حياتي بعد مافهمت "أَلَا بِذِكْرِ اللَّهِ تَطْمَئِنُّ الْقُلُوبُ"
متأكد ان الحكمة اللي ربنا رزقني بجزء منها بسبب حسن معاملتي للناس بالرغم من المصايب اللي عملتها في حياتي واني بكتم غيظي واجاهد عنصريتي واحاول اتصدق بدل ما احوش مبلغ بدون هدف
مش معايا فلوس؟ الحمدلله معايا صحة ومعايا تعليم اقدر اشتغل منه.
سعيت في شغل وملقتش؟ يمكن وقت رزقي لسة مجاش ولو جالي رزق في الوقت ده هيضرني اكتر ماينفعني.
مرضت؟ الشوكة اللي بتشكني بتديني حسنات او بتكفر عني سيئات مابالي بالألم الشديد او اللي محتاج عملية عشان اخف.
حد اتكلم عني او شتمني؟ صحيفته وهو حر فيها وربنا يسامحه لو مسعاش في اذيتي.
طب حد سعى في ظلمي واذيتي؟ دعاء المظلوم لا يرد وضمنت كوبشة حسنات يوم القيامة
حد عزيز عليا اتوفى؟ هدعيله ربنا يجمعنا في الجنة ولما نتقابل في الجنة هنعيش لحظات افضل مليار مرة من لحظاتنا في الدنيا
بتتعرض لمضايقات كتير؟ المؤمن الذي يخالط الناس ويصبر على آذاهم خير من المؤمن الذي لا يخالط الناس ولا يصبر على آذاهم
حزين وحاسس بالوحدة ومش لاقي حد تتكلم معاه؟ عندك ٥ صلوات في اليوم لو نزلت صليتهم في الجامع هتتعرف على ناس جديدة وتقدر تخش في انشطة معاهم زي الدعوة او الزيارات
وان الدنيا دار بلاء واختبار مش دار جزاء ومن العبط انك تضايق ان النتيجة مطلعتش وانت لسة بتمتحن اصلا
ف لو عيشت عمرك كله فقير ومريض وشايف حياة اللي حواليك كلهم احسن منك و محاولاتك في تحسين وضعك فشلت، رد فعلك يكون عادي عملت اللي عليا وربنا شايفني وشايل لي الاحسن ومش هيضيع تعبي بس محوشلي النتيجة للآخرة
ربنا يثبتنا ويهدينا جميعا 💖💖