السلام عليكم جميعا،
هل احد قد جرب موقع KS Furniture؟ ابي اشتري مغاسل ووحدات تخزين للحمام اكرمكم الله وكل اللي يطلعلي بقوقل من هذا المكان
وهل في احد يعرف وين الاقي مغاسل فبها تطعيمات خشبية؟ وشكرا جزيلا
السلام عليكم جميعا،
معي مبلغ بسيط وودي احطه دفعة اولى واشتري سيارة للوالد لان سيارته خلاص جار عليها الزمن. بالغالب ابوي ماراح يحتاج الثلاث صفوف الا في حالات نادرة جدا (حاليا معه اكسبدشن قصير ٢٠١٦)
هل عندكم اقتراحات لسيارات عائلية واعتمادية وتنفع خطوط؟
انا محتار بين هذي الاربعه (طبعا اذا اخدت الباترول ما راح اقدر اخذ له الفل و راح اخذ من الفئات الاقل)
وصراحة ماودي بسيارة كلها شاشات وتكنولوجيا زيادة عن اللزوم، عشان كذا قاعد احاول ابعد عن الصيني شوي لكن التانك ٥٠٠ جاني عليه مدح واجد
انا شخص شغال في شركة تقنية (مجالي غير تقني) و ٩٠٪ من الموظفين من هذيك الجنسية وطبعا مسويين لوبي ويضبطون بعض. بدأت اسوي لوبي سعودي وقاعد احارب من كل جهة عشان يكون عندي نفوذ ودعم من الشركة الام، وبفضل الله نجحت بهذا الشي
لكن بحكم سوق العمل حاليا شركتنا مقفلين التوظيف وحتى وظيفتي ماهي في امان. بعد سالفة المطيري ويوم شفت مسويين قروبات للكفاءات السعودية كمبادرة. قلت ليه ما اسوي موقع يربط الاتش ار بالموظفين وراح يكون مجاني وما ابي الا الدعاء
قعدت اشوف الخيارات الموجودة بالسوق و البزنس مودل اللي انا مسويه تقريبا غير موجود. في منصات ثانية طبعا هدفها الاساسي هو التوظيف وفكرتي تتشابه معهم، لكن من ناحية اجراء وتنقيح واختيار الكفاءات فهي مختلفة تماما واللي يميزه هو شيئين: مافيه صناعة محتوى مثل لنكدان، وماهو مربوط في kpi معين مطلوب من الحكوم. الاتش ار يدخل عشان يطلع موظفين و الكفاءات تدخل عشان تعرض خبراتها
طبعا المشكلة هي ان الشركات اصلا ماتبي سعوديين، لذلك قلت عبء الاستقطاب راح يكون علي وانا راح اعرض لهم الوظايف وراح اوفر عليهم وقت ومجهود وهم يقعدون رجل على رجل ويختارون الموظفين (كبداية طبعا حتى ينشهر الموقع)
المهم قعدت اسوي دراسة جدوى وكم راح اتحمل تكاليف عشان تنجح الفكرة هذي. توني قلت بسم الله ببدأ والا تطلع سالفة تهكير تطبيق AN
قعدت افكر ان راح اكون مسؤول عن بيانات الاف الاشخاص وراح تكون بذمتي و ممكن اتحاسب عليها اذا اتسربت بالغلط
المهم اني انخرشت وقلت ياولد انت على بداية زواج ووراك مسؤوليات وسو اللي تقدر عليه بشركتك ولعل وعسى تفيد الناس اللي حولك
قبل فترة طحت على متجر يسوي دهن عود و ينزل اصدارات محدودة كل حج
ولحقت عليه هذي السنة وطلبت منهم. ندمت اني طلبت واحد بس لأن الريحة هذي لن تتكرر ابدا، وسوا منها ٢٧٥ حبة بس
تقييمكم للبروفايل حق الدهن
(مو اعلان ترا بس مبسوط عليه ومتحمس يوصل)
توي طالع من دكتور اسنان سعودي وقاعد يشوف الاشعة ويقول لي لازم تشيل ضرس العقل، قلتله طيب مين في دكتور كويس عندكم لعمليات ضرس العقل؟ قال لي اسويها. وقلت له ابد متى يناسبك نسويها؟ قال لي اليوم؟ قلت له لا اسمع انا عندي اجازة الاربعاء الجاي وممتدة الى نهاية الشهر مع اجازة الحج. قال لي خلاص نسويها الاحد وبعطيك سكليف اثنين وثلاثاء واجازتك تصير ٣ اسابيع. احجز ولو مالقيت موعد قول لهم الدكتور قال يدخلوك اكسترا
الزبدة شكرا دكتور سلطان والله يكثر من امثالك