سوت مشكلة من لا شيء
قبل عشر سنين شريت كاميرا على اساس كنت ابي اشتغل مصورة و شائت الظروف ما قدرت اكمل فيه و تركت الكاميرا في احدى دواليب البيت المهم اليوم اتصلت علي خالتي تبيني اصير نصورة في ايفينت لشغلها و قلت للامانة ما اعرف وين الكاميرا وانه هالكلام من عشر سنين و حتى لو لقيتها فيها عيوب كثيرة منها الشاحن و الذاكرة وكل هذا ما اعرف وينه و موديله قديم ما اظن ينباع حتى وهي حاولت فيني تقول بعطيك فلوس المصور قلت للاسف ما اقدر اساعدك لان من جد ملحقات الكاميرا ضايعة والكاميرا شخصياً ما تساعد للتصوير و واضح انها زعلت لكن مو بيدي شي
بعدها اختي اتصلت تهاوشني تقول كيف ما تجبرين بخاطرها و ما غير تقولين ما اعرف على اقل قومي دوري عليها قلت ما اعرف وينها ولو لقيتها ما اضمن انها بتشتغل ليه اعطي خالتي امل وانا مو متاكدة و جلسنا نتناقش و فجاة عصبت و قامت تهاوش تقولي بدال ما تناقشين قومي دوريها وانا بدبر باقي الاشياء قلت لها فرضا ما عرفتوا تنقلوا الصور ( لاني شاريتها بدون وايفاي بيكون نقل الصور صعب ) قالت مالك دخل يمكن تشتغل ليه تحطين كل هالافتراضات وهي ما فيها عيب المهم سكرت الخط و قمت دورت بكل مكان ما لقيته ( مثل ما توقعت ) رجعت اتصلت باختي و قلت لها قالت يوووه كيف ما تعرفين وين حطيتيها قلت لها الموضوع من عشر سنين كيف تبين اطلعها لك فجاة بكامل ملحقاتها وهو كان في صندوق حقه و الصندوق مو موجود بعدها سكرت ولا قالت اعتذر عن الاسلوب
انا اتنرفزت لان تقولي اجبري بخاطرها اجبر بايش؟!! اعطيها امل على شي ما يشتغل او مافيه ذاكرة مارح يساعدها خصوصا الموديل قديم حتى لما شريته كان عليه عرض لانه قديم بتتورط فيه والايفينت مهم و بكرة كيف بتلحق تشغل كل شي بوقت قصير!!
انا غلطت بشي ولا ايش