Most of y’all aren't even here for the 'looksmaxxing' anymore. Let’s be real—half of you are just projecting your own insecurities and self-hatred onto everyone else. You’re not giving 'brutal honesty,' you’re just mentally ill and using this sub to vent your negative energy because you hate what you see in the mirror. If this hits a nerve, yeah, I’m talking about YOU. Seek therapy instead of ratings."
هل فعلًا تلتزمون بالجداول؟ عن نفسي اشوف الجدول اكثر شي ماله داعي لان اذا صارلك ضرف او لنفرض بيوم كعدت مالك خلگ راح تحس نفسك متأخر ويضل ضميرك يأنبك
هذا غير انك دتخلي نص يوم دراسه لمدة شهرين كاملات
عندكم نصيحه الي؟
بالبدايه جانت اول علاقه الي بحياتي وجنت صغير وهي اكبر مني
بفتره من فترات العلاقه بدت تتقصد تسوي حركات والعاب نفسيه عليه، جانت تتقصد ترد متأخر وجانت تتقصد تضيف ولد ومره من المرات ضافت ولد و من راسلتها ودمي محروك لان كايللها من قبل انو ما اقبل تضيف ولد غيري هذا غير انو جانت ضايفتني بحسابها الثاني لان الاول كالت ضاع مني "جذابه" ف ماكو مبرر انها تضيف ولد بحسابها الي تتابعني منه غير انو تريد تقهرني فالمهم من دزيتلها حسابه وسالتها منو هذا مباشره دخلت للانستا و من دخلت بين يمي active وهي متقصده تكون مفعله هذا الخيار حتى من ادزلها تدخل ويبين يمي متصله و تطفي الخاصيه وتطلع بدون مترد على رسالتي، لهسه اتذكر القهر الحسيت بي بيومها
هاي لعبه من مجموعه من اللعبات النفسيه الي طبقتها على طفل عمره 16 سنه وهيه عمرها 18 بس تخيلو
جانت تتعمد تخليني اكللها ليش تسوين هيج وهيج حتى تكلي ليش تصرفاتك صايره هيج ومتغير وتطلعني اني المخبل
بالنهايه متحملت هيج علاقه تستمر وكطعتها، تعلقت بيها خلال العلاقه تعلق مو طبيعي واستمر تعلقي ك طفل عمره 16 سنه عواطفه تتحكم بيه لدرجة خلاني على مدار تسع اشهر ارجعلها اكثر من ست مرات واني اطلب منها نرجع لان جان كل هدفي هو انو يوكف العذاب الي امر بي كل يوم وكل ليله مو علمود شي ثاني، وياريت بكل مره ترفضني ياريت جان ارتاحيت
جانت تتجاهلني وتستمر تلعب العاب نفسيه عليه وتجربها
جانت تتعمد تغير افتارها وتنشر بالوكت الي اراسلها بيه حتى تكلي داشوفك تتوسل بيه بالخاص صارلك شهور بس ممهتمتلك، مره من المرات راسلتها لمدة اسبوع بالتلكرام وجانت مستمره تغير افتارها واني كل يوم نص ساعه لو ساعه ارسل رسائل واسولف ويه نفسي بسبب مرحلة التعلق العاليه كلش الوصلتلها بحيث لا كرامه ولا عزة نفس بقت عندي، ولا هي انسان طبيعي وترفضني بكلام مباشر
والله بعمري ما كرهت احد لدرجة خلاني ادعي عليه من كل گلبي، بس هسه بعد مرور سنتين من انتهاء العلاقه بالضبط وقبل اتمامها السنتين صفنت ويه نفسي بعد ما حجيت ويه احد عن هالعلاقه بدون التفاصيل الي ذكرتها وكلام الشخص المقابل خلاني اصفن هالصفنه الي وعتني و اليوم من دانام فكرت بمدى كرهي وحقدي عليها و دعيت عليها إنو الله ميوفقها نهائيًا بحياتها العاطفيه لحد ما تموت، طفل عمره 16 سنه عواطفه هي الي تتحكم بيه تطبقين عليه العاب نفسيه لمدة سنه كامله؟ حسبي الله ونعم الوكيل
وبالمناسبه اني جنت ميت عليها خلال هالسنتين ولحد ذاك اليوم جنت ابجي عليها هواي بليل و لاحظت روحي داخل عالسنه الثالثه بس هالحقد تجاهها والكره اجاني بعد ما صفنت وفكرت بالموضوع بعمق
مرت سنتين وهسه عمري 18 سنه وآخر جان تواصل بيننا 2024/12 بعد ما رجعتلي لمدة 3 ساعات وشفت الدنيه تحولت لجنه، جنت راجع من الجم وماعندي نت كلت اشوف الانستا ولكيت اشعار كلت اطب بلكت باقي نت يفتح اشوف شنو عالاشعار ولكيتها دازه فولو وكمت اركض والدمعه بعيني من الفرحه، وسولفنا وقبل لا تنام كلتلها كلام وشكد فرحان لان رجعتلي ثاني يوم بالليل داتمرن اني وصديقي ديدليفت و جنت ناوي ارفع 140 ف طبيت على حسابها لكيتها حاذفتني مباشره كعدت بلكاع ودخت بعد ما جنت ارفع 120 كيلو مثل الريشه كمت ماكدر ارفع جسمي وامشي
حبيت اكتب هذا كله حتى اودع الموضوع طوال عمري وما افتحه مره ثانيه، وقبل كم يوم حذفت كل ذرة ذكرى تذكرني بيها وحتى حساباتي الي عرفتني منهن حذفتهن للابد حتى ميصير تواصل بيننا مره ثانيه
وبالاخير اعتقد الي الحق ادعي عليها