التفكير بما أنا عليه ولو لدقائق كتير صعب

أنا مابعرف مين أنا حرفيا

أنا حدا كتير مختلف عن نفسي ومش عارفة أعرف مين أو شو أنا

لما أفكر أحكي هاد الاشي لحدا بتف على حالي قبلها وبتزكر إنه مفيش داعي أعكر مزاج حدا وجوه بمسألتي المعقدة

بلهي حالي بالأشياء عشان ما أضل صافنة طول الوقت ومكتئبة بكل شرود

حدا يحكيلي شو أعمل؛ لأنه الحالة هاي مش بس بتخليني مش فاهمة إشي وضايعة و إنما بتخليني أحس بذعر و عدم استحقاقية لأشي

وآسفة لو ازعجت حدا بالكلمات إلي مش مفهومة هاي

صرلي من فترة كتير طويلة عم أعاني من وجع بالرقبة والكتف والمنطقة إلي حولها وكمان بالمكان إلي آخر العمود الفقري، لما رحت شيكت عند الدكتور حكالي مفيش إشي (وعملت صورة، أتوقع بالرنين المغناطيسي) المهم كنت دائما أحاول اغير مخدتي لمخدة أطرى و أنعم و أعدل قعدتي بس لسا هاي الأماكن بتوجعني وأحيانا بتسببلي صداع..

المهم عرفت قبل فترة عن المخدات الطبية إلي بتدعم العمود الفقري وهيك، صراحة شكلها ما كان مريح بالنسبة إلي بس يعني كونها الخيار الأخير حكيت بجيبها،

فسؤالي عن متاجر بتبيع هدول المخدات اونلاين

و مو مهتمة للسعر و إنما الجودة على أن يكون السعر والجودة متناسقان.

اقترحولي الأغاني أو مقطوعات الموسيقى إلي جدا خفيفة و ناعمة ولو في بلايلست انتم عاملينها بنفس هاد الطابع شاركوني إياها

لأنه الصداع قتلني وبنفس الوقت بدي إشي يهدي البال غير الأدوية

وماحدا يكتب بالكومنتس سورة يس ولا سورة البقرة لأنهم بيبثوا التوجس في نفسي مو العكس

وشكرا🩷🩷

بليز حدا يشرحلي الأغنية

حبيتها وعالقة براسي بس مو فاهمة لشو بترمز

السلام عليكم

أُهديتُ هذه القصيدة لمجنون ليلى

و بالرغم من فهمي لفحواها و الخلاصة إلا أني راغبة في تذوق كل بيت و كل كلمة و لستُ أجدني بتلك الفصاحة لأفهم شروح القصيدة و لست راغبة بتفسيرها عن طريق الذكاء الاصطناعي لأنه يغير المعنى و لا يحسن الشرح؛ لذا آمل من من يحب، أن يساعدني في فهم هذه القصيدة فهما سليما وعميقا

خالص امتناني سلفا

بليز بدي روابط صبات بقدر أطرح فيها مواضيع "لا تشترط" أنها تتعلق بالأردن وهاي الأمور

حبذا لو كان من بينها صب للأدب العربي و الشعر

مش معقول كل بوست بنزله هون ولا بصبات المجتمع الأردني لازم يتم تعليقه!

​

اليوم والثيرابيست عم تقرألي تحليل الاختبار حكتلي إنه قد تمتلكين نزعة ماسوشية عن كشف الذات

لما سألتها عن التوضيح حسيتها تلعثمت وصارت تحكيلي يعني ايش مازوخي وايش سادي

بس أنا بعرف شو معانيهم إنما مافهمت شومعنى النزعة عن كشف الذات