r/LibyanThinkers

سلام عليكم لقد وصلت الى اسوء حاله نفسيه على الأطلاق ويجب علي زيارة الدكتور قبل ان اصبح مجنون وارتكب جريمه في نفسي

معش بديت نؤمن بي وجود اي شي ليه معنة في الحياة

زي مثلا انك دير الخير يعني حتنفتح الدنيا قدامك.

او اذا درت شر يعني حتتسكر الدنيا قدامك.

مفيش اي اساس علمي او منطقي انه اذا درت شي معين يعني حتحصل شي معين، يعني عاد تكوم احسن خلق ولكن يجيك سرطان، او تكون اشر خلق و كل يوم تزيد فلوس.

معش وليت نؤمن بي اي شي انه ليه تاثير او انه الناس يمكن تتغير من دون اي فعل او اي شي.

نؤمن بي تقسيمة وحدة بس للبشر يا ذكي يا غبي

ذكي اذا كان طيب ميتحولش لي شخص شرير واذا كان شرير عادي يتحول لشخص طيب

ولكن الغبي اذا شرير حيقعد شرير واذا طيب مع اول فرصة للقوة حيولي شرير.

منؤمنش بي الحظ ولا انه رزقك ونصيبك متقدرش تتحكم بيه، لا تقدر اذا كنت ذكي تقدر تزيد احتماليات تحقيق مرادك ولكن الغبي ميقدرش فا يدفها في الكون والحظ، وهاذا طبيعة منا احني البشر، انه نلومو الناس و الدنيا ولكن منعترفوش انه احني مقصرين او احني منستاهلوش اسهل انه نقولو "دنيا متحبنيش" او "معنديش حظ"، على انه نقول اني متعبتش كويس او اني مش ذكية كفاية خلي ننجح.

اني منؤمنش انه فيه شخص غني يولي فقير فقط بسبب "نصيب"، "حظ"،ضروري تكون مساهم في فقرك ومستحيلة يكون حظ 100%

الحظ موجود صح ولكن انت غالط انك وصلت لمرحلة تخليه هو يحدد حياتك ولا مصيرك في دنيا

الحاجة الوحيدة الي في دنيا حظ هي صحة فقط.

واني منحكيش من جانب ديني او اسلامي ناقش من باب الفلسفة وخلاص.

أي حد عنده سؤال، سواء عن البدايات، الشغل، الفشل، اتخاذ القرارات، بناء العلاقات، المشاريع، أو حتى الأخطاء اللي تمنيت لو فهمتها ابكر… يقدر يسأل.

بنحاول نجاوب عن تجربة حقيقية، مش كلام كتب او تنظير.

عندنا مشكلة في المجتمع الليبي والي هي لما تشوف شي غلط وتوضحه للناس يردوا عليك بجمل خسيسة "دير زيه، ماري ولا تكون حسود، التريس تكسب و…"

ابسط مثال الناس تسرق وتنافق ترابي وتبخس في الناس في حقوقهم ولما تجي تتكلم ينطولك النوعية الخسيسة هدي بيش يزيدوا يفسدوا المجتمع

احني مزلنا مسلمين؟ كل ماتمر عليا اية كنتم خير أمة اخرجت للناس تأمرون بالمعروف وتنهون عن المنكر وتؤمنون بالله؛ انقول في خاطري مبعدنا عليها.

شن رايك في الليبية الي تاخد في عربي احنبي سوري ولا مصري وتسيب في ولد بلادها يعني تفضل في العربي على الليبي مع العلم ان الدولة ماتعطيش في الجنسية الليبية رايكم يهمني و نتناقش بكل احترام🫡🫡

The more you understand this world, the more you destroy yourself and that's why you are happy and smart

هل تشوفو انها منتشره في مجتمعنا طبعا خاطي بعض الناس لي يقولو زواج قاصرات شي عادي

السلام عليكم لكل الهاديين والهاديات في هذا المجتمع اللطيف

long
time no sources

منشور طويل حبتين استحملو شوي

بنعطيكم شوي من خبرتي المتواضعة من سنوات بحثي
وتجاربي مع منصات العمل الحر ع النت

في الفترة الأخيرة لاحظت إن هلبا (كثير) ناس بدت
تهتم بالعمل الحر خصوصا لمهتمين ومهتمات بمجال هذا وعندهم مهارات يبو يستثمروها

بنحكي ع اول منصتين (عربي) تعرفتهم عليهم في 2017 تقريباً

( في الاكيد فيكم اللي يعرفهم ومرات جربهم ونتمنى ان يشاركونا تجربتهم في
تعليقات )

(خمسات \ مستقل)

المنصتين يعتبروا من أفضل الخيارات لأي شخص يبي
يبدأ يشتغل بمهارته من النت بدون رأس مال كبير (مفيش ميزانية اطلاقاً) أو خبرة طويلة بالبداية

الفكرة هي إنك تقدم خدمة تتقنها، والعميل يطلبها منك مقابل
مبلغ معين. ممكن تكون الخدمة كتابة، تصميم، ترجمة، مونتاج، تفريغ ملفات ، تعليق
صوتي، أو أي مهارة تقدر تقدم فيها قيمة للناس.

اللي عنده في الرسم, في كتابة قصص او ادبيات, شرح مواد ، إقتراح اسماء لشركات او برندات أو اي شي يخطر ع بالك

شن الفرق بين خمسات ومستقل

خمسات مناسب هلبا  للمبتدئين والخدمات السريعة، لأنك تعرض خدمة جاهزة والعميل يشريها طول بعد اتفاق  لذلك هلبا  ناس تبدأ منه لأنه أسهل نسبيًا في الفهم والتعامل.

ملاحظة: في خمسات موقع عربي  فكرة منه اي خدمة تبدا بخمسة دولار لعدد معين, لكمية معينة, صفحات , كلمات والخ فا هذا علاش سموه خمسات

وحاجة تانية انك  تمشي للعروض ( طلباتهم ) وتجي تعلق بخدمة متعك شن المفروض بديره مقابل كم . بتلقى عدد من ناس يعلقو نفس الشي ولازم تكتب باللغة العربية مش لهجتك  وتكون عندك خدمة اللي بتقدمه في بروفايلك واتية باش يقدر العميل يدخل ويحجز ويتواصل معك عن طريقها ويمنع تواصل خارج (نصيحة مني جربت وندمت )

أما منصة مستقل مناسب أكثر للمشاريع الأكبر والتعاملات اللي تحتاج تفاصيل وعروض قوية.

 نفس الشي في خمسات بس بنسبة فرق بسيطة من ناحية التسعير  مرات تبدا الخدمة من 100 دولار ل 500 دولار لان بيكون مشروع كامل ومنافسة عالية شوي فا تبدا تحط عرضك

 ( الحق ماجربتاشي بطريقة كاملة برغم من نفس الشركة )

 من الحاجات الحلوة في العمل الحر إنك تقدر تبدا حتى بإمكانيات بسيطة ومن مكانك، ومع الوقت مهاراتك تتطور من كترة الشغل والتعامل مع ناس ومشاريع مختلفة، وحتى عندك حرية أكثر في الوقت والشغل( يعتمد على نوع الخدمة اللي تقدم فيها)

لكن في نفس الوقت الموضوع شوي مش ساهل

 لأن المنافسة كبيرة والبداية مرات تكون بطيئة يعني تحتاج وقت شوي باش تبرز نفسك في منصتين، وفي عملاء يتعبوك بكترة التعديلات أو التأخير. وفوق هذا الدخل بالبداية مش ثابت، فالموضوع يبيله صبر واستمرارية أكثر وفهم قوانينهم

ومن أكثر الحاجات اللي لاحظتها إن طريقة تعاملك مع العميل تفرق هلبا ، مرات يختارك لأنك فاهمه وترد بطريقة محترمة حتى لو فيه ناس خبرتهم أكثر منك لان يأثر ع تقييم في بروفايلك

وحاول ما تشتتش روحك من البداية زيني انا جربت اي شي منغير ما نحدد الشي اللي نقدر نقدم فيه افضل ما عندي في بداياتي

 ركز على مجال\ مهارة  واحدة تعرفها كويس وطور نفسك فيه، لأن هذا يخلي حسابك أوضح ويعطي انطباع أفضل للعميل واكيد توا مع ذكاء الاصطناعي حيساعدك هلبا في كتابة والخ.

و ماتخشش (لا تدخل ) للعمل الحر وطامع\ة في  فلوس سريعة من أول أسبوع، لأن البداية غالبا تبدا شوي شوي. حاول تتعلم، تطور من خدمتك، وتبني سمعة كويسة مع  الوقت.

وبنسبة للمشكلة الليبين كلها ( بوابة الدفع )

المنصتين عندهم محفظة مالية تلقائية لو معندكش اي بطاقة تربطها في المنصة  الفلوس اللي يجوك من العميل تلقائي يخشو للمنصة ع سبيل المثال خمسات مع اخذ عمولة واحد دولار

وتوا مدايرين تحديث وتطوير في منصتين ان لازم ما تربط بوثيقة شخصية (متخافوش انا بروحي درته ) واشياء تانية تخص قوانينهم

فا عندك باي بال  او فيزا أو ماستر كارد لو تبي تسحب من المنصة , يحقلك تسحب الفلوس بعد  10 دولار,اقل لا ( ع اخر تحديث نعرفه )

ونصيحة ما تتعاملش مع حد خارج المنصة لان بتتعب وبتنندم معهم ومفيش استرجاع حق ليك حتى المنصة قالت الشي هذا

لو فيه اي استفسار \ معلومة  نسيتها انا   تقدرو تسألو

وللقاعدين يقرو سواء ثانوية  او بداية الكلية ,ابدو من توا خش للمنصة خمسات, ابد فيها وشوف نوعية الخدمات يجيك الالهام انك تتعلم مهارة واطورها وتقدمها  افضل من تضييع الوقت في السوشل ميديا والخ ...

 

https://preview.redd.it/9lgl4gg60s0h1.png?width=1323&format=png&auto=webp&s=d5d5ef73111b6f54aeaef3c470b3f139b52cf6c8

https://preview.redd.it/s8xrnmn40s0h1.png?width=1278&format=png&auto=webp&s=815858676a3918b401198f47ca22d9441e77bf29

الحمدلله وصلت إلى مرحلة الصمت والمشاهدة من بعيد

الناس والعقليات والعقول النيرة الموجودة هني علاش منشوفش فيها ف ارض الواقع؟