u/Trick-Temperature-09

වර්ෂ 2010න් පසු මෙරට උපන් සියලු ම දූ දරුවන් දුම්කොළ භාවිතයෙන් තොර පරපුරක් බවට පත් කිරීම සඳහා දුම්කොළ සහ මධ්‍යසාර පිළිබඳ ජාතික අධිකාරිය විශේෂ වැඩපිළිවෙළක් යෝජනා කර තිබේ.

එම අධිකාරිය විසින් සකස් කරන ලද 'Tobacco Free Generation' සංකල්පය සඳහා වන නිර්දේශ ඇතුළත් යෝජනාවලිය සහිත සංකල්ප පත්‍රිකාව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස වෙත භාර දී ඇත.

ඒ, අදාළ නීතිමය ක්‍රියාමාර්ග සම්පාදනය කිරීම සඳහා අවශ්‍ය කටයුතු සූදානම් කිරීමට ය.

දුම්කොළ සහ මධ්‍යසාර නිසා සිදුවන සමාජ ව්‍යසනය අවම කිරීම සඳහා දුම්කොළ සහ මධ්‍යසාර පිළිබඳ ජාතික අධිකාරියත්, ශ්‍රී ලංකා වෛද්‍ය සංගමය සහ අනෙකුත් වෛද්‍ය ක්ෂේත්‍රයට අයත් විද්වත් වෘත්තික සංවිධාන මෙන් ම රාජ්‍ය නොවන ආයතන සහ අනෙකුත් වගකිව යුතු ආයතන දුම්කොළ හා මධ්‍යසාර හේතුවෙන් සිදුවන හානිය අවම කිරීම සඳහා ගත යුතු ඉතා වැදගත් පියවර 02ක් පෙන්වා දී තිබේ.

ඉන් පළමු වැන්න දුම්කොළ සහ මධ්‍යසාර පිළිබද ජාතික අධිකාරී පනතේ පවතින රෙගුලාසි යාවත්කාලීන කිරීම සඳහා සංශෝධන රැගෙන ඒම ය. දෙවැන්න, 'දුම්කොළ රහිත අනාගත පරපුරක්' යන සංකල්පය යටතේ එක්තරා වයස් සීමාවකින් පසු උපත ලබන සියලු ම පුද්ගලයින්ට දුම්කොළ හා දුම්කොළ නිෂ්පාදන සඳහා වන ප්‍රවේශය අහිමි කිරීම සහ තහනම් කිරීම ය.

සමාජ මාධ්‍ය ක්‍රියාකාරිකයෙකු වන අර්ෂාඩ් කාදර් ද මේ සම්බන්ධයෙන් සිය ෆේස්බුක් ගිණුමේ ඉංග්‍රීසි භාෂාවෙන් දීර්ඝ සටහනක් තබා තිබේ.

ඔහු ද පෙන්වා දෙන්නේ, වෙසක් සැමරුම වෙනුවෙන් සිදු කරන ඇතැම් සීමා කිරීම් (මස් සඳහා සීමාවන් වැනි) සහිත සතියක් තුළ හජ්ජි සැමරුමේ සාම්ප්‍රදායික චාරිත්‍ර වාරිත්‍ර සිදු කිරීමට බාධාවක් ඇති විය හැකි බව ය.

"සුළු ජාතීන්ගේ අයිතිවාසිකම් රාජ්‍යය විසින් ආරක්ෂා නොකරන බවටත්, ආගමික බහුතරයේ අභිමතයන්ට සහ 'අවසරයට' [සුළු ජාතීන්ගේ අයිතිවාසිකම්] යටත් වන බවටත් සෑම පුරවැසියෙකුට ම පණිවිඩයක් ලබා දීමක්," මෙයින් සිදුව ඇතැයි ඔහු චෝදනා කරයි.