u/angelstar_357

دي اكتر شخصيه متفهمه ال Villan arc بتاعه .

.

في البدايه هو و مستر سلطع كانو أصدقاء و اشتعلو مع بعض فتره قبل ما مستر سلطع ينطره ، انا شايفه ان حقه جدا يكون شرير اكتر من كدا هو لو كان أطول شويه و اذكي شويه كان عرف ياخد الوصفه السريه بس بما ان عالم سبونج بوب الوردي محتاج شرير يعمل اكشن فا خلو الراجل الغلبان دا شرير و هو مش شرير هو بس عاوز ينجح هو كمان و ياخد حقه من مستر سلطع الي بالمناسبه انا بكرهه جدا لدرجه مش باكل سلطعونات حتي في الحياة الواقعيه

اخيرا بقا عندي خمس سنين و كل حاجه فجأة بدأت تبوظ في حياتي من بدايه موت جدي و ولاده اخويا الصغير و دخولي المدرسه الابتدائيه، طبعا كنت صغيره علي المدرسه بس ماما حاولت تقنعم ان مستوايا حلو و اني مؤدبه مش هتعبهم اوي ، فاكره جدا اليوم دا كنت قاعده جنب المديره و قالتلي اكتب اسمها كان اسمها مها و طبعا كتبت اسمها صح و سمعتلهم ايه الكرسي صح فا حسو اني ذكيه و دخلوني الصف الاول الابتدائي ، دخلت الفصل اول يوم و اتعرفت علي خمس بنات منهم اتنين كرهوني جدا و واحده شويه معايا و شويه عليا و اتنين صحابي ، ريفان كانت أكبر مني و أطول مني و طبعا كرهتني لكذا سبب عشان انا شعري طويل و عشان مصريه و عشان المديره كانت بتحبني المدرسين كانو عادي مش بيكرهوني بس مش نفس العشق و الاتنشن الي كنت باخده زمان ، المدرسه كانت في السعوديه بس حرفيا الفصل كلهم يمنيين و قليل السعوديات و كنت عارفاهم عشان كانو صحابي ، الفصل كان نصين يمنيين و سعوديين و اليمنيين كرهوني مع السعوديين ، و لان عدد الفريق اليمني اكبر و كان عندهم ترابط فشخونا طبعا ، ريفان دي كانت بتدايقني بس معرفتش اعمل فيها حاجه عشان جيشها كان هيفشخني و نفسيتي تعبت جدا من المدرسه و موت جدي و كانت فتره سيئه في حياتي و بابا كان اتغير عليا و جاء الاسواء من كل دا ان كان لازم نرجع مصر عشان نعالج اخويا ، روحت المدرسه بنوته شكلها كيوت و قلت لصحابي اني خلاص هسافر و بداؤ يمضو و يكتبولي في النوته و ريفان طول اليوم مش اتحركت من جمبي اشترتلي و حضنتني و فضلت تتأسف بس مش مسمحاها ، وقتها لما رجعت مصر بقيت عاديه مش شريره اوي ولا طيبه اوي ، نتعلم من القصه دي ان الدنيا بتدور و الاشرار بيتولدو اشرار عادي بس ممكن مع قسوة الدنيا يتعلمو انه احيانا الخير اريح كتير من الشر بس طبعا القصه مش خلصت هنا عشان رجعت شريره في اعدادي

بطني وجعاني و مصدعه و اه يا بطني تاني و عندي امتحان يوم الحد و المادتين مش فتحتهم من اول السنه و حاسه اني اتهبلت عشان مش بنام كويس ... مش بنام تقريبا اساسا ، اه يا بطني ، كثم العوضي احمد العوضي و ضياء العوضي و الرز و البطاطس و الفرنساوي و الانجليزي علي الي عاوز يتعلم و علي الاغنياء و الحكومه الغير عادله و اختي الي بتكلم الواد بتاعها النصاب الي من المنيا و عامل نفسه طيار في أمريكا و بيشتمها و هي مقتنعه انه هيتجوزها و هو نصاب ، تمام شكرا جزيلا جود بالموجود اتمني لكم ايام سعيده و ملئه بلفراشات و الدوبامين المزيف

انا كنت طفله كيوت جدا طبعا و ذكيه و كنت عاوزه اروح المدرسه زي اختي الكبيره و ماما زهقت مني و ودوني حضانه ، كنت بتعلم بسرعه و كنت الأذكي تقريبا و كل المعلمات كانو يعشقوني لاني كنت طفله واو بالنسبه لهم ، المهم جات بنت اسمها ابرار ، ابرار كانت ذكيه و حسيت انها بدأت تنافسني ، وقتها كنا بنلبس يونيفورم بينك كدا و لما طفل يشخ علي نفسه او يوسخ نفسه كانو بيغيروله ليونيفورم لونه بيج و لو كنت محظوظ كفايه ممكن تلبس يونيفورم بينك ، انا لاني ذكيه جدا و طيبه جدا جدا كبيت عليها عصير الفراوله بتاعي عشان مش كنت بحبه اصلا كنت بجيبه عشان لونه بينك ، المهم خلوها تغير و لبسوها اليونيفورم البيج و بدأ الهمس و النظرات و قبل ما هي تطلع قلت لكل الفصل ان ابرار شخت علي نفسها و صدقوني عشان انا ذا ستار و ملاك كيوت ، محدش بقي بيتكلم معاها بعدها و مشيت من الحضانه عشان سافرت مع أهلها اصلا ، السؤال هنا هل انا ندمانه ؟ لا ، لو رجع بيا الزمن هعمل كدا تاني ؟ ايوه ، بس متخافوش الدنيا لفت بيا بعدها بسنتين بس دي قصه لوقت آخر

عاوزه اقول حاجات كتير بس هبداء ب المفيد ، في صب مش هقول اسمه حد واخد اسكرين لبوست واحده من الفيس (اكيد كلام غبي) بتشتم البنات الي بتلبس بلوزات و هي صوره البروفايل بتاعتها لابسه بلوزه بس هي عاوزه اتنشن و لما كتبت انها فلات و بيك مي الولاد ادوني داون فوت البيك مي ١ و انا ٠

حرفيا اغبياااء ، فستان الوليه الي كانت عامله دور سيرينا في قوسيب قيلر فستانها كان حلو اوي عجبني و حطيته في آخر البوست ، بفكر انزل عن علاقات فين و تقييم لشخصيات الكرتون بس مش قادره دلوقتي

انا مش عارفه ابداء منين ، بجد كل الشخصيات تمثلني بذات الساحره و بيرل، عشان للاسف انا الأخت الي لو اتخانقت معها ممكن اطع*نك و دا حصل بلفعل قبل كدا بس مش لازم نتكلم في الموضوع دا عشان انا ملاك و كيوت جدا طبعا و عمري ما عملت سحر لحد طبعا صح ؟ لازم اعمل سيفون سايلنت في بيتي المستقلبي، اتمني حد يخترع كيس منغير صوت ، و حاجات بتقرمش منغير صوت و جزمه تخليني امشي منغير صوت ، او مثلا اعمل ميوت لحد وسط ما هو بيتكلم عشان صدعت و زهقت ، امي عندها القولون العصبي فا دا معناه ان كلنا معانا معاها ، انا نفسي اشرب كوبايه لبن و اكل طبق سلطه انا تعبت من البطاطس و الرز اول ما نظام العوضي دا ضهر ماما اقتنعت بيه عشان دا نظام حياتنا من قبله اصلا بس هي لسه بتاخد ادويتها عادي

محدش يعرفني اصلا بس انا ممكن اعمل اي حاجه غير اني اذاكر

اول سته سنوات من طفولتي كنت كوين *حرفيا* كنت بروح اتوه عند بتوع الدهب و غالبا كنت بطلع بأسواره عشان كنت طفله كيوت، كنت عاوزه ابقي اميره و كل الناس تشتغل عندي بس دلوقتي انا الي بقيت بشتغل عند الناس و لسه عندي امل اني ممكن ابقي اميره فعلا ، لما بحس اني نعسانه بتفرج علي فيديوهات رعب عشان افضل صاحيه، دا اسميه استغلال لمشاعري بس اسمح بيه عادي ، ماشيه ع مبداء محدش مهتم و البلد الي محدش يعرفك فيها شلح و اجري فيها و حرفيا حياتي بقت احسن ، صح وقعت في شويه مشاكل و اتبندت من كل حته بس محدش مهتم صح؟

مصدعه و حاسه اني رجعلي البرد تاني و بطني وجعاني ولا قادره اتنفس ، نعسانه بس مش عاوزه انام ، بكره كل دا

حبيت ازاي كل اللوح دي بتتكلم و تحكي قصه مميزه بذات بتاعت إيفان الرهيب قيصر روسيا و ابنه الي هو قتله ، حسيت اني بتكلم بعمق اوفر بس فعلا مش عندي أفكار اوي ، نفسي اكون كل حاجه و ولا حاجه في نفس الوقت الموضوع متعب جدا ، عاوزه الف العالم و عاوزه اكون محاميه و عاوزه اصمم ازياء و عاوزة اكتب اغاني و روايات و مش هزعل لو بقيت ست بيت و بربي أطفال بس هكون دايما فاكره ان كان ممكن احقق حاجه كبيره بدل ما اجيب بشر يجيو يتعذبو و يتحاسبو في دنيا مش اختارو يكونو فيها لمجرد غريزه خُليقتُ بها