حرفيا ماعرف ليش, والموضوع يضحك بس احيانا يصير مقزز من تنتشر الجملة.
اشوف ناس يتناقشون بيها, ناس تحطها بالبايو. ناس تصنع منها اغاني وتقتبس منها الاشعار
بس بمجرد ما تصفن للجملة هاي, حتكون بلا معنى. اما بديهية كونية, تبرير فشل, نصايح توكسيك, جمل متناقضة, او جمل ايقونية من فيسبوك
وغالبا ما يكون سبب انتشارهن تيك توك, لان الناس هناك كله حلتيتات
من اكون رايحة تا اسوي الشي "الفلاني" ويطلع واحد بوجهي يكولي روحي سوي الشي "الفلاني"
يطك عندي عرك عناد وكتهاا, واضل معصببةةة. و الا بعد ما اسوي هالشي
معليك هو انت بس سجل وياي دورات من الشهر الخامس بنص مليون اضبطلك المنهج, واشترك بدوراتي الالكترونية حتى اكملكياه بنص المليون الباقية, وجيب ملزمة المنهج, وملزمة الواجبات, والوزاريات, وملزمة الرسومات, وملزمة القشامر في حل الدفاتر, واشترك بقناة اليوتيوب, وبالتيك توك, وعلفيسبوك, والانستا, وركز على مرشحاتي, وجيب وياك صديقك حتى اسويلك خصم, واشتري تسريباتي.
وان شاء الله تجيك الـ100% ركض😎
كلهم نفس الاسلوب, نفس الطلبات, نفس الكلام, نفس الفيتشز.
يمعودين نريد اصناف جديدة نضحك عليها! صار الوضع ممللل👻
عنجد عم بحكي! دفعة 27 درسوا عليهن للي يكدر, اما اذا تحسون ما تكدرون تستوعبون عادي, اقروا بالمحاضرات العادية.. بس الي يكدر لا يضيعها تختمون المادة بكل حذافيرها بعد واكثر من مرة, وراح تتكر وتتكر وما اعتقد حتصير عليكم صعبة ابد, وحتختمون المنهج بشكل مبكر, ويضل عندكم هواايي وكت للمواد الحفظية. بس كون تلكون مدرس مثالي يشرح كلشي وكأنه ما شرح المادة من قبل بالمحاضرات العادية, يعني يشرح للدارس والمادارس
وحتى لو قررتَ الرحيل
تبقى روحي بانتظارك… في مكاننا
تحت سعفات النخيل
حيث ضحكنا… ولعبنا
ثم احتوانا الصمتُ الطويل
سأبقى بانتظارك
سواء أردتَ الضحك أم العويل
سأبقى بانتظارك
سواء اخترتَ البقاء أم الرحيل
سأبقى…
راجية أنّ اكون لك الراحة
بعد هذا التعب الطويل