اي هي لعنه الوعي الاول ؟ هي تعبير فلسفي بيدل علي معاناه الانسان من انه الكائن الوحيد اللي عارف انه هييجي يوم ويموت
الوعي الاولي primary consciousness ده موجود عند اغلب الثديات والطيور وده بيخليها تتعامل مع البيئه بتاعتها زي انها تاكل وتشرب وتنام وتتعامل مع الذكريات طويله المدي يعني الكائن ده خطر يبقي خطر بس بتفضل مقيده بالحاضر مع عدم القدره علي التفكير فالمستقبل
الوعي الثاني secondary consciousness وده اللي موجود عند الانسان وكائنات بسيطه زي القرود والدلافين بس مش بنفس درجه الانسان طبعا واللي بسببه الانسان علي عكس الكائنات التانيه بيبقي عارف انه كدا كدا هيموت ف يوم من الايام سواء هو او اللي حواليه
كان في نظريه كنت قرأت عنها قبل كدا واللي هي نظريه اداره الرعب اللي جت من افكار الفيلسوف ارنست بيكر اصلا اللي شايف ان البشر عندهم وعي فريد ب فنائهم او انهم ممكن يختفو فاي لحظه وده اللي بيخلق توتر اصلا بيدفع الانسان سواء انه يتدين اكتر مثلا او حتي انه ينجز اكتر ف حياته او اب حتي مشغول دايما فالشغل وبعيد عن اطفاله لانه عارف انه ف يوم من الايام مش هيبقي موجود ليهم , التجارب اللي اتعملت عالنظريه دي ظهرت ان لما الشخص بيفتكر انه هيموت ده بيخليه يتمسك ف معتقداته اكتر او حتي سلوكه يتغير زي التجربه اللي اتعملت اللي جابو فيها فريق قضاه واتقسمو مجموعتين لتحديد كفاله بنت محكوم عليها لارتكاب خطا ما
المجموعه الاولي حكمت عليها ل كفاله ك متوسط 455 دولار التانيه اللي فكروهم بالموت حكمو عليها ك متوسط 55 دولار
دوستويفسكي في رواياته كان دايما بيعبر عن نفسه زي لما قال “Pain and suffering are always inevitable for a large intelligence and a deep heart. The really great men must, I think, have great sadness on earth.”
وبرده قال “It takes something more than intelligence to act intelligently.”
دوستويفسكي برده قال ف روايه من رواياته “Excessive consciousness is a disease.” ف هو ليه قال كدا وليه اصلا الكلمه ذات نفسها جحيم الوعي
لو جينا نبص علي حياه دوستويفسكي باختصار هنلاقي انه اتولد ف عيله مش مستقره زي ابوه الدكتور اللي كان صعب واللي كان بياخده معاه المستشفي وكان ممكن يشوف هناك طفل زيه من غير رجلين عادي , وامه اللي كانت مريضه واللي ماتت من المرض وابوه يقال انه اتقتل من الفلاحين اللي كانو شغالين عنده لانهم كانو بيحقدو عليه بسبب اسلوبه بس دي مش معلومه مؤكده
دوستويفسكي نفسه لما كبر حياته مكانتش سهله زي نه كان فقير فاضطر يدخل ل جماعه فكريه كان رئيسها واحد غني عشان بس يحاول يستفاد من الكتب اللي عنده او ك فلوس قام مقبوض عليهم كلهم واتحكم عايه بالاعدام وعلي اخر لحظه والمسدس علي راسه جه حكم بعدم الاعدام بس اتسجن 4 سنين ف سيبيريا واللي من وقتها ظهرت عنده نوبات الصرع وحصل حاجات تانيه زي موت اخوه ومراته وادمانه فالقمار بس اللي قصدي اوصله من ده كله ان الوعي المفرط مش بييجي من فراغ وان من غير الحياه دي مكانش هيبقي في دوستويفسكي اللي انا بمهدله من ساعتها عشان اكلم عن روايته
مذكرات من تحت الارض
دوستويفسكي بدأ الروايه دي انه قال “Excessive consciousness is a disease.”
واللي بيصنف دوستويفسكي فيها ل نوعين الثور/الفار
الثور كان اسم علي مسمي شخص واثق وعفوي وردات فعله لحظيه من الاخر تور اللي بييجي قدامه بيشيله من غير تفكير ووصفه دوستويفسكي انه غبي وان غبائه ده مديه راحه البال علي عكس الفار اللي كان بيمثل دور الرجل الواعي الفرق بينهم ان لو حصل نفس الموقف التور هيتصرف ف ساعتها ومش هيفكر فالوضوع تاني , الفار ممكن يقعد يفكر ويحلل مشكله حصلت وخلصت بقالها اسبوع مثلا
فالجزء التاني من الروايه بيتعرف رجل القبو علي بنت بس من الاخر سابته ليه ؟ كان واعي جدا وتحليلي ف كل كلمه هي بتقولها والحب محتاج تنازلات ميقدرش الواعي يقدمها
جانب من جوانب جحيم الوعي العزله عن الناس كنت شوفت فيديو منسوب لابن سينا معرفش كلامه فعلا ولا لا بس عجبني الكلام اللي كان بيقول :
The more I think, the more alone I feel.
The more intelligent a person is, the more they tend to seek solitude.
The more clearly you see the world, the harder it becomes to stand in rooms where no one else sees it too.
وده بيفكرني بالفيلسوف فريدريك نيتشيه مش هحكي قصته كلها برده هقولها باختصار هو واحد من أكثر الفلاسفة اللي اسيء فهمهم وحتي كان شايف ان محبينه نفسهم مش فاهمينه
زي جمله الاله مات ونحن من قتلناه وافكار كتير من افكاره لدرجه انه ف كتاب من كتبه كتب عالغلاف For everyone and for no one يعني اي حد ممكن يقرأ الكتاب بس ولا حد هيفهمه عموما مش هتكلم عنه كتير ممكن تبحثو عنه اكتر
علي حسب المثالين اللي فاتو ف الوعي مفرط مش بييجي من فراغ ابدا وفالاغلب بيبقي من صدمات طفوله وده هيفتحلنا موضوع تاني خالص
ف الوعي حاجه حلوه جدا بس زي ما ليها فوايد ليها اضرار زي انها مش بتيجي من فراغ زي ما حاولت ابين فوق ف ممكن نشوف حد ويبقي بالنسبالنا اهبل مثلا او اللي هو اي اللي بتعمله ده بس هو مبسوط ومش شايل هم حاجه او علي الاقل مش زي ما انت شايل او شايف
ف بعد كل ده جحيم الوعي ولا نعيم الجهل ؟
