r/Sixthgrade

احس حالنا مثل المرة الي زوجها يشبعها كتل بعدين يطلعها للمول تغير جو

احنه يمنه بكردستان طبعاً كل سنة عدنه قرار اذا معدلك ٨٠+ تكدر تترك مادة الكوردي و العربي او بس واحد منهن(يعني تسويهن اختياري)،

كالوا ٢٠٢٦ مراح يبقه هذا القرار بس هواي طلاب تظاهروا و وراها يلا طلعوا نفس القرار لهاي السنة بأن يصيرون اختياريات،بعدين مدرسين الكوردي و العربي خافوا على تجارتهم من الله لا ينطيهم راحوا اشتكوا،وراها تفكك القرار

بعدين تقبلنه الأمر الواقع و هسه وضعنة مندري شوكت نبدي امتحان راس السنة او الوزاري،خلوها ببالكم هم ٨٠٪؜ من المدارس بعدهم ممخلصين المنهج و هاي صارلنه فوك الشهر كاعدين بلبيت،سووا الدراسة الكترونية اسبوع مدري شكد و باجر راح يبدي الدوام

و لحد هسه مندري (رغم تظاهرات الطلاب همين) اذا الامتحان راح يتأجل وره ١٤/٦ او يقلصون المواد او يرجع القرار اللي كلتلكم عليه.

و** الوزارة مالتنة ماشاءالله عدها صفة تسمع كلام الطلاب و تراعيهم **شي

اعزائي طلاب السادس ليش دا تشوفوهم مسوين فضل عليكم بالتأجيل والحذوفات؟ وهو هذا الي كان لازم يصير من البداية لكن الوزارات دائما تتبع هالحركة ينزلون قرار عكس المطلوب حتى يخليكم تطالبون ويحسسوكم انو الكم رأي بالقرار وبالضغط عليهم ويعدلون القرارات بعدها للشيء الي كان المفروض يصير من البداية و هالشيء بالمناسبة مو بس عند وزارة التربية لا ب اغلب قرارات باقي الوزارات يصدموهم بقرار مجحف و مو منطقي ويغيروا بعدين انو علاساس سمعنا مطالبكم

بدال ما كبل اكلهم الامتحانات يوم 13/6 واحصل هجمة دخل اكلهم يوم 2/6 وبعدين عود اسمع مناشداتهم واسويها 13 واصير المنقذ براسهم واحملهم منية

بس عالعموم الحمدلله على كل حال وهذا خير من لا شيء اهم شي الحذوفات هاي نعمة من الله وعن نفسي ماريد اكثر

يمعودين شنو واحد لازم يسوي هسه خلصت خامس ومتاكده اعفاء اني

بس هسه شنو لازم اسوي ماكو مدرسين ببالي شلون اجرب واختار وما اعرف شنو اريد معهد لو يوتيوب لو شنو بالضبط هسه الكل مختار مدرسين ومخلصين واني يمكن نصهم ماعرفهم حتى شوكت لازم ابدي ماعرف شنو الحل وشنو نصايحكم؟