كدرتو تهربون وتخلصون نهائيا؟انو رح يفيد اذا صرنا بعيدين عنه وطلعنا بدون مايعرف؟لو ممكن تتصاعد الامور اكثر وتصير اخطر؟ماجاي اكدر انام من التفكير جاي احس عايشه بفلم صافنه هوه شديصير ؟ اشوفهم خايفين والسالفه جاده وخطيرة واني جاني تبلد مدااحس بشي 🤡