u/Exotic-Training7259

قبل كم يوم قابلت بنت من شعبتي ما اجلس معها بالعاده بس جلست معها في المكتبه لان الجامعه مسووين فعاليه هناك

المكتبه لها مداخل كثيره و كلهم بعيدين عن بعض و سواقها جا و قلت لها بوصلك و جلسنا نمشي و عشان ما يصير الوضع غريب قررت اتكلم

قلت شعرك الجديد مرا مرا فنان و بطل لان توها قصته

قالت لي اوه شكرا مرا يوم كنت في الثنوي كنت دايما اخليه كذا و كنت صابغته ازرق

قمت اقول اححح رجعيه ازرق و ازرق مرا حلو

قالت بس نحنا ذحين جامعه جلست اقول لها مو مهم
سكتت شويه بعدها قالت انا ذحين اربي اخواني عشان امي و ابويا متوفيين و ما احس مناسب

قلت لها اوه الله يرحمهم و يغفر لهم يعني تبي تكوني قدوه كويسه لاخوانك الله يوفقك و ييسر امورك بس ما احس الصبغه شيء سيء

يا انا ليش باقي مصره على الصبغه الادميه رافضه خلاص ما تبا شدخلك فيها و مو وقته🫩

قامت سكتت شويه و قالت يعني صح كلامك
جا شويه سكوت
بعدها فتحت هي موضوع ثاني عشان ما يمتد
و تكلمنا
قالت لي تعبتك معايا و ذحين لازم امشي شويه عند الشمس قبل ما اشوف السواق و ما ابا تجيك الشمس
تتوقعو تعلمت من درس عدم الكلام لا طبعا

قمت قلت اوه زودتها صح ههههه بس باقي اوصلك لباب السياره ههههههه
قامت تبرر لي ان انا برجع الطريق ذا كله مره ثانيه لان باصي بعيد و برجع امشي في الشمس 😓
شكراتها و قلت لها اني انبسطت معها و اعتذرت منها

ويوم رجعت البيت اعطيت نفسي كف حقيقي لان ايش الهبل الي جلست اقوله لها كانت اول مره اكلمها و كمان ما قد بحياتي قلت اشياء معاقه قد كذا 💔💔💔

لا وقبل ما نطلع جلست اقوا لها فيه شيء من اول ابا اقوله لك بس كنت مستحيه
ايش ذا لو اني بعترف بحبي ما قلت ذا الكلام لخمتها
قامت تقول لي ايش ايش فيه
في النهايه سألتها من وين اشترت سكرابها لانه حلو.

طيب الامس ما اندقت الابواب ابدا و هنا تيقنت انها بنت و خاقت من تهديد المشرفه و بطلت

و اليوم فكت المشرفه الكميرات مع المدير و ما رضيت تقول لنا النتيجه ف الظاهر انها بنت و تفاهمت معها في الخاص
و بس والله انتهت السالفه

هذا اليوم الثاني على التوالي بنات السكن يرسلو ان فيه احد يدق عليهم الباب بقوه مرا

قبل امس اندق على بنتين الاولى جارتي جنبي مرا مرا رسلت الساعه ٣ ان بنات مين دق الباب و ما جاها رد و الثانيه ارسلت الصباح يا بنات مين دقات عليا
الاولى خافت مرا لدرجة طلعت من السكن و خلت اخوها يجي ياخذها 😭
و الامس ارسلت بنت كمان الساعه ٣ مين دق و ارسلت وحده ثانيه و ثالثه و رابعه كلهم اندق عليهم بأوقات متقاربه فيه بنتين شقتهم مقفله و هم الوحيدين الي باقيين فيها و احد دق عليهم
ووحده تقول ان حاولت تطل من عند الباب و ما شافت رجول ف أستنتاجهم ان فيه جني جالس يصحيهم لصلات الفجر بس مو كأنه مبكر باقي ساعه على الاذان بس جزاه الله خير

انا استنتاجي انها بنت تبا تسوي مقلب عشان تخوف باقي البنات و تنبسط على خوفهم كذا تجدول يعني

قبل فتره حسيت اني وصلت لل lowest point في حياتي كلها ف قررت اني احمل برامج جلسات علاجيه كنت افتح اقراء تعاريف الدكاتره وخبراتهم كان فيه اشياء مميزه بس ما وجدت شيء يناسبني او بالأحرى ما وجدت الشجاعه لاني احجز .

كان من متطلباتهم تسجيل رقم هاتف و ذا من اكثر الاشياء المزعجه بالنسبه لي لانهم يطلبوه عشان يرسلو دعايات و رسائل ترويجيه بس ما اقدر الومهم لانهم يبحثو عن رزقهم .

بالفعل كانت توصل لي رسايل بعضها على الواتس و بعضها في الرسائل النصيه لكن اليوم تفاجأت باتصال

ارد ب السلام عليكم و عليكم السلام توقعته تقييم بنك
لاني اعرف ان الاشياء الي بدايتها 9200 تكون لاشياء حكوميه ممكن متاجر و اشياء اخرى ما اعرف ايش هي

بس تفاجأت ب انا من تطبيق طيط و اتصلت ابغا اسألك ليش ما سجلتي في احد برامجنا
الجمله الي بدت تتردد في راسي وقتها هي ايش رايك تقفلي في وجهها بس سكتت افكاري
وقررت اسمعها بهدواء لان ايش ممكن اعطيها عذر لعدم حجزي في برامجهم الا متناهيه الي تناسب جميع المشاكل

لاحظت سكوتي و سألتني من ايش اعاني
انا بنفسي ما اعرف تمنيت اني اعرف عشان انهي كل شيء
ف امتد الصمت المزعج مره اخرى
قررت اني بصرفها بحترام عشان ننتهي كلنا من ذي المكالمه غير المريحه و لا المربحه لاني ما راح اشترك في احد البرامج حتى بعد كلامها…

اقترحت علي اختبار بيعلمني ايش فيني و انه مضمون اعتمادا على اقوالها و اقوال خبراء نفسيين
شكرتها و دعوت لها ان ربي يعطيها الصحه و العافيه
قفلت و بلكت رقمهم

عشان اكمل يومي بهدواء يومي الجميل المنجز وانسى اسمهم و اغرق نفسي بالتناسي الوهمي

مدري اذا تعتبر فضفضه الزبده اول مره اكتب شيء مو هبل هنا دايما مشاكلي سخيفه او اشياء هبل عشان ما احب الشفقه

ادعولي اصير احسن و شكرا

صحبتي قبل ما تصير صحبتي في التحضيري كانت مع وحده نناديها أ و صار بينهم خلاف و سابو بعض

الزبده صحبتي اليوم عندها فعاليه بالجامعه و رحت لها هي و أ دخلو نفس التخصص و انا في تخصص ثاني من نفس الكليه

وقفت عند وحده من البوثات و يوم شافتني أ ماده يدي باخذ ستيكر قامت سحبت السله من قدامي يعنني ما انبهت و بعطي صحبتي و هو كان واضح مرا ان ماده يدي فهمتو
وذي مو اول مره تسوي لي كذا تدفني من كتفي اذا مشيت جنبها، تشمق لي ،خلت وحده من الكبار في تخصصي ما عاد تكلمني لانها صحبتها ، اذا مريت قدامها تضحك و تسوي معي حركات المتنمرين في الافلام والله حركاتها سخيفه موت بس تزعل مرات

علاقة أ و صحبتي الآن سطحيه جدا لان يضطرو يتعاملو مع بعض مرات لكن ما تسوي لها من الي تسويه لي
مع العلم انا ما اعرف أ ولا قد صارت في شعبتي في التحضيري كنت اعرفها بس كأسم لانها ترسل في قروب الدفعه كثير

ذحين انا ايش دخلني اتلقى الكره انا ما أخالط الناس الا بالنادر و ما ااذي احد و ذي مستقويه علي ايش اسوي معها اجلدها ولا ايش ؟؟

وش ذا الدلع ؟

في مره كنت رايحه المستشفى اسوي تحاليل دم و رحت مع سواقنا
كان يوم دوام ف قال لي انه بيروح و يرجع اخواني البيت و بيرجع لي قلت طيب
و العياده مرا ملصقه في المدرسه و اعرف المسافه منها للبيت و من البيت للعياده فكنت اعرف كم بيحتاج على ما يجي
المهم سحبو نص دمي و خلاص قالو لي خلصنا روحي البيت جلست شويه في الانتظار الثاني في العياده عشان انتظر السواق بعد ما جا الوقت مشيت للباب و عشان اطلع امر من قدام الاستقبال يعني اكيد كل العيادات كذا
و اسمع الي في الاستقبال ينادي اسمي و ينادي اخر شيء لفيت عليه و يكلمني و انا ما اسمع ايش يقول ف قربت منه و وقفت عند الطاوله حقت الاستقبال
يقول لي جا سواه
اقول مين سواه
يقول حقك
اقول خلاص سويت التحاليل ايش تبو كمان
يقول لا انتي جيتي مع مين
اقول له ليش ايش فيه ؟
يقول هو سواه
آخر شيء عصبت قلت خلاص خلاص سويت ايش كمان 😡

قام قالي لي سواقك جا و كلمنا انه جالس في انتظار الرجال و اذا جيتي نقول لك مري من الانتظار عشان يطلع 😓

طلعت صمخا ،وطولنا منجد حتى زميله قام معه يقول لي السواق و انا مو جالسه اسمعهم ايش يقولو 💔
احراج موت لدرجة اني ما رجعت آخذ نتجة التحاليل 🥰

يوم رحعت علمت امي قامت زودتها علي و قالت ذحين بيرجع البيت و يعلم اهله بيقول ذي البنت نشفت ريقي ما تسمع 🫩

صار لي تقريبا اسبوعين و نص و انا احاول اتعلم نوع من انواع السباحه بس كذا فجأه اوقف عن الي اسويه و ارجع للحره فوق ذا مو قاعده اتعلم اصلا ولا جالسه اتطور

استسلم و اكتفي بالي انا اعرفه و احمد ربي ؟

ولا اشترك في نادي مع مدربه (على الاغلب ما بلقى لاني بالقوه القى نوادي بمسبح) و بيكون كمان الذهاب صعب لان ما عندي سياره ولا عندي احد يوديني 😕

ولا احاول زياده و زياده ياخي طفشت احب اتعلم بسرعه ما يعجبني كذا *ياليت احد يهزئني على عدم الصبر شويه و شكرا*

يعني انا اشوف حتى ١٥-٢٠ دقيقه قريب جدا

٢٠-٥٠ وسط

٥٠-٩٠ بعيد

اكثر من ساعه و نص بعيد جدا

بكيت على ستدي كيس و احتمالية انها حقيقيه ١٪؜

يقولو واحد عمره ٥١ سنه بعني حتى مو كبير مرا قد ابويا يعني باقي مو عجوز حتى و اكيد ان عنده اولاد و عائله باقي يحتاجوه💔

عنده سكر جاله جرح و تلوث و التهب في رجله و هو ما كان داري عنه و جاله جرح ثاني و نفس الشيء و بعين بعد ما مر وقت قرر يروح المستشفى و طلع ان الضرر وصل للعظام و بيبترو له رجله 💔☹️

و شكل الجرح مرا يألم ليش ما راح المستشفى من بدري 💔

فبكيت عليه حرام مرا

طيب والله مرا يحزن مرا ايش بيسوي بعدين

تذكرت مقطع البنت الي جلست تبكي على قصة هايدي و هي مو حقيقه

كنت بزر بخامس ابتدائي و مسافره مع اهلي لماليزيا و كنا حاجزين فندق جنب البحر مرا يعني ننزل بعد المسابح حقت الفندق نفسه نمشي دقيقتين حرفيا اثنين و بعدها البحر

وقتها ما ادري ايش كان ببال اهلي تاركيننا لحالنا

الصدق المدينه الي كنا فيها امان ف ما الومهم و نحنا رجه يعني حتى لو طلعونا الصباح و رحنا لعبنا ما كنا نكتفي بالامر و نرجهم نبا ننزل البحر و نبا ننزل البحر ف خلاص جاتنا حريه

الزبده الامواج كانت عاليه مرا مرا مرا في ذاك اليوم يعني بطول انسان بالغ و اكثر كمان بس طبعا هبالتنا مطنشين الامر و ننزل و نخلي الموج يسحبنا و يرجعنا و نرجع مره ثانيه

لين ما جات موجه و سحبتني طلعت منها ما لحقت انتفس جات بعدها وحده ثانيه اكبر منها و سحبتني خلاص قلت بموت ذحين انا اعرف اسبح و كل شيء لكن مو قادره ارفع نفسي لفوق من قو الامر فتحت عيوني في المويه المالحه و جلست اتفرج على الي حولي اشوف فوقي مويه كثيره و اشوف ان الرمل حق الشاطيء بعيد قلت يلا عوافي خل اموت على الاقل استمتعت مرا (والله من التهويل)

ذا كله ممكن في دقيقه و نص كذا لاني اعرف اني اقدر احبس نفسي دقيقه بدون مشاكل بس على النهايه كذا بدا يخلص النفس

برحمة ربي تكرم على البحر و تفلني من اعماقه

تتوقعو تبت او جاتني تروما و ما عادت احب البحر لا لا رجعت نزلت بعدها بشويه و ما رجعت فكرت بالامر و في نفس اليوم طلعت بكل سعاده مع اهلي و تمشيت بكل حيويه

و اليوم الي بعده كمان نزلت للبحر ما تعقدت ابدا

يفتح كل شيء والله تيك توك سناب تويتر كل شيء منجد بس ريدت ما يفتحه ايش ذي العنصريه

كل يوم اصحى حولا و اجلس احاول اضبط الاعدادات عشان عيوني ترجع مكانها

ذا وش معناته لكن عندي ليزي آي ؟

ما غسلت سكرابي لبكرا اوف اكره الغساله المو اوتوماتك و الجفافه المو اوتوماتك

ايش يعني ما اطلع الملابس و هي دافيه

و مرات اداوم بملابس مبلوله لانها ما نشفت

لا و في مكيفات الجامعه 💔💔

متى جلد مالك السكن عشان يوفر اوتوماتيك

ارجوكم 💔

بكاء 💔😔💔☹️💔

لا و اعبي جركل و اصبه لانها مو موصله بمصدر مويه ولا قريبه من مويه

ما قد سمعت قصص تاريخيه يتكلمو فيها عن توائم

لو بلكت احد و هو يرسل لي يبان اني بلكته؟

وايش يطلع ؟