الغربة والجواز ايه الحل !؟
معلش الموضوع طويل شوية بس دي مشكلة أنا متاكدة انها بنات كتير زي وقعين فيها ومش عارفين يعملو ايه
أنا بنت في أواخر العشرينات وعايشة برا مصر مع اهلي والوضع بالنسبة للجواز صعب جدا برا مصر لان علاقتنا قليلة وكل حد في حاله والناس مش بتعرف بعض زي مصر
وبنزل إجازات قليل جدا وبتبقي فترة زي من أسبوعين لشهر ونص بالكتير
المشكلة ان في الفترة دي ممكن حد ولا اتنين يتقدمولي عن طريق قرايبنا بس مش بيبقي في توافق خالص
فالمشكلة اني تقريبا ممكن كل كام سن يتقدملي ٢ او ٣ بالكتير والعمر بيجري بيا
أنا نازلة مصر قريب و جربت برامج الجواز زي موز والخاطبة و كوشات و مودة
عملت اشتراك في تطبيق منهم بس المشكلة ان أغلبية الشباب داخلين بس يتكلمو ويتسهوكو ويضيعو وقت لما بنيجي لوقت الجد ونتكلم في ارتباط رسمي بيختفي فص ملح وداب
كوشات عجبني انه فكرته انه مافيش فيه شات وان الشاب بينزل يقابل البنت مع أهلها على طول يعني المفروض مافيش فيه لف ودوران والشباب المفروض أنهم جد بس المشكلة انه شكله جديد ولسا مش عليه ناس كتير
هل حد جربه وهل علشان أنا برا مصر مش عارفة أشوف ناس كتير عليه
حد ممكن يقولي ايه نصايحه وتجربته في الجواز للناس المغتربين زي حلاتي