u/yeheyehey

Gradeschool pa lang ako neto at may groupings kami. Pumunta kami sa bahay ng classmate ko para gumawa ng activity.

First time namin sa bahay nila. Pag-upo ko sa couch nila, napatingin ako agad sa hagdan nila pataas. Kasi may umakyat na naka-itim na gown. As in mahabang damit. E d tinanong ko sa classmate kung sino yun para kako batiin namin ng magandang araw.

Tinanong ako agad ng classmate ko kung anong itsura ng nakita ko. Sabi ko nga, mahabang gown na kulay itim. Bigla nyang pinakitang tumataas yung balahibo nya sa arms nya.

Yun daw kasi yung nakikitang multo sa bahay nila. Tapos tuwing madaling araw daw, palaging kinakalansing yung mga sandok at kubyertos nila hanggang sa magising sila.

Kakagawa pa lang ng office building namin so wala pang gaanong tao. Iilan pa lang kaming nakalipat from rented buildings. May training kami nun sa 12th floor. Pagpunta ko sa elevator, pinindot ko yung 12th floor sa panel sa labas ng lift. Di kasi sya yung pagpasok mo, tsaka mo pipiliin kung anong floor ka. Pagpindot ko ng panel, bumukas agad yung pinto. Tapos makikita mo sa gilid ng pinto kung saang mga floor papunta. 12th floor lang yung tanging andun. Tapos may nakasakay na. Medyo matabang lakake na naka-glasses, elephant pants at oversized shirt.

So baka kakapasok lang nya sa lift, tsaka ako nagpress, kaya andun na sya. Tapos nung nasa 12th floor na, ako lang yung lumabas. Naiwan sya sa loob. Kung nagkamali sya ng floor at kailangan nyang bumalik sa groundfloor, kailangan nyang bumaba sa lift para piliin ulit kung saang floor sya. Kasi hindi bababa yung lift unless may nagpress sa GF. So doon pa lang, nagtaka na ako.

Pagpasok ko sa office, sa dulo pa yung training room, super haba ng lalakarin ko. Lahat ng ilaw, de-sensor. So imagine ang dilim at bubukas lang yung ilaw pag dumaan na ako. Miski ang mga computers, patay pa. Kasi training room pa lang ang ginagamit sa 12th floor. Pagdaan ko sa isang bay, yung lalakeng nakasabay ko sa lift, nakaupo sa isang computer at bukas yung pc. Pero patay yung ilaw. So ano yun, di sya gumagalaw para mamatay ulit yung ilaw? Di ko lang pinansin.

Tinanong ko sa trainer ko kung occupied na ba yung floor kasi nga, may tao na. Sabi nya, wala pa raw talaga. Alam kong wala pa, kasi kami nga ang unang nagmove in doon. Di ko kilala yung guy.

Kinabukasan, kinausap ako ng Trainer. Pina-describe nya yung nakita kong nagwowork. E d sinabi ko, nandilat yung mata nya. Tapos sinabi nya na may IT kami na kakamatay lang, sila raw yung nag-install ng PC sa new office namin. Tapos base sa description ko, yun nga raw yung nakita ko.

Years ago, palagi akong nagigising ng saktong 3 AM. Tapos yung mga aso sa street namin per bahay, magsisimulang tumahol. Unang bahay yung sa pinaka-kanto. Lahat kaming household may aso. After ng bahay sa kanto, yung katabi naman. Titigil, yung katabing bahay naman. Tapos yung mga aso naman namin yung tatahol. Sa bahay na namin natatapos. Yung katabing bahay, wala na. Palagi yan, tuwing 3 AM. Pero walang tao.