u/xxiilliioo

من احلم اني كمت وتجهزت وتفطرت وسويت كامل يومي بعدين المنبة يصحيني!!

الو شنو ليش شهالنذاله يا عقلي

اغلب حساباتكم مختمتها, شايفته كل بوستاتكم وتعليقاتكم. بس يعجبني رأي او تعليق اي احد, حتى لو بس يرد على تعليقي. اروح انبش بحسابه لحد ما امل او تخلص بوستاته والتعليقات واطلع.. انعدام الحياة يخلي الواحد هيج يسوي✋🏻😔

ادري تهور, وقرار غبي.. بس انه المرة الجاية الي اشوف بيها الستوكر قسما بالله العلي العظيم اني راح اروح احاجية تا اشوف شنو يريد. واهم شي قبل امتحاناتي

يا اخوان حرفيا ما جاي اكدر اركز بدراستي بسببه, ما جاي انام عدل, شهيتي مفقودة, وما صايرة اطلع من البيت هواي محبوسة بسببة. وبعد راي بابا بالموضوع كلشي صار اسوء واسوء واسووءء بهواايي

فـ الخطة كالآتي: نطلع انه وصديقاتي للحديقة الي متعودات نروحلها, وهي صايرة قريبة على بيتنا وكلها ناس فـ اكيد ما راح يكدر يسوي شي. وهو اكيد راح يكون موجود وهالشي لابد منه..

وهي هاي. اروح اشوفه شنو يريد وليش جاي يسوي كل هذا, اخلي بيني وبينه مسافة امان جبيرة حتى لو صار الوضع يخوف اكدر اشرد😭 واشوف وحدة من صديقاتي تكون موجودة يمي بس بحيث ما يشوفها, وراح اسجل المحادثة واصور كلشي

والليلة انه طالعة, وان شاء الله احدث لو مرت سلامات.

ادعولي!

https://www.reddit.com/r/SawalfMaTengal/comments/1szckqr/سالفتي_فعلا_ما_تنكال_بس_ماعرف_شسوي_غير_اني_اسولفها/?utm_source=share&utm_medium=web3x&utm_name=web3xcss&utm_term=1&utm_content=share_button

ماعرف شنو اكول الكم, وشنو من مصيبة طاحت على راسي

رحت اليوم بعد الغدا شفت بابا مروق ويشرب جاي, ورحت حجيتله. كتله انو اكو شخص يخوف وين ما اروح الكاه, وانو وجودة ما يكون بالصدفة.. واخاف لا يخطفني او يصير شي لا سامح الله

و بابا سألني منو هذا وشنو شكله ومن هالقبيل. وكتله اسمها فلان الفلاني وسيارته بي ام رصاصيه, وكذا كذا نهاية رقمها, ويلبس اسود, وشوي سمين ويعني وصفته لبابا

و رد بابا! جان صاعقة بالنسبة الي

كالي انو هذا خوش ولد, وانو تعرف عليه قبل فترة وابن ناس وعائلة ومرتب ودارس والله رازقة, وانو حتى يكعد يصلي ويا بابا بالمسجد.. وانو انتي جنتي تتوهمين ولا تتبلين على الرجال

بنات راح ابجي ما جاي اصدق الموضوع

كتله انزين هو دوم يكون موجود جدام بيتنا وهو كالي عادي المنطقة مو مالتج وين ما يريد خلي يكون موجود

وما كدرت انطيه لبابا تفاصيل زايدة لانو جنت راح اظهر بموقف مثير للشكوك واخاف لا يصيرلي شي

انه راسي لسة مصدع ما جاي اصدق الموضوع

يعني ببساطة الكلب الحقير النذل هذا راح تعرف على ابوي!!

ويعني بابا مستحيل راح يصدكني لو هو هيج يشوفه شخص زين وما يسوي شر

بنات احس راح اتخبل

شعور being stalked اكثر شي يخرع بالحياة

يخوف, يموت, يوتر, يوصف بكل الصفات السيئة

وانه جبانة ماعرف شسوي غير اني ابجي من اشوفه موجود واحاول اشرد, تكدرون تقترحون ايّ حلول؟ لان راح اموت

سيارته بهواي اوقات تكون موجودة يم بيتنا, وحتى صرت ما اطلع من البيت بسببه... مرات اراقبه من كامرات البيت وهو يطلع من سيارته ويراقب باب بيتنا ويرجع, لو يروح. . . يروح يجيبله اكل ويرجع

عنده اغلب حساباتي ودوم يجيني من حسابات وهمية.. يعرف مدرستي وين ويعرف كل اساتذتي, ومرات يسألهم عني بجحة انو هو اخوي الجبير

اجاني استاذ الكيميا مرة وصار يمدح اخوي الجبير بالصف وكل هذا, وانه اصلا ماعندي اخو جبير!! وعرفت انو هو هذا الستوكر بشكل مباشر, يومها طلعت رحت للحمام وشبعت بجي لحد ما اثنين صديقاتي طلعوني غصبا عني

مرة لحكني وانه كايمة من يم صديقاتي ورايحة بحدي للمحل مشي, والله يجزيها خير وحدة من صديقاتي لاحظته واجن لحكني, الله اعلم شنو الي جان يفكر وهو لاحكني وانه بحدي او شنو جان حيصير. بس الحمد لله رب العالمين ستر علي يومها

هواي مواقف كلش سيئة صارت وياه ولو اسولف كلهن ما يخلصن, بس اقترحولي شلون اكدر اتخلص منه

النوم احلى شي بالحياة, ماكو احلى من النومه على فراش بارد بعد يوم مرهق, ماكو احلى من الرجوع للنوع بعد الاستيقاظ بالغلط, ما اعرف ادير علاقاتي البشرية بس علاقتي ويا بطانيتي ومخدتي انجح منهن كلهن, اجمل شعور بالعالم مو الحب, هو لما تصحى وتكتشف باقي ساعتين على المنبة وترجع تنام, انه وبطانيني ومخدتي صرنا عائلة, حتى صنا نشبة بعض.

تعبتوني يمعودين خلي ننقرض وخلص بلا وجع راس

اكو صرصور بزاوية الغرفة ورى جنطتي واهلي كلهم نيام اتصل على911 لو تحسون ماله داعي؟

تعديل: شلت الجنطة والصرصور راح للحمام بحدة, شكرا على خيانتكم عرفت معدنكم الحئيئي💔✋🏻

للتنوية فقط انه عراقية, والموضوع الي راح احجي عنه ممكن تشوفونه حيللل سخيف, بس يعني صدك عندي فضول حيل جبير عنه, وامس بس ضليت سهرانة افكر بيه, الا هو صعيد مصر. . . صدق او لا تصدق انه الصعايده تايبي🙉 بس من نزلت ريديت صارت تطلعلي بوستات كراهية ضدهم وانه اضل مستغربة, انو ليش؟ همه شنو يسوون؟ هل لازم اراجع ذوقي؟ هل يعني مجرد ميمز للضحك وكذا؟ المهم, بس بدي اعرف ليش عليهم هيجي؟

(من كتبت تايبي قصدت اني معجبة بتمسكهم بثقافتهم حالهم حال اي شعوب ثانية والي يجيني خاص يدور تزاوج اسلخ جلدة سلخ)