"وش دخلك"
صرلي يمكن شهر في الرياض ومش اول مرة ، رحلة عمل وليس مقيم
والكلاينت هو في كافد
في وحدة من المواقف يلي صارت لما كنت في كافد كان في شباب ثنين يمكن اعمارهم ١٨ او ١٩ واقفين جنبي وانا ادخن
سمعتهم بيحكو وبضحكو انهم مش قادرين يلاقو الباص يلي بينقل جوا كافد ، فقربت عليهم وقلتلهم انه الباص من الطريق الفلاني ، صفنو فيي وواحد منهم قلي وانت وش دخلك ؟ حسيته زي كانه ضربني كف وموقف سيء الصراحة
موقف ثاني صار معي، المترو يلي بستخدموه بعرفو انه المسار الازرق كثير ضغط وكثير زحمة حتى في الدرجة الاولى بحكم انه في شركات كثير في الطريق ، ف كنا بالرجعة من كافد ، في شب داخ وكان شكله تعبان ، ووقع علارض فجاة وكان جنبي ، كان معي علبة مي ومسحت على وجهه ونزلت معه عالمحطة يلي بعدها لياخذ نفس ، يمكن بعد بعشر دقايق حسيته صحصح شوي حكيتله اذا امورك تمام انا لازم امشي قلي انا تمام بس برتاح شوي ، شفت شب قاعد قبالنا في المحطة حكيتله مرحبا ، معلش لو تخلي عينك عليه يمكن يرجع يغيب او يفقد الوعي ، يا جماعة اعطاني نظرة حكالي وانت وش دخلك ( ما بعرف كيف قدر يحشر الجملة بالموقف ) ورجع مسك تلفونه ولا كاني حكيت معه رغم انه هو شايف كل يلي صار.
على عكس كثير كثير كثير ناس بروفيشينالز اشتغلت معهم كانو كثير لطيفين
فالسؤال: عنجد وش دخلني؟