u/Physical-Prior2626

انا استخدم ووب من اكثر من سنه وافادتني في فهم جسمي اكثر ، المهم الشهر الماضي لاحظت ان ال RHR مرتفع دايماً بعد ما بديت اضخم لفتره قصيره ورفعت السعرات ، بعدها شكيت بالوجبه الاخيرة انها قريبه من موعد النوم كان يفرق ساعتين فقط ، قررت ارجع لنظامي سابقاً وهو اني اوقف اكل قبل النوم ب ٤ ساعات على الاقل وكانت النتيجه صادمة من اول يوم انخفض ال RHR من 64 الى 55 ثم بعد ٣ ايام الى 52 وهو المعدل الطبيعي الي كنت متعود عليه ، بعد مابحثت وحصلت الجواب المنطقي ان عملية الهضم تستهلك طاقة فوق ما تتوقع لذلك القلب كان مشغول وكان يأثر على النوم لانه اذا ارتفعت معدلات النبض راح يكون نومك اقل جودة وتجيك كوابيس اكثر بسبب ان المخ ينشط اكثر بسبب النشاط القلبي .

زبدة الموضوع :

اذا تبي ترفع الاستشفاء وجسمك فعلا يرتاح ويتفرغ لعمليات الاصلاح بدل ما يكون مشغول بالهضم بنسبه كبيره ،، لا تاكل قبل النوم ب ٤ ساعات