u/Appropriate-Bat-1364

شباب اني نجحت من الخامس وكلها تكلي اقره بهاي العطله مواد السادس واني ما عندي مشكله رتبت الي خطه انو ادرس 3 مواد واركز على مادة وحده اشد التركيز بس لحد الان كلشي مقاري بس محاضرة رياضيات وحده وحتى اكون صريح اني مو انسان يستغل الوقت بسرعه وثانيا مشكلتي ويه الكهرباء الكهرباء هسه شويه شويه كاعد تتعدل وتتزن وكاعد انتضرها بس خاف يعني ما الحك لان هواي ناس تكلي ادرس بالعطله خلوني احس اذا ضاعت هاي العطله بعد اني خسرت السادس

فشنو رأيكم شباب؟.

انا اعرف كيف اتكلم ولكن دائما اكون متردد في اني اتكلم مع بشري جديد خصوصا لو كنت محتاج منه شي لان هذا يتطلب اني اعلم الشي الي احتاجه اقصى معرفه حتى ما اتفشل اذا طلبته او ازعجه يعني تخيلوا اني احتاج عامل في البيت يصلح شي ما انا اولا ما اعرف كيف اجيب هذا العامل فلازم اروح وازعج الناس بسؤال وهذا امر محرج لي وثم اذا جبت هذا العامل قد يشوف هذا الشي ويكون حله بسيط جدا فا اتفشل وممكن اكون جايب عامل غير العامل الي اني احتاجه فاتفشل ايضا وبتالي شعور الفشل يؤدي الى كره نفسي زيادة ان ممكن هذا العامل يستهزء بيه < الاستهزاء البسيط والي المجتمع يشوفه مزاح > فا بالتالي لازم اتعلم على الشي الي احتاجه قبل ما اصلحه وهذا يخلني اتسائل كيف بقية الناس ما يهتمون لمسئلة الفشله؟ والاحراج ؟ هيه اشياء مزعجه جدا حتى اني اتسائل في بعض الاحيان هل راح اكدر استمر قي العيش مع البشر الي حولي مرتاح اصلا؟