u/hydratedpsycho

أنا كنت نشرت في بوست سابق إني لقيت القطة دي في الشارع و حاولت أخليها عندي و كانت أول تجربة ليا مع القطط و كان نفسي ألاقي حد عنده خبرة بالقطط يتبناها بس للأسف

هي خلال الكام يوم اللي قعدتهم هنا كانت بتاكل قليل أوي و آخر آيامها تقريبا امتنعت عن الأكل، كان ظاهر عليها علامات النهاية. الصراحة مكنتش عارف أعمل إيه

فاكر لما كنت بروح اخرجها من البوكس عشان بتنونو و أحاول أكلها و كانت بتحب دايما تتسلق على هدومي من رجليا و تطلع لحد فوق، كان نفسي تكبر بس شكلها نفسيا كانت زعلانة أكيد بسبب بعدها عن أمها او يمكن أمها هي اللي رمتها.

انا حتى عرضتها على تلات قطط تانية بس اكتفوا برؤيتها و مشيوا و وديتها مكان زي بيت قديم القطط عايشة فيه بس فضلت طول اليوم هناك تنونو بس و مفيش قطة نقلتها في مكان تاني. يمكن أكون قصرت اني موديتهاش لدكتور، جايز كان عندها حاجة مخلياها ممتنعة عن الاكل.

انا حتى طلعتها في الشمس لمدة ٣ ايام كنوع من تغيير الجو و قلت ان ممكن ده يخليها تاكل اكتر.

لأ و أهلي بيقولوا ياريتك سبتها في الشارع أحسن و جايين قبل موتها بساعتين عايزين ياكلوها، طيب كنتوا فين لما كنت بكون نايم و هي بتنونو وانتوا ولا سائلين فيها.

ربنا رحمها و ريحها من قرف البشر، يارب تكون شاهد ليا مش عليا

سبحان الله قبل ماتموت زي ماتكون كانت مستنية تشوفني، مسكتها ساعتها و كنت بشربها و كانت بتطلع في الروح و انا مسكتها و آخر حاجة كانت بتبصلي لحد ماماتت، لسة فاكر شكلها و لما بدخل المكان اللي كانت فيه بحس إني لسه شامم ريحتها.

أنا كفنتها و روحت لمكان بعيد و حفرت و دفنتها.

ادعوا لها ياجماعة وادعوا لي ربنا يتجاوز عني لو كنت قصرت معاها

أنا كنت نشرت في بوست سابق إني لقيت القطة دي في الشارع و حاولت أخليها عني و كانت أول تجربة ليا مع القطط و كان نفسي ألاقي حد عنده خبرة بالقطط يتبناها بس للأسف

هي خلال الكام يوم اللي قعدتهم هنا كانت بتاكل قليل أوي و آخر آيامها تقريبا امتنعت عن الأكل، كان ظاهر عليها علامات النهاية. الصراحة مكنتش عارف أعمل إيه

فاكر لما كنت بروح اخرجها من البوكس عشان بتنونو و أحاول أكلها و كانت بتحب دايما تتسلق على هدومي من رجليا و تطلع لحد فوق، كان نفسي تكبر بس شكلها نفسيا كانت زعلانة أكيد بسبب بعدها عن أمها او يمكن أمها هي اللي رمتها.

انا حتى عرضتها على تلات قطط تانية بس اكتفوا برؤيتها و مشيوا و وديتها مكان زي بيت قديم القطط عايشة فيه بس فضلت طول اليوم هناك تنونو بس و مفيش قطة نقلتها في مكان تاني. يمكن أكون قصرت اني موديتهاش لدكتور، جايز كان عندها حاجة مخلياها ممتنعة عن الاكل.

انا حتى طلعتها في الشمس لمدة ٣ ايام كنوع من تغيير الجو و قلت ان ممكن ده يخليها تاكل اكتر.

لأ و أهلي بيقولوا ياريتك سبتها في الشارع أحسن و جايين قبل موتها بساعتين عايزين ياكلوها، طيب كنتوا فين لما كنت بكون نايم و هي بتنونو وانتوا ولا سائلين فيها.

ربنا رحمها و ريحها من قرف البشر، يارب تكون شاهد ليا مش عليا

سبحان الله قبل ماتموت زي ماتكون كانت مستنية تشوفني، مسكتها ساعتها و كنت بشربها و كانت بتطلع في الروح و انا مسكتها و آخر حاجة كانت بتبصلي لحد ماماتت، لسة فاكر شكلها و لما بدخل المكان اللي كانت فيه بحس إني لسه شامم ريحتها.

أنا كفنتها و روحت لمكان بعيد و حفرت و دفنتها.

ادعوا لها ياجماعة وادعوا لي ربنا يتجاوز عني لو كنت قصرت معاها

هل كل الكائنات الموجودة على كوكب الأرض غير البشر عندهم ملك موت خاص بيهم مسئول عن قبض أرواحهم ولا نفس ملك الموت اللي مسئول عن قبض أرواح البشر هو اللي بيقبض أرواحهم كمان؟

يعني عندك قطط وكلاب و أنعام و طيور و كائنات بحرية و صولا الى كائنات أصغر زي الصراصير و النمل و الديدان و البراغيث....إلخ

إزيكو ياجماعة

الصراحة مش عارف أعمل إيه، أنا من يومين سمعت صوت القطة دي بتنونو في الشارع اللي جنبنا بعد الساعة 1 بالليل، فنزلت أخدتها و مسحت جسمها و رغم اعتراض أهل بيتنا عشان هي قطة شارع و عشان لونها.

المهم سخنتها لبن بقري (عارف أنه مش مستحب عشان فيه لاكتوز) + صفار بيض + زيت زيتون. هي شربت أكيد عشان كانت جعانة

المهم المتاح يعني و دورت ليها على بوكس و بطانية صغيرة و خليتها تنام

كان عندها إفرازات في عينيها ففضلت كل فترة أمسح عينيها بقطن مبلل بماء دافئ و عينيها فتحوا أخيرا و بناء على كده من البحث عرفت إن عمرها مابين 3-4 أسابيع و لأن كمان عندها اسنان + بتمشي و بتتسلق و بتنزل من أماكن منخفضة الارتفاع + أظافرها طويلة

ملحوظة: انا عرفت سنها الحقيقي التقريبي بعد يوم لأن عمري ماربيت قطط قبل كده

فكنت بقدم ليها من فترة التانية الحليب اللي عملته فكانت معظم الوقت بتمتنع عن الأكل لكن النهاردة حطيت لها بيض مهروس و كلته بشراهة

انا غالبا بعد الاكل بحاول أحفزها عشان تخرج فضلاتها بقطنة مبللة بماء دافئ على فتحة شرحها + بتحب تقعد على رجلي و تقعد ساعة مثلا بعدين أوديها البوكس تاني تنام و هكذا

دلوقتي أنا لاقيت في بطنها من تحت و رجليها اللي ورا براغيت فمش عارف هل البراغيث دي هي اللي بتخليها تعبانة ولا لأ + شفتها كذا مرة بتعطس و طلعتها في الشمس النهاردة و كانت مستمتعة

حاولت أخلي قطط تانية تشوفها (ثلاث قطط كانوا فوق بيتنا) عشان يمكن ياخدوها

بس إما بيخافوا منها أو بيشموها و يمشوا

انا الصراحة بحاول أهتم على قدر إمكاني بس حاسسها مظلومة معايا بسبب عدم وجود مامتها و كمان أهلي مش عايزينها و انا خايف أسربها تموت و أشيل ذنبها

و انا عارف إن لو عرضتها للتبني محدش هياخدها عشان لونها (اكتشفت إن البشر مش بس عنصريين مع البشر لكن مع الحيوانات كمان)

بمناسبة الحلم:

انا حلمت قبل ما الاقيها بيوم إن في طيارة بتقع من السماء ولون الطيارة في السماء كان أبيض و كانت طيارة حربية كبيرة لكن لما نزلت و وقعت على الأرض و رحت شوفت مكان سقوطها في الحلم لقيتها بقت طيارة هيلكوبتر لكن لونها كان إسود بالكامل. لما لقيت القطة قلت هي دي اللي كانت في الحلم

قلت أسميها ليلى عشان الليل أو شُهب أو شادو

دلوقتي مش عارف أوديها فين

لو حد عايز يتبناها من نطاق محافظة الدقهلية أنا جاهز أنقلها له + أي حد عنده إقتراح تاني يقوله و مش عارف الناس هتقرأ كل ده ولا لأ

بس لو قرأت كل ده أحب أشكرك

السلام عليكم أيها المقيمون و المقيمات

اخوكم عامل فيديو على يوتيوب و عايزكم تقييموه

طب ليه الفيديو مختلف؟

لأني عدلته بالكامل على منصة كانفا و المعروف عن كانفا انها مش مخصصة لتعديل الفيديوهات لكن أنا تحديت نفسي و قولت طالما قررت أعدله هناك فلازم أكمل للآخر و اخلصه.

والصراحة منصة كانفا ليها مميزات كثير من اهمها

1. انك بتعدل على الكلاود يعني مش محتاج كمبيوتر بمواصفات خارقه عشان تعرف تعدل فيديو معين
2. ممكن تضيف او تعمل دعوه لاي حد باستخدام لينك المشروع على كانفا وان هو يدخل يشوف المشروع وممكن تسمح من الاعدادات انه يعدل عليه او لا
3. فيه قوالب جاهزه هناك على المنصه وده ممكن تستخدمها في بعض اجزاء المونتاج في الفيديو

طيب محتوى الفيديو عن ايه؟

الفيديو عباره عن رأيي الشخصي ونقد وتحليل لألبوم مصغر لرابر مصري و هو مروان بابلو

طيب التقييم هيكون عن ايه؟

عايزكم تقيموا الاداء الصوتي وطبعا مونتاج الفيديو وطريقه الشرح هل كانت بسيطه وسهله في توصيل الفكره ولا لأ

مشكوريــــــــــــــــــــــــــــــــــــــــــــن

السلام عليكم

هل احد يعلم ما اسم الفونت المستخدم في الصورة بالبوست

لا اعلم المكان المناسب لنشر هذا النوع من الاسئلة لكن لعلني أجد ضالتي هنا

مشكورين