u/Pleasant_Grab_831

انا بتعرض كل اسبوع لموجة اكل عاطفي بتدمرني للاسف وبتضيع كل العجز فى السعرات اللي كنت عامله خلال الأسبوع وهكذا على الحال ده ليا شهر وشوية كل اسبوع مرة اتحول وافضل اكل يمكن 3000 سعرة زيادة مثلا على سعرات اليوم من حلويات وغيره ومش بفوق غير وانا بطني هتنفجر وخائف جدا على كل التقدم اللي عملته يضيع هل حد هنا مر بحاجة زي دي واتعالج منها.

وللعلم انا عامل 300 كالوري كل يوم باخدهم من حاجة غير صحية بحيث يعني محرمش نفسي بس بردو بيجي اليوم المشؤوم ده وكل حاجة بتبوظ

انا للاسف اخر فترة كذه مرة اسمع من والدتي جملة انت كويس وكل حاجة بس قسوة قلبك دي هي اللي بتزعلني ومش عارف ايه.

وحقيقي مش عارف اعالج الموضوع ده ازاي.

يعني بحاول دائما اجيب لاهلي اللي عايزينه ولو حد كان بيتكلم على حاجه نفسه فيها لوحدي من غير ما يطلب اجيبهاله وبحاول دائما افرحهم. بس للحق بردو انا فى جزء مني اسود اوي وهو مثلا ليا اسبوع متخانق مع امي ومفكرتش حتي اصالحها ولا حاجة وكل يوم بخرج وارجع ولا فكرت مرة اني اقولها انا طالع ولا خارج كأنها ماتت أو شفافة وده كله ليه عشان شايف نفسي مغلطتش وهي السبب فى المشكلة. وعارف هي هتيجي تصالحني فى الاخر زي كل مرة وتقولي هونت عليك ومش عارف ايه وانت قد ايه قاسي بس انا قلبي مطاوعنيش ورجعت اصالحك زي كل مرة.

ايه الحل انا مبقتش عارف انا اسود ولا رمادي بس للاسف أنا ابعد ما يكون عن الابيض.

شكرا