u/New_Aspect1934

انا اتمرن حديد من سنتين وافكر اوقف للأبد
كنت نحيفة واكل وجبة وجبتين باليوم اكل بالبركة عايشة لنفسي ان لقيت اكل اكلت ان مالقيت عادي
من يوم مابديت اتمرن الاكل صار هاجس صرت افكر وش باكل الوجبة الثانية كيف اخليها صحية كيف تكون مغطية كل العناصر لازم تصير مليانة بروتين…..الخ
انا تعبت نفسيا وصرت اطلب من برا شبه يومي واذا اكلت اتضايق بعد الاكل واكره نفسي وانتفخت مدري هو عضل ولا دهون
صح ان جسمي تغير وصرت متعافية على قولتهم لكن نفسيتي تعبانة جدا بسبب هالموضوع زهقت من الطبخ زهقت
وش الحل انا على بعد شعره واترك النادي وارجع لعيشة العصافير اللي كانت تكفيني

مثل ماهو واضح تغيبون عن الدوام؟
يعني مثلا بالسنة كم مجمل غيابكم تقريبا؟ او خنقول بالشهر؟
وهل قد مره صحيتوا الصبح وقررتوا غياب؟ هل بعالم الدوامات والوظيفة فيه هالحرية؟

انا لي ٣ سنين ونص موظفة ماغبت الا بسكليف والاستئذان مايتعدا خمس ايام متفرقة خلال هالسنوات
سبب السؤال ودي اغيب بكرا زهقانة :(

من كم شهر لاحظت نفسي بس خايفة وقلقانة وبدت تجيني افكار كثير من اهمها
١- وظيفتي شغلها قليل بحكم المنطقة النائية اللي انا فيها لكن راتبها ممتاز فتجيني افكار ان راتبي حرام واني ما استحقه او لان الشغل قليل بيقللون راتبي وبنهار وكيف بتقبل اعيش براتب اقل
٢- سويت تحليل شامل وطلع عندي شي امره بسيط لكن شايله همه كل ماحاولت اهون على نفسي يكبر وتجي فبالي سيناريوات مخيفة
٣- افكر بأهلي تجيني افكار انهم بيتهاوشون او بنتفرق او احد بيصير له شي ومع هالافكار احس بخفقان
٤- اذا شفت اي شي بجسمي على طول افكر انه شي خطير لو حبة حمراء صغيرة

نتيجة هالتفكير نومي تأثر صحتي مناعتي جودة يومي احسني بخطر وخوف طول الوقت تزامن هالشي مع تركي للتحفيظ كنت طالبة تحفيظ لمدة سنتين ومن المتفوقات بس تركته باخر فترة لاني رحت لمدينة ثانية فترة ورجعت بس ماقدرت ارجع للتحفيظ صرت افكر انا فيني عين او حسد ليه مو قادره ارجع وبنفس الوقت اقول يمكن الله يبي يرجعني له ايام التحفيظ كنت اداوم واحفظ واحضر واروح النادي وانام زين كله بيوم واحد

الحين كل شي ثقيل حتى علاقاتي مع الناس بالعيد ما اعايد الناس اعجز افتح محادثتهم وارسل كللل شي اقول مالي خلق صرت سادة بدون هوايات مخي ثقيل ماتطلع منه الفكرة……لكن هذا بالنسبة لي يهون عند الخوف والقلق اللي انا عايشة فيهم

انا عارفة ان عندي مشكلة ولازم استعجل بحلها لكن مدري من وين ابدا
علاج نفسي؟ قران؟ ضبط افكار؟
من عاش مثل تجربتي يقدر يفيديني؟
واذا تعرفون طريقة اوصل لاخصائي نفسي بطريقة سرية ماتضرني بالمستقبل وتكون فيها الخصوصية عالية اكون شاكرة