u/Tabark6332

.

اني اصلي صلاتي كاملههه من الظهر الى الفجر وعندي مخافه الله مرات صح عندي اخطاء بس مو معصومه ومعتزله عن الناس يعني ماعندي نميمه وما كالت، امي تتهمني ملحده تخيلوو تگلي انتي مستحيل بكلبج اكو ذره ايمان تدرون علمود شنوو؟ بس علمود مالابسه حجاب يعني هيه كفرتني وطلعني من ديني علمود حجاب؟؟ صح هوه غلط بس مو لدرجه تطلعني من ديني باجر ربي يوگفها يكللها شنو دليلج تكفريها؟ وتگلي انتي ماكو بكلبج ذره ايمان يعني والله ما ادري 🤷🏻‍♀️

طبعا عجيب والله العام انعفيت واجه عيد ميلادي واجه العيد مرتين وهاي السنه هم انعفيت الحمدلله وقبل كم يوم چان عيدميلادي واجه العيد الصغير وراح يجي العيد الچبير واخوي لا عايدني ولا باركلي واشوف بنت گرايبي يعايدها بالعيد گدامي واني واگفه؟ طبعا جدا انقهر مو علموده وانما علمود انحرمت من ابوي بعمر صغير وابوي چان جدا جدا جدا حنين لدرجه غير متخيله راح الله يرحمه راح وهوه بحياته ما مزعلنا😭زين ليش هيج وصارلي أشهر هواااي ما احچي ويه اخوي يعني الصراحه انقهر جدا جدا ماعندي اخ اشاقه وياه اعتبر روحي ماعندي احد كأنو عايشه وحدي ليش هيج؟ عمري 17 مو المفروض عندي بديل ولي هوه الأخ؟ مع الأسف عندي بس بالأسم💔

دا اتعلم شطرنج والصراحه جدا حلوه وسهله هل تفيدني للذكاء والعقل او لمهاره؟

للمعلوميه: اني اعرف العب دومنه بس ما اعرف اسمائها واعرف العب ورق 51 ومحترفه جدا جدا بيها صارلي سنين العبها واعرف العب اونو وهسه دا اتعلم شطرنج

من تصخرني امي على شي لو ابقى صافنه لو من اروح اجيبلها الشغله اضل شايلتها لو اذبها بغير مكان اله تصيح عليه تگلي وين موديتها واضل صافنه وجدا جدا غبيه مع العلم بالدراسه زينه وطلعت اعفاء شنو السبب؟

ياخي بزعنا اني كل يوم العصر تطلعلي بثوث عالتيك ناس طالعين بره العراق ويمشون بالشوارع شوارعهم وعصريتهم تخبل و واسعه جدا حتى سيارات ماكو والأجواء تخبل وحتى فعاليات عدهم احنا كلشي معدنا وانوب الأهل المعقديين گلت لأمي بشقه شنو رأيج ادرس بالخارج شو گبت عليه يعني الى متى هاي القيود على ايدينا؟ ونعيش معاها ونموت معاها؟ وخوب اذا صار عمر الأنسان العراقي 12 وفوگ هاي هيه ينقري عليه السلام لأن حيشوف ويسمع اشياء وقوانين مسامعها من قبل 😮‍💨+ الي مسافريين للخارج سواء سياحه او سكن احچولنا تجربتكم وشلون الأجواء والجماليه هناك؟

.

طبعا ب 2016 چانت فتره ذهبيه مال العاب چانت عندي العاب موبايل ومن كبرت وكمت ادور عليها ذبحت روحي علمود الگاها مالگيتها ليش يحذفوها او تنفقد ؟ طبعا هيه ب 7 العاب ماكو مفقودات وانوب سمعت هذا الخبر الجديد لعبه الولد الي يمشي بالسكوتر واكو هم بالبايسكل بس مو محاكي كالو محذوفه مصدگت بحثت وطلعت صدك محذوفه