u/World-Hater678

.

قبل البوست ارجوكم عايزاكم تفهموا ان البوست مش غرضه مناقشة شيء ديني على قد ما هو مناقشة شيء انساني واخلاقي شوية

انا بنت مش منتقبة ولا محجبة وبشعري (مش قصدي فخر لكن دي نقطة مهمة) لقيت بوست من صب تاني واحد حاطت صورة واحدة منتقبة وجمبها كلب وحمار واظن انتو فهمتوا اللي منزل البوست عايز يقول ايه، وبرغم اني زي ما قلت بشعري ومش محجبة حتى اتضايقت جداً وحطيت نفسي مكان اي بنت منتقبة..ليه حد يكون قاعد في حاله يلاقي ناس بتتريق على فكره ومعتقده لمجرد انه مش نفس تفكيرهم؟ (أياً كان معتقده وزي ما قلت انا مش مقتنعة بفكرة النقاب اوي لكن مقتنعة بالحجاب ولكن بشعري ومش محجبة) وطبعاً الكلام ده بشوفه من كل المعتقدات ومفيش معتقد ضحية بس طول الوقت وللأسف بشوف متدينين بيتريقوا على معتقدات بعض (مسلمين ومسيحيين حتى بعيد عن الملحدين وبصراحة انا معرفش ايه المعتقد اللي بيتبعه صاحب البوست اللي شفته وممكن يكون ملحد وطبعاً مش كل الناس لإن التعميم غلط) ليه الأذى ده؟ فلنفترض ان في معتقد واحد بس صح من دول أياً كان أيه هو انت كدة بتقفلني من معتقدك أياً كان ايه هو وهتخليني اتمسك بفكرتي اكتر (بعيد عن البوست اقصد حرفيا اي معتقد سواء اسلام او مسيحية او الحاد حتى) ليه بدل ما نتخانق ونسف على بعض نحاول نفهم وجهة نظر بعض ولو اقتنعنا بمعتقد معين أياً كان ايه هو فتمام ولو مقتنعناش يبقى نحترم بعض ومنغلطش في بعض..ليه دايماً بنحب الأذى؟

الكلام موجه لكل المعتقدات حتى اللي بعيدة عن الدين وممكن تكون معتقدات سياسية او انسانية او اخلاقية او اي معتقد..وللاسف مفيش معتقد خالي من الناس دي..مسلمين مسيحيين يهود ملحدين هندوس اي معتقد في الدنيا في متعصبين..ياريت نحترم بعض في اي معتقد حتى اللي بعيد عن الدين وبس كدة، متحمسة أعرف رأيكو!

قبل البوست ارجوكم عايزاكم تفهموا ان البوست مش غرضه مناقشة شيء ديني على قد ما هو مناقشة شيء انساني واخلاقي شوية

انا بنت مش منتقبة ولا محجبة وبشعري (مش قصدي فخر لكن دي نقطة مهمة) لقيت بوست من صب تاني واحد حاطت صورة واحدة منتقبة وجمبها كلب وحمار واظن انتو فهمتوا اللي منزل البوست عايز يقول ايه، وبرغم اني زي ما قلت بشعري ومش محجبة حتى اتضايقت جداً وحطيت نفسي مكان اي بنت منتقبة..ليه حد يكون قاعد في حاله يلاقي ناس بتتريق على فكره ومعتقده لمجرد انه مش نفس تفكيرهم؟ (أياً كان معتقده وزي ما قلت انا مش مقتنعة بفكرة النقاب اوي لكن مقتنعة بالحجاب ولكن بشعري ومش محجبة) وطبعاً الكلام ده بشوفه من كل المعتقدات ومفيش معتقد ضحية بس طول الوقت وللأسف بشوف متدينين بيتريقوا على معتقدات بعض (مسلمين ومسيحيين حتى بعيد عن الملحدين وبصراحة انا معرفش ايه المعتقد اللي بيتبعه صاحب البوست اللي شفته وممكن يكون ملحد وطبعاً مش كل الناس لإن التعميم غلط) ليه الأذى ده؟ فلنفترض ان في معتقد واحد بس صح من دول أياً كان أيه هو انت كدة بتقفلني من معتقدك أياً كان ايه هو وهتخليني اتمسك بفكرتي اكتر (بعيد عن البوست اقصد حرفيا اي معتقد سواء اسلام او مسيحية او الحاد حتى) ليه بدل ما نتخانق ونسف على بعض نحاول نفهم وجهة نظر بعض ولو اقتنعنا بمعتقد معين أياً كان ايه هو فتمام ولو مقتنعناش يبقى نحترم بعض ومنغلطش في بعض..ليه دايماً بنحب الأذى؟

الكلام موجه لكل المعتقدات حتى اللي بعيدة عن الدين وممكن تكون معتقدات سياسية او انسانية او اخلاقية او اي معتقد..وللاسف مفيش معتقد خالي من الناس دي..مسلمين مسيحيين يهود ملحدين هندوس اي معتقد في الدنيا في متعصبين..ياريت نحترم بعض في اي معتقد حتى اللي بعيد عن الدين وبس كدة، متحمسة أعرف رأيكو!