​
ازيكم يا جماعة انا في بنت معايا في الكلية وفي بينا كلام عادي بس انا بطبيعتي خجول شوية هي اللي كانت كلمتني الاول بس انا كنت معجب بيها وكدة بس مكسوف اكلمها بس هي من ناحيتها بتتكلم عادي مفيش اعجاب أو حاجة مجرد زمالة والصراحة لما هي كلمتني انا اتعلقت بيها جامد واول مرة احس بالشعور ده ودي اول مرة اكلم بنت اصلا في حياتي ونقعد بالساعات نتكلم إذا كان شات أو كول وعرفنا حاجات كتير عن بعض وهي اللي هونت عليا الفترة اللي فاتت في الكلية وبعد ما كانت تقيلة عليا بقيت بحب انزل علشان على الأقل اشوفها حتي لو مش اتكلمنا والمشكلة اني حبيتها بجد وهي للاسف هتخطب لحد تاني وانا معترفتش ليها اني بحبها علشان كنت خايف اخسرها وكنت مستني الوقت المناسب اللي مش عارف كان هيجي أمتي بس من ساعة لما عرفت انها اتخطبت وانا نفسيا مش كويس وبقيت علطول زعلان ومكتئب والمشكلة اني عارف الشخص ده ودايما بقى عقلي بيقارن بيني وبينه واقول اشمعني هو ودلوقتي مش عارف اعمل اي ونفسي اكلمها اوي وفي نفس الوقت مش ينفع بعد ما اتخطبت وبتمني انها تسيبه وترجعلي و مش عارف هل انا كدة اناني ولا اي والمشكلة ان هي يعتبر كانت الشخص الوحيد اللي بفضفض معاه وبرتاحله ودلوقتي مبقاش في حد اعمل معاه كدة وبرضو انا مبعرفش اكون صحاب فمش عارف اعمل اي دلوقتي هل حد عنده حل علشان انساها مع اني حاسس اني عمري ما هنساها ابدا فممكن تقترحوا عليا حاجة اعملها مثلا