u/ahmvdwrld

من قيمة اسبوعين قررت اروح مستشفى جامعي قسم نفسية و روحت مستشفى جامعي لأني معنديش الدخل الممكن و عشان انا بقالي ٥ سنين بدون مشاعر تقريبا كل حاجة ف حياتي بقت ابيض فاسود، القرار اخد مني وقت طويل جدا عشان يطلع، كنت بقول ايه الدلع ال انا فيه دا لكن دا مش دلع و دا ال اكتشفته بعد الادوية، معنديش فكرة ايه المصير بعدين لكن انا مبسوط من النتيجة المبدأية، مش عايز غيري يقعد فترة زي دي كلها بيفكر يعمل قرار زي دا ولا لا، بقيت مقتنع أنه طلب المساعدة هيفرق و هتلاقي حد ساعد فعلا الحمدلله، أنشد اي حد ليواجه مشاكل نفسية يومية مستمرة يتوصل لأي مساعدة ممكنة حتى لو رخيصة فالاول لأنها هتفرق معاه ان شاء الله جدا و متستناش كتير عشان تطلب المساعدة صدقني هتندم عالوقت ال ضيعته دا انك مطلبتش المساعدة فيه من بدري

جزاكم الله خيراً