اعصاب احراج وغثيان
السكرتيرة اللي عندنا بالدوام من فطاحل الادارة صار لها تقريبا ٢٠ سنة ولكن مشكلتي معاها انها تهزئ البورترات (المراسلين) بشكل يومي وطول اليوم وماتفرق بين اليديد والقديم فيهم كلهم تزفهم وتكلمهم باستهزاء واحياناً تعلق على اشكالهم 💆🏻♀️
كذا مرة اقول لها شوي شوي عليهم بس تقلب الموضوع على انها قلبها على الشغل وماتبيهم يغلطون واهي تبتلش ولكن هالشي عمره ما صار لان حرفياً وظيفتهم يدخلون الملفات عند المدير ويردونهم لها فقططط
دايما انغث وانحرج لان غالبا يكونون رياييل كبار بالعمر مايفهمون لا عربي ولا انقليزي بس يحاولون يستوعبون المطلوب منهم ☹️ مرة فتحت الموضوع مع المدير ضحك وقال لي هذا اسلوبها من عمر والبورترات متعودين عليها 🙄 رفيجاتي بالدوام يتفقون معاي بس محد متأثر كثري ☹️☹️ اكره مناظر الاهانة ولو كانت بسيطة
بيني وبين نفسي اقول ودي بيوم اشوف واحد فيهم يرد عليها بنفس الاسلوب بس طبعا راح يكون اهو الخسران اخخخ دنيا القوي فيها حكم