Am I exaggerating or is he the one who's falling short?
هل أنا مُبالغ ولا هو إللى مقصر ؟
سؤالى عن والدى وعلشان تفهمو هشرحلكم الأول أنا لسة طالب وبدرس طب سنة تانية ومعايا أخويا اضغر منى سنة أولى بشرى وأحنا الاتنين بندرس وبسبب صعوبة الدراسة مش بنقدر نشتغل جنب دراستنا وأحنا مغتربين ودلوقتي ابويا بيدينا أنا وهو مصاريفنا كل أسبوع 1000 جنية يعنى كل واحد 500 أكل وشرب وغاز وكهرباء ونت ومش بتكفينا مشكلتى مش هنا قد ما مشكلتى إن أبويا ممكن يصرف آلاف حرفياً على حاجات تافهة أو أنه يصرف على صحابة والناس إللى حوالية هو مدرس بس عامل دكتوراه وفي ناس حوالية كتير بيتملقوله يعنى علشان بيظبطهم كدا وياكلهم ويشربهم ويديهم عربيته أو يوصلهم مشاويرهم لو في طريقة بس فمش عارف اعمل إيه وأحنا مش عارفين نتكلم معاه رغم أنه بيشكى للناس أنه إحنا متقلين عليه في المصاريف وبيقول أننا بناخد ٩ آلاف كل شهر رغم إن ده محصلش وكمان علشان ممكن يسكتنا بكلمة واحدة (ده إللى اقدر عليه) وساعتها أنا واخويا مش نعرف ننطق كلمة تانى وأنا كمان موضوعى سهل أخويا الصغير بيحتاج كتب ومذكرات وكدا وده أكتر حاجة بتدايقنى أنى مش عارف اساعد أخويا