u/Idk__0__

الكيس اللي عندي قديم ابغا أجدده بواحد منظره افضل اذا تعرفون اماكن موثوقه تبيع ممكن تعطوني توصيات

دعواتكم اليوم عندي برزنتيشن مع اكسل قروب دخلت معه بحياتي واختبار شبكات مذاكرتي له مرعبه شوي😞

احد يعرف اماكن تبيع منتجات سمك واكل بجوده كويسه بالسعوديه؟
كل مارحت محل او كلمتهم ماعندهم اكل كويس والاسعار في امازون مبالغه مره رافعين سعر المنتجات الاساسيه كمان ابغا اكل مجمد ومو متوفر فيه

اذا بجده وتعرفون اماكن ممتازه او مواقع اونلاين ممكن تشاركوني هم🙏

السلام عليكم ورحمة الله وبركاته

انا طالبه علوم حاسب بجده باقيلي سنتين واتخرج خلاص من الجامعه بالنسبه لمعدلي كويس الحمدلله بس الخوف من سوق العمل بعد التخرج انهم صاروا يطالبون باكثر من المعدل للوظايف كيف ممكن اكون نفسي بحيث اكون جاهزه للسوق وقت ما اتخرج🙏؟ واذا حبيت استمر واصير دكتوره بالجامعه هل يستاهل الموضوع وكيف بيكون؟ او الوظيفه المكتبيه راح تكون افضل؟

المشروع كان مقسوم على ٣ اجزاء
الجزء الاول كتابه البيس كود
الجزء الثاني نبدا نصمم واجهه البرنامج ونشغله بالكود حق الجزء الاول ونربطه بازرار يتفاعل معها المستخدم
الجزء الثالث عباره عن برزنتيشن نتكلم فيه عن الجزئيات اللي فاتوا

دخلت بقروب مع بنتين كنت احسبهم شاطرات ويشتغلون عشان نتوزع الشغل تمام وكل وحده تنجز شغلها، لكن للاسف البنات متكاسلات جدا

الدكتوره اعطتنا اسبوعين نكتب فيهم البيس كود وزعنا الشغل بيننا ومسكت اخر شغله لكن البنات كل ما كلمتهم انه لازم نبدا شغل يقولون بكره نبدا وبكره نشوف الى حد مابقي ٤ ايام على التسليم وكمان ماكانوا راضين نبدا شغل يقولون خلاص بكرا نبدا اليوم مشغولين، واللي ماسكه الجزئيه ترسل لي اكتبها عنها وتقول ابغاك تجيبين لي وابغاك تسوين لي حرفيا تخاطبني كانها شغلتي وكاني جبت

قلت لها انها شغلتها وقالت طيب خلاص بكره اشوفه ،سحبت عليهم وفتحت اللاب وكتبت الكود كامل وقعدت يومين اكتبه وباليومين ذي محد تكلم منهم اصلا وارسلت لهم انه خلاص انا كتبت الكود بس بعدل عليه صباح اليوم الثالث يصير وظهر اليوم الثالث افك سشن اشرح لهم انا ايش كتبت عشان يسوون الريبورت.
وحده منهم ردت انه مايحتاج اكتب الكود وانهم "بكره" راح يبداون والثانيه تقول ماني فاضيه اليوم بس بكره بفك اللاب وابدا اكتب الكود ماعليك… جا الصباح وطبعا ولا وحده منهم اشتعلت بشي وصار التسليم اليوم اللي بعده، عدلت التعديلات الاخيره وارسلته لهم وفتحت سشن وناديتهم وقعدت اشرح لهم الكود، ووحده منهم كتبت الريبورت وارسلته يوم التسليم وكتابته كانت سيئه وقعدت اعدل عليه وسلمته على الاخير… وقلت لهم انه الجزء الثاني ماراح اسوي فيه شي لان انا سويت الاساس الجزء الاول كاامل لوحدي ولان وقته راح يكون عندي اختبارين فاينلز وراح اكون مشغوله اذاكر لهم وقالوا طيب وابشري واسفين تعبناك معنا

جا وقت الجزء الثاني البنات نفس الشي يقولون بكره نسوي وبكره نبدا خفت منهم وقلت خلاص انا راح اسوي الجزئيه الاولى منه وانتم كملوا ووافقوا المهم سويت الشغله الاولى واكثر منها حتى وارسلت لهم العمل وقلت انه ما راح اسوي اكثر من كذا لان عندي اختبارين فاينلز بذاكر لهم واللي باقي لهم انهم ينسخون الكلام من الجزء الاول ويلزقونه بمحله الصحيح بالكود الثاني. ايش سووا؟ استنوا لين يوم التسليم اللي هي ليله اختباري الفاينل عشان يقولون احنا مو عارفين وعندنا مشكله فيه وانتي عدليها واحنا حاولنا مع جبت وهو قال لنا كذا🤗…

قعدت اعدل عليه الى الساعه ١١ لانهم عطبوا اهله وصارت مشاكل بالتسليم وماقدرت ارسله الا ايميل للدكتوره الساعه ١١:٥٥ حرفيا ٥ دقايق قبل الديد لاين

ونفس الشي شكرا واسفين تعبناك معنا وخلاص ماعليك

جا وقت الجزئيه الثالثه وانا قلت ماراح اتكلم معاهم نهائيا بخصوصها هم يتوزعونها وبكيفهم.. لكن انا خوافه سويت التصميم حق الصفحات والمقدمه والخاتمه وارسلت لهم الباقي وقلت انتم كملوه، تتوقعون ايش قالوا؟؟ بكره نشوفه ماعليك🤗🤗🤗 ((التسليم بكره))

ما كنت ابغا اشتكيهم لان العمل عليه ٤٠ درجه وخفت يرسبون بالماده او يتمرمطون فيها بسببي بس انا منجد مره تعبت معاهم وحتى اختباري جبت فيه لاعيد لاني ماقدرت اذاكر له بسببهم مره ضغطوني ومره ازعجوني

انا عارفه انه المفروض من البدايه ما اعطيتهم الجزء الاول معي وكتبت اسمهم فيه ورحت للدكتوره من وقتها بس انا كنت فاكره انهم بيقدرون اني تعبت فيه واننا تيم واحد ويكملون الشغل بالثاني لكنهم مره خذلوني

تحسون اشتكيهم؟

عليها تخفيضات بستيم طالعه لي ب 62.55 ريال واحس ودي اشتريها بس شفت عليها سب اول مانزلت وتخوفت اشتريها وقتها ومع التخفيض تحمست لها مره ثانيه هل هي سيئه لذي الدرجه ولا كيف؟؟ الصراحه ما اذكر اسباب السب لاني كنت أتفادى الحرق بس اذكر كان فيه اراء سلبيه كثير

لعبت سايلنت هيل ٢ ريميك واستمتعت فيها الصراحه هل هي نفس التجربه ولا؟ اعرف ان القصتين منفصله بس اقصد اجواء اللعب وكذا :)

بدون حرق للقصه🙏🙏