حرفياً تگول: إذا المجرم تزوج الضحية، تسقط الجريمة ويتوقف الحكم!
يعني الجاني بدال ما يروح للسجن لا يكافئوه بالزواج بالبنيه الي اعتدى عليها ( غالبا تكون مجبوره لان اذا رفضت ينتضرها الذيح بحجة غسل العار ) و فوك هذا الظلم كله لازم تنتضر 3 سنوات يلا تگدر تفتح الملف و القضيه هاي مره ثانيه 🦦✨
زواج هذا لو حكم اعدام ؟! 🎤✨✨
بحثت عنه من سمعت هيج حاله اليوم و استغربت جانو يكولون الموضوع قانوني و ما بيدنا شي ✨
( قانون العقوبات العراقي )

مصدر على رأيك 😂🎤✨✨

راح نلعبها ب كروب الفعاليات ✨✨

الي يحب ينضم ويانه Dm 🤝✨✨✨

هواية شباب يوصلون لعمر الـ 25 والـ 30 وبعدهم ما يگدرون يقررون (يا قسم يدخلون) أو (منو يتزوجون) بدون موافقة (الوالد والوالدة) حرفياً✨✨

شوكت تنتهي سلطة الأهل وتبدي حياة الشخص المستقلة؟ لو
احنا مجتمع يبقى طفل لحد ما يموت؟! 🎤✨✨✨

الصوره شكل الگرايب اذا شاف شي ما يدري بي و ما يگدر يسأل عنه 😂😂✨✨✨

عدكم مثلها ؟! ✨✨
و مره واحد بيكم كمية المشاعر غناها ب فويز او دزها لشخص ؟!✨✨🎤🎤

خلي نكون واقعيين شويه و نحجي باللي محد يگوله ✨

هذا الشعور كُلش (يخزي ) و مؤذي لمن تكون وين شلة اصدقائك بس تحس نفسك (Ghost) تمشون بالشارع و انت تمشي وراهم لان الرصيف ما يكفي و يحجون بمواضيع انت اخر من يعلم بيها و يخططون لطلعه و تعرف بيها من الستوريات✨✨

ليش اساسا هيج لمه مُهمه ؟! حتى لو حساب كرامتنا؟!

ليش نضطر نضحك على شقاهم الماصخ بس حتى لا نطلع ثكيلين دم ؟! ✨

ليش نخاف ننحسب و نبقى وحدنا و نعتبر الوحده فشل و التهميش اهون منها؟! ✨

شوكت راح نستوعب انو الصديث الي ما يحسسك ب اهميتك هوه مو صديقك و هوه مجرد شخص ديملي فراغه وقته بيك ؟!✨

ممكن سؤال و بدون مثاليه ؟!! 🎤🎤
صاير وياكم هذا الشعور ؟ و شوكت عرفت انو انت مهمش ب شله معينه ؟! و انسحبت منها و اختاريت كرامتك ؟؟!لو بقيت تساير الوضع
لان تخاف تبقى وحدك ؟ ✨

احجولنا هنا خل نسوف كم واحد بينا جان لاعب احتياط بحياة ناس ما يسون 🦦🦦✨✨

و تدرون معلومه!!!!!!! ✨✨✨

اكو ( تكنيك) او خطه بسيطه تخليك تتحول من تكملة عدد و بس
الى محور كون الشله و الكل يدور رضاك 🦦✨
بس البوست صار كُلش طويل و انتوا ما تحبون هيج😂😂✨
اذا تريدون عود انزله الكم و طريقه مجربه و مصمونه 🦦✨✨

الي ما عنده اهتمام بالموضوع يگدر يعبر البوست مع كل التقدير و الاحترام و الحب اله 🤝🤝✨✨✨

اما الي مهتمين تعالو نسولف بشغله صايره ويانه كُلناا 🎤✨✨

اني بشغلي كطبيب تخدير عيني دائما على ال ( monitor) اي خلل بنبض الگلب او ضغط الدم ينطيني انذار احمر 🚩 و لازم اتدخل فورا قبل ما (يديد) المريض و يفلت من ايدي ✨

بحياتنا الاجتماعيه هم اكو مؤشرات (vital signs ) اذا شفتها بالشخص فهذا مو مجرد صديق رو حبيب لا هذا (سم ) يدخل لجسمك و انت متبنج و ما تحس ✨✨

هاي ال Red flags 🚩 الي كطبيب اشوفها لازمها تدخل جراحي سريع :

١ . ال ( hyper-cracking ) او التحطيم المُستمر : الشخص الي يحسسك انو طموحك تافه و يضحك على لبسك و اهتماماتك كدام الناس هذا ديسوي (hypoxia ) ( نقص اوكيجسين ) لثقتك بنفسك ✨

٢. صديقك ال(need only ) : هذا الي ما يظهر بحياتك الا من يحتاج (بنج ) لمشاكله او مساعده بدراسته و بس تخلص مصلحته يسوي (Recovery ) و يختفي ✨✨

٣. ال(Duoble face) : الي ينطيك وجه الملاك كدامك و من تندار يطنهك بضهرك هذا اخطر من مضاعفات العمليه الفاشله ✨

٣ . عقدة السيطره : الي يريد يمشيك على مزاجه و يحسسك انك مريض و الدكتور الفاهم كلشي ✨✨

هنا سؤالي الكم :
شنو اكثر ( Red flag ) شفتوه بشخص و خلاكم تنهون العلاقه فورا ؟! وتحسون احنا كعراقين عدنا تحمل زايد للناس ال Toxic لان نخاف من الوحده و كلام الناس ؟ ✨

فضفضو بالتعليقات اليوم الاستشاره ببلاش 🦦🦦✨✨✨

إحنا العراقيين أهل غيرة وكرم كلنا بدون استنثاء ✨ ومعروفين بطيبتنا، بس بمواضيع "النقاش" و"الرأي"، مرات نتحمس زايد و نروح زايد وتتحول البوستات من سوالف حلوة إلى "عركة" أو زعل. ليش؟ لأن هواية منّا يعتقد إن رأيه هو "الصح المطلق" وأي واحد يختلف وياك يعني هو ضدك!✨✨
ليش** لازم نحترم رأي غيرنا؟✨
بالحقيقة،** الدنيا مثل "اللوحة"،**** ما تكمل بصبغ واحد، لازم بيها ألوان هواية.** لو** كلنا نفكر بنفس الطريقة، جان ما تطورنا ولا اتعلمنا شي جديد.** احترامك** لرأي المقابيل ما يعني إنك "خسرت" النقاش، بالعكس، يعني إنت إنسان واعي وعقلك چبير.✨
شلون نطبقها بحياتنا؟✨
اسمع** أكثر ما تحچي: انطي** مجال لغيرك يكمل فكرته، لا تطفره بنص الحچي✨
الفكرة مو الشخص:** إذا** ما عجبك كلامه، انتقد "الكلام" مو تهاجم "الشخص" وتغلط **عليه✨
خلي روحك رياضية:** مو عيب إذا طلع رأي المقابيل هو الصح، العيب إنك تعاند وأنت تدري نفسك غلطان.
بالنهاية✨✨
الكلمة الطيبة هي اللي تبقى، والصداقة أغلى بهواية من موضوع سياسي أو ديني أو اجتماعي نختلف عليه. اتمنى نتعلم نكول: "رأيك على صحيح ، بس أنا أشوف الموضوع من زاوية ثانية". هي هاي الثقافة اللي تبني مجتمع صدق "متعافي".✨✨
اني هذا الي كاعد اطبقه و الاغلب مو الكل يكولون شي مُستفز ✨

نرجسيه✨✨✨

و بخصوص موضوع الطلاب الي يريدون يعدموهم و يقيمون عليهم الحد على مو كلام مجرد كلام ما مأذي احد ✨

هوه ليش هاي النماذج تعامل دينهم انو هوه الحق و بس !!!
ماكو شي شي ثاني حق و البشر كلهم يا اما ينصاعون الهم
يا اما يتهموهم بالزندقه و الكفر و تبدي مطالب الرجم و اقامة الحد ؟!
بس هوه يحجي على غير اديان و يضحك و يسوي ميمز عادي
كُلنا سمعنا (اويلي عليك جيسوس ) و حجيناها
هل جيسوس راح يتأثر بشي ؟!

دينك الك محد يتدخل بيك اذا انت ما فرضته على الناس و اذيتهم
تعايش ويه الناس الباقين و لا تبقى تفكر كلهم ب جهنم بس انت وحدك بنعيم جنة عدن و تستحقها وحدك 🤝🤝✨✨

اما جماعة الي يحطون احصائية ( العراق ٩٠٪؜ مسلمين ) اكدر اعرف مصدرها لُطفا؟!
العراق مليان مسيحين و يهود و سريانين و صابئيين و ازيدين
انت لا تفترض نفسك صح لان عدد مُتبعين دينك اكثر
الصين مليار و اغلبهم مُلحدين هل همه صح ؟!
الهنود مليار و اغلبهم يعبدون البقر حسب ما انت فاهم و تضحك عليهم هل همه ؟!
الاغلبيه العدديه مو مقياس يبرر الك محاسبة غيرك على اختلافهم
( انت حر ما لم تضر )🤝🤝✨✨✨✨✨