u/Same-Memory3683

أنا كلمت الإكس بعد سنة مبنتكلمش؛ جماعة مش عارفة ليه بتيجي لي حالة غريبة بوصل لمرحلة شديدة من الزهق والملل وبعوز أكلم ولد أو أعمل مشكلة وأنكش حد معرفش ليه بيحصل لي كده بس هو حقيقي ومضايقني جدا قررت أكلم الأكس من رقمي الجديد وأقوله يعمل لي حظر عليه زي ما عامل حظر على الرقمين التانيين للملاحظة أن أنا عندي تلت أرقام رقم حاظرني منو رقم كان حاظرني وفك الحظر ولقيته رجعه من قريب لوحده كده والرقم التالت اللي دخلت له منو المهم أستنيت أنا يرد يقول أي كلمة نتخانق نضحك نهزر يقولي أرجعيلي أيا يكن اللي حيقوله بس هو حرفيا عطاني حظر بس؛.

جماعة بعيدا عن الموضوع ياريت حد بجد يساعدني أنا مش بهزر ولا بستعبط أنا فعلا بوصل لليڤيل من الملل ببقى عايزة أعمل أي مشكلة أو مصيبة يمكن دا بسبب أن حياتي كانت كلها مشاكل في البيت وع النت وفي المدرسة وأول ما رست الشخصية اللي اتعودت تحارب جوايا عايزةترجع مثلا؟؟ ولا دا طبيعي ودي مرحلة أي حد في سني بيمر بيها؟؟ أنا مش فاهمة نفسي ومش فاهمة اللي حواليا؛.

الاكس دا كان في يوم منالأيام طوق الإنقاذ عرفته لما كان بابايا لسه متوفي وحسيت أنه هو اللي بينسيني حزني وحبيته رغم أنه مكنش بيطيقني وبيقولها لي في وشي ولما اعترفت له بقى حرفيا شوية يقولي بحبك وشويه مش طايقني وبيقولي غوري وتقلباته المزاجية بعد ما أنفصلنا شوية يفك الحظر وشوية يرجعه أنا مش فاهماه ولا فاهمة نفسي لو حد بيفهم في علم النفس يقولي ليه الحالة دي بتجيلي ويفسر لي شخصيته ومن غير تريقة عشان مش ناقصة عندك كلمة قول معندكش كمل في طريقك.

#تعديل

جماعة أنا بروح لطبيب نفسي وهو فعلا كان قايلي قبل كده أن عندي طاقة ونصحني أروح الجيم وأن التمرينات حتطلع كل دا بس أنا روحت يوم معرفتش أعمل إيه ولعبت أي حاجة وحرفيا مش عارفة أعمل إيه أنا حياتي مملة أوي مفيهاش أي أحداث جديدة لا بنخرج ولا بنتفسح ولا بنعمل أي حاجة ومصروفي بسيط جدا مبيخلنيش قادرة أشغل نفسي في شوبينج أو أي حاجة يكون دا برضو بسبب كده وأعمل إيه مثلا غير الجيم عشان الطاقة دي تطلع قولوا لي حلول.

السلام عليكم

جماعة أنا بروح لطبيب نفسي بس ياريت تكونوا عارفين الفرق بين طبيب وأخصائي تمام، المهم بروح له بسبب الوسواس القهري بس بحكي له برضو عشان مشاكل بتصادفني زي أني بحس أني مش محبوبة عشان محدش أعترف لي لحد دلوقتي بحس أن كل اللي حواليا خطر بحس كأني في غابة يعني وكل اللي فيها حيأذيني لكن لاحظته أن هو مهتم بالوسواس بس والحاجات التانية مش بيستنى أفهمها له يعني لما بقوله أنا بحس أني مش محبوبة عشان محدش أعترف لي و البنات التانية بيتعاكسوا وأنا لاء قالي عايزة تتعاكسي يعني وفضل يديني محاضرة أخلاقية وكده كلامه مفيد بس بحس أنه مش بيديني خطوات مش بيحمسني لبدء حاجة المهم أني قولت بما أنه مش فاهم حالتي كويس أدي له ورق أنا وقت ما أحس بالخنقة الشديدة بكتب وبفرغ عن نفسي في الورق بأفكار متلغبطة وسريعة اللي بييجي في بالي بكتبه فـ قررت أوري له الورق دا يقرأه عشان يفهمني اكتر هما اربع ورقات المهم أن ماما بتقول أنها متظنش أنه يقرأ كل دا وانه بس مهتم بالوسواس الحاجات التانية لاء فـ الاحسن ادي الورق دا لاخصائي مش لطبيب فـ إيه رأيكم وحد جرب الاخصائي والطبيب قبل كده يقولي تجربته؟.

​

جماعة أنا بروح لطبيب نفسي بس ياريت تكونوا عارفين الفرق بين طبيب وأخصائي تمام، المهم بروح له بسبب الوسواس القهري بس بحكي له برضو عشان مشاكل بتصادفني زي أني بحس أني مش محبوبة عشان محدش أعترف لي لحد دلوقتي بحس أن كل اللي حواليا خطر بحس كأني في غابة يعني وكل اللي فيها حيأذيني لكن لاحظته أن هو مهتم بالوسواس بس والحاجات التانية مش بيستنى أفهمها له يعني لما بقوله أنا بحس أني مش محبوبة عشان محدش أعترف لي و البنات التانية بيتعاكسوا وأنا لاء قالي عايزة تتعاكسي يعني وفضل يديني محاضرة أخلاقية وكده كلامه مفيد بس بحس أنه مش بيديني خطوات مش بيحمسني لبدء حاجة المهم أني قولت بما أنه مش فاهم حالتي كويس أدي له ورق أنا وقت ما أحس بالخنقة الشديدة بكتب وبفرغ عن نفسي في الورق بأفكار متلغبطة وسريعة اللي بييجي في بالي بكتبه فـ قررت أوري له الورق دا يقرأه عشان يفهمني اكتر هما اربع ورقات المهم أن ماما بتقول أنها متظنش أنه يقرأ كل دا وانه بس مهتم بالوسواس الحاجات التانية لاء فـ الاحسن ادي الورق دا لاخصائي مش لطبيب فـ إيه رأيكم وحد جرب الاخصائي والطبيب قبل كده يقولي تجربته؟.

جماعة أنا بروح لطبيب نفسي بس ياريت تكونوا عارفين الفرق بين طبيب وأخصائي تمام، المهم بروح له بسبب الوسواس القهري بس بحكي له برضو عشان مشاكل بتصادفني زي أني بحس أني مش محبوبة عشان محدش أعترف لي لحد دلوقتي بحس أن كل اللي حواليا خطر بحس كأني في غابة يعني وكل اللي فيها حيأذيني لكن لاحظته أن هو مهتم بالوسواس بس والحاجات التانية مش بيستنى أفهمها له يعني لما بقوله أنا بحس أني مش محبوبة عشان محدش أعترف لي و البنات التانية بيتعاكسوا وأنا لاء قالي عايزة تتعاكسي يعني وفضل يديني محاضرة أخلاقية وكده كلامه مفيد بس بحس أنه مش بيديني خطوات مش بيحمسني لبدء حاجة المهم أني قولت بما أنه مش فاهم حالتي كويس أدي له ورق أنا وقت ما أحس بالخنقة الشديدة بكتب وبفرغ عن نفسي في الورق بأفكار متلغبطة وسريعة اللي بييجي في بالي بكتبه فـ قررت أوري له الورق دا يقرأه عشان يفهمني اكتر هما اربع ورقات المهم أن ماما بتقول أنها متظنش أنه يقرأ كل دا وانه بس مهتم بالوسواس الحاجات التانية لاء فـ الاحسن ادي الورق دا لاخصائي مش لطبيب فـ إيه رأيكم وحد جرب الاخصائي والطبيب قبل كده يقولي تجربته؟.

جماعة مش فاهمة هل أنا مازوخية ولا دي حاجة طبيعية جماعة أنا مجربة قبل كده الحب والارتباط وكان حب أبن ستين كلب بصراحة الولد دا كان بيذلني حرفيا وبيمارس تقلباته المزاجية عليا حرفيا شوية يحبني أوي وشوية تانيين يتف في وشي وفضلنا ع الحال دا لحد ما اتخانقنا خناقة وعملت له ستيكر ووزعته على صحابي قام مخلي صاحبه يفبرك لي صورة من التليجرام!!!، الحمد لله المشكلة دي اتحلت لأن الصورة مكنش باين وشي فيها كنت ماسكة التليفون مع العلم أنهم مش مصريين فـ مقدروش يعملوا لي حاجة الحمد للّٰه بجد المهم أني حرفيا فضلت احب الولد دا 3 سنين بحالهم ومش بقدر أعدي يوم من غيره حتى لما تخطيته خلاص قعدت فترة براقب اكونتاته لحد ما أكتفيت وبطلت خالص وحاليا ولا في دماغي الحمد للّٰه المشكلة بقى اللي خايفة منها هي أني بدأت أكرش على واحد تاني أسوء منو مش بفكر فيه. كتير بس خايفة الموضوع يتطور ومحدش يقولي متفكريش فيه لأن حاولت مفكرش بييجي في بالي الولد دا حرفيا ناتن بمعنى ناتن بيكلم خمسمية بنت وبيكلم كبار وصغيرين وقبل كده بتكلم معاه عادي لقيته قالي كلمة مش حينفع أقولها الكلام دا عدا عليه سنتين بدأت أكرش عليه حاليا بسبب أن ضحكته حلوة وطويل وعريض عارفة عارفة أضحكوا براحتكم أضحكوا أوي كمان أنا ذات نفسي بضحك كل ما افكر نفسي بالسبب متفكروش كمان أن طويل وعريض عشان عنده عضلات وجيم بقى ويالهوي لاء دا أد الخنزير أد الفيل تخين بس بقول عادي يروح الجيم يا جدعان بطلع حجج غبية من تحت الارض حرفيا لما يلاقي عيب في حد عجبني طب حتقولوا ليه بتكرشي عليه وهو ألفاظه سوقية وبيكلم خشروميت بنت أصل لقيته كاتب على الانستا والتليجرام تألمت فتعلمت فتغيرت ف قولت ااااه دا اكيد اتظبط بقى والديكم المفاجأة؟؟، رجعت أكلمه من فتره قام شاتمني بلفظ وقولت له أعمل لي حظر لقيته معملش فـ..... أضحكوا يا جدعان أضحكوا تصدقوا بالله البوست دا ملوش لازمة أنا وأنا بكتبه دلوقتي أصلا حسيت أد إيه أنا غبية بس الموضوع إللي عايزة أفهمه هنا خلاص ضحكنا عليا كتير ليه الواحد بينجذب للتوكسيك؟؟ ليه تحب اللي يهزقك ليه بنحب اللي مبيديناش وش؟؟ يعني من بين كل الناس ليه أختار احب شخص يهني ويشتمني ونفضل نطلع له مبررات من تحت الارض ومندركش أد إيه كنا اغبياء بعد فوات الاوان أنا مش مازوخية والله😂 بس بستغرب من نفسي.

رجعت على ريديت بعد ما مسحته اربع شهور لأسباب خاصة وعملت فيهم حاجات كتير كنت بتكلم عن مشكلة أني حاسة أني مش حلوة

الحمد لله خلصت منها وشايفة نفسي ملكة جمال حاليا💗.

أتكلمت برضو عن المشكلة اللي حصلت لي في ثانوي ازاي كنت بعيط بهستيريا كل ما افتكرها الحمد لله روحت لاخصائية نفسية تعاملت مع الأمر وتخطيت الحمد لله.

اتكلمت برضو عن أن عندي وسواس قهري من الموت الحمد لله روحت لطبيب نفسي وكتب لي أدوية وبتابع معاه حاليا ودي اكتر حاجة فرحانة أني عملتها لأن مكنتش بعرف أنام ولا أذاكر ولا اعيش طبيعي بسببها وحشني ريديت وناسه ممكن أشارك معاكم يومياتي بعد كده وافضفض لكم💗.