u/BroadPie8104

انا عندي تعفن دماغي من الدرجة الاولي انا ف ايام بوصل فيها ل 6 ساعات تيكتوك حرفيا بصحي ع الفون وبنام ع الفون بقيت عبد للدوبامين الرخيص والمفروض اني ف كلية طب ف اذاكر و كده لكن انا معنديش هدف ف الكلية كل سنة بجيب +B و ثابت عندها ف اليوم كلو ممكن مكملش 4 ساعات مذاكرة و ايام بتعدي مبذاكرش مدمن اغاني كمان انا حاسس بتغيير فيا واضح تركيزي مبقيش زي زمان بقيت بنسي بسرعة اوي انا تايه جدا و لو فضلت ف الدوامة دي هغرق و هتعدي السنين و هندم ندم شديد و برضو حاسس ده كلو بسبب اني بموف اون من ريلاشن مش عارف بس انا تايه جدا

انا كنت ف ريلاشن مع وحدة و كنت ناوي خير فضلنا سنة و نص زي العسل المهم حصل اللي حصل و جه واحد اتقدم و اتخطبت و المفروض احنا نبعد خلاص ف مقدرناش قعدنا نتكلم عادي بس صحاب و هي مخطوبة لسه مبطلين كلام من اسبوع يعني قبل كتب كتابها باسبوع انا شوفت الاستوريز النهاردة بتاعت كتب الكتاب بتاعها كانت صاحبتها عاملة ريبوست للاستوري من عندها و بتقولها مبروك يعني وقتها كنت بحضر ماتش الزمالك و مبسوط شوفتها حسيت روحي عند زوري و حاسس اني رجعت لنقطة الصفر و دموعي حتي مقدرتش امسكها وانا ف القهوة و مش عارف اتخطي ليا 6 شهور كده مش عارف اعمل ايه و موقف النهاردة رجعني لنقطة الصفر حاسس قلبي واجعني و شاكك انها مكنتش بتحبني من الاول اصلا و كانت بتحب اهتمامي و حبي ليها

ربنا م يكتبها علي حد يعيشها متمنهاش لالد اعدائي

ازاي اتخلص من التعفن الدماغي ده انا حياتي بتضيع مني

كتب كتابها كان النهاردة و انا ليا 6 شهور مش عارف اتخطي