تعبت من نفسي وحاسس كل حاجة بتبوظ
حاسس حياتي بتدمر بالبطئ وشايف نفسي وانا بفشل وخطوات الفشل واضحة فشخ ومش عارف اقاوم ولا عارف اعمل اي حاجة
من ساعة ما دخلت الكلية وكل حاجة اتقلبت بقيت بسقط واشيل مواد و درجاتي زي الخرا مع اني لما دخلت الكلية كنت من اعلي الناس اللي دخلوها من حيث مجموع الثانوية
وزني زاد فشخ وبقيت عجل تقريبا وانا اصلا كنت رفيع فشخ
بقيت حاسس اني تافه فشخ ومش بتقدم في حياتي وكل اللي بعمله عبارة عن اني اكل واشرب وانام زي البهايم بالظبط وحتي المذاكرة بعد ما كنت بذاكر ايام الامتحانات بقيت مش بقدر اذاكر في ايام الامتحانات وبلم الدنيا بالعافية وكل ده قبل ما الفاينال يبدأ علشان في كلية عملية
والجفاف العاطفي فاشخني
حرفيا حياتي بقت ماشية بالعكس وبقيت كل ما احاول المها من حتة الاقيها بتتخرب من حتة تانية اكتر
حاسس اني هتخرج من الكلية واشتغل عبد ب مرتب مايكفيش فلوس المواصلات حتي ولا يكفي اي حاجة تانية بسبب اني فاشل في مرحلة الكلية
وحتي لما قررت اصلح الدنيا الصيف الجاي ده واحاول انزل تدريب في مجالي او حاجة تصلح الدنيا شوية الاقي نفسي هنزل سمر وافضل مسحول فيه ( ده في حالة اني عديت الترم ده صافي يعني في احسن احسن الاحوال )
مش عارف اعمل ولا عارف اطلع من الدوامة دي ازاي وحاسس اني عبارة عن انسان عالة ومستهلك ومش محبوب ووجودي تقيل ومش مهم ولا مفيد واشكالي دي لو مكانوش اتولدوا من الاول كان احسن