اكس ميديا انشهرت جدا بعد سقوط النظام خصوصا بين الناس المعارضة للحكومة بسبب خطابها المعارض.

بس الدافع ورا خطابها المعارض مانو حب بالعدالة والحريات، وإنما نوع من انواع الإنتقام لسقوط النظام.

طيب هلأ شو استفدنا نحنا من خمس ايام من الأخبار المضللة والتحريض واستغلال قضية البنت؟

شو المحصلة اللي طلعنا فيها؟

انا بقلكم

1- رح تصير حجة للأنذال ينكروا خطف اي بنت تانية ويقولوا "هي ميرا وبتول"

2- زين جرعة مهدد بالقتل

3- فلول النظام عم يخططوا لعمل ارهابي ممكن يأدي لحمام دم تاني ومجازر جديدة بسبب انو البهايم بطرف الحكومة بس بدهم حجة يهجموا عالعلويين.

لما قلت من خمس ايام القصة مو واضحة واصبروا بجوز مو مخطوفة وهاد الجزم ما بيساعد حدا وبيضرها وبيضر قضية كل حدا تاني تعرضت للهجوم والشتائم، لازم هيج مع الهايجين ونزل القاطع وخلص اجزم وروج انها سبية وبعدين شو بيصير لطيزي ما مهم شو عواقب الموضوع وشو ال backfire اللي ممكن يعملو. المهم اول شي نشارك بالحملة والباقي عالتيسير.

اول شي، الكتابة بالفيديو لا اتبناها، هاد اول ريل طلعلي وانا عم قلب وحملتو. المكالمة هي المغزى.

زين جرعة من بعد المقابلة وهو عم يتعرض لحملة تشهير عالسوشال ميديا وخاين وقواد ربعو، ليش زين تحديداً من بين الحاضرين؟ لأنو علوي، والمعركة اللي سلاحها بتول هي معركة طائفية فهو بطبيعة الحال لازم ما يخون طائفتو وياخد موقف انو بتول مخطوفة.

ومجرد ما عمل هيك بلشت حملة التحريض ضدو والهجوم عليه و"تخوينو" لحد ما وصلت لهالمكالمة. تهديد صريح بالقتل من احد فلول الأسد.

يعني هلأ في شخص ممكن ينقتل لسبب تافه لأنو ما شارك بحملة تعزيز المظلومية.

اللي حرضوا ضدو عالسوشال ميديا شو متوقعين منو؟ الزلمة قعد معا وشاف انو مافي خطف وسبي ومن هاد الكلام، لازم يتجاهل قرارو يعني ويدعم الحرب الطائفية الإلكترونية؟

كان في اهتمام كبير بقضية بتول هون، ليش وقف فجأة عند اخر فيديو لأبوها وما حدا نشرو وانا متأكد الكل شافو.

معقول كانت القضية أداة بس لمحاربة السلطة والفيديو هاد ما بيخدم الهدف؟

قبل ما تبلش تسب بعرف ما بتقدر تمسك حالك، جرب تجاوب اول عالسؤال، ليش اختيارك لأخبار القضية تبع بتول انتقائي وما شاركت اخر ابديت؟

اذا مارح تجاوب انا بجاوبك، لأنو بتول وقضيتها سلاح بس لمحاربة السلطة بالنسبة الك، ترجع ما ترجع ما كتير بيهمك. المهم تنشر الخبر اللي بيخدم معركتك مع السلطة او بيعزز مظلوميتك، لذلك ما حدا شارك اخر خبر، لأنو ما بينفع. ممكن كان ينتشر وينقال انو تمثيل او كذب او مرغم الخ.. بس ما ينتشر ابدا وكأنو مو موجود؟ ليش؟

ورجاء لا تشتت السؤال بنقاش "انت مقتنع انو مو مخطوفة"

ما عم ناقش القضية نفسا، عم ناقش ليش ما انتشر الخبر هون بهاد الساب واغلبكم شافو. خرج حدا يجاوب بدون لف ودوران وتحويل النقاش للقضية نفسا؟

السؤال بسيط، ليش شفت الفيديو وما نشرتو رغم انك كتير مهتم ومتابع القضية وعم تنشر اول بأول؟